SAN JUAN 15:26 - Nuevo Testamento en Quichua Cañar 1996

²⁶ Ashtahuanpish Taitamanta ñuca cachashca Cushichic Diospac Espíritu shamushpami, ñuca ima shina cashcataca huillanga. Paica cashcata nicmi.

Dios Rimashcata Quillcashcami

²⁶ Ashtahuanpish Taitamanta ñuca cachashca Cushichic Diospac Espíritu shamushpami, ñucataca ricsichinga. Paica cashcata nicmi.

SAN JUAN 15:26 Iomraidhean Croise

SAN LUCAS 24:49

Chashna huillachunca, ñuca Taita cachasha nishca paipac Espiritutami cancunapacmanca cachasha. Paita ñuca cachangacamanca, cai Jerusalén pueblollapitac shuyanguichiclla. Ñuca cachacpi jahuamanta cancunapac shunguman pai shamucpimi, imatapish ruhuai pudinguichic— nirca.

SAN JUAN 14:26

Ashtahuanpish Taita Dios ñucapac randi cachagricuc Cushichic paipac Espíritu shamushpami, tucui imatapish yachachinga, shinallatac tucui ñuca ima nishcacunatapish yuyachinga.

SAN JUAN 16:7

Shina cacpipish, ñuca rinami cancunamanca ashtahuan alli canga. Chashna ñuca mana ricpica, cancunata Cushichicca mana cancunahuan cangapac shamungachu. Ñuca rishpami, paitaca cachasha. Chaica chashnatacmi canga.

SAN JUAN 8:42

Shina nicpimi, Jesusca cashna nirca: —Taita Dios cancunapac taita cacpica, c'uyanguichicmanmi. Ñucaca Diosmanta shamushpami caipi cani. Mana ñuca munaimantachu shamurcani, ashtahuanpish Taita Diosmi cacharca.

HECHOS 1:4

Paicunahuan cashparacmi, Jesusca: —Ñuca huillashca shina, ñuca Taita cusha nishca paipac Espíritu shamungacaman, Jerusalén pueblomantaca amarac maiman rishpa, shuyacunguichiclla.

HECHOS 15:8

Tucui gentecunapac shunguta yachac Taita Diosca, mana israelcunatapish cricpica chasquircami. Chaita ricuchingapacca, ñucanchicman cushca shinallatacmi, paicunamanpish paipac Espiritutaca curca.

HECHOS 5:32

Ñucanchicca cai tucui uyashcatapish, ricushcatapish huillaccunami canchic. Shinallatacmi Diospac Espiritupish cai tucuita huillacun. Taita Diosca paita cazuccunamanmi paipac Espiritutaca cushca— nircacuna.

1 CORINTIOS 1:6

Jesucristomanta cancunaman huillashcataca, tucui shunguhuanmi crishpa c'aticunguichic.

HEBREOS 2:4

Taita Diospish pi mana ruhuaipaccunata, pi mana ricushcacunata ruhuashpa, shinallatac pai munashca shina imatapish ruhuachun paipac Espiritutaca cushpami, chashnatac cashcata ricuchirca.

APOCALIPSIS 22:1

Chai q'uipaca chai angelmi causaita cuc, cristalman riccha callpacuc yacuta ricuchirca. Chai yacuca Taita Diospacpish, Pactalla Ovejapacpish*f** tiyarinamantami llucshicun.