SAN JUAN 15:22 - Nuevo Testamento en Quichua Cañar 1996

²² Ñuca caicunata mana imata rimangapac shamushca cacpica, paicunaca mana juchanchishcachu canman carcacuna. Ashtahuanpish ‘cunanca mana juchayucchu cani’ ninataca mana pudincunachu.

Dios Rimashcata Quillcashcami

²² Ñuca mana shamushca cacpi, paicunata mana rimashca cacpica, mana juchayucchu canman carca. Ashtahuanpish cunanca paicunapac juchamantaca mana quishpiri pudincunachu.

SAN JUAN 15:22 Iomraidhean Croise

SAN LUCAS 12:46

Chashna ima punzha, ima horas cutimunata mana yachashpa puricucpimi, cungailla amo chayamushpaca japinga. Chashna japishpaca, caishuc mana cazuccunata shinallatacmi, huañucta macachishpa llaquipi churanga.

SAN JUAN 12:48

Maijanpish ñucata p'iñashpa ñuca rimashcata mana cazucca, ñami llaqui pachaman cachacta charin. Ñuca rimashca rimaicunallatacmi, tucuri punzhapica llaqui pachaman cachanga.

SAN JUAN 15:23

Maijanpish ñucata p'iñaccunaca, ñuca Taitatapish p'iñanmi.

SAN JUAN 15:24

Pi mana ruhuaipaccunata paicunapac ñaupapi ñuca mana ruhuashca cacpica, paicunaca mana juchanchishcachu canman carcacuna. Ashtahuanpish caicunataca ña ricurcacunami. Chashna cashca jahuami ñucatapish, ñuca Taitatapish p'iñancuna.

SAN JUAN 16:9

Paicuna ñucata mana cricpimi, imami jucha cashcataca ricuchinga.

SAN JUAN 19:11

Shina nicpi Jesusca: —Taita Dios imatapish ruhuana cashcata cucllapimi, ñucataca imatapish ruhuai pudingui. Shina cacpica, canman apamushpa cucmi, canta atishpa yalli juchayucca can— nirca.

SAN JUAN 9:41

Shina nicpi Jesusca: —Cancuna ñahui mana ricuccuna cashpaca, manachari juchayuccuna canguichicman. Ashtahuanpish ‘ñahuihuan ricushpami causacunchic’ nishcamantacarin, juchayuccunami canguichic— nirca.

HECHOS 17:30

Cai pachapi causaccunaca Taita Diosta mana ricsishcamanta paicunapac munaita ruhuashpa causacucpipish, Taita Diosca cunancamanca mana llaquichishcachu. Cunanca tucui cai pachapi causaccuna juchayuc cashcamanta llaquirishpa, paipacman cutirichun nishpami mandacun.

ROMANOS 1:20

Diostaca pipish mana ricushcachu. Shina cacpipish pai ruhuashcacunata ricushpa yuyarishpami, paitaca ricsi pudincuna. Cai pachata Taita Dios ruhuashcamanta pachami, paica Dios cashcata shinallatac imatapish ruhuac cashcata ricunalla. Chaimanta chai mana allita ruhuaccunaca: “Mana ricsishcanichu” ninata mana ni pudincuna.

ROMANOS 2:1

Chaimanta can cashpapish, pi cashpapish shuccunata juchanchishpaca, mana perdonashcachu cangui. Shinallatac shuccunata juchanchishpaca, canllatacmi llaquichingapac nishca cangui. Canpish paicuna shinallatacmi ruhuacungui.

SANTIAGO 4:17

Maijanpish allita ruhuana cashcata yachashca jahua mana ruhuacca, juchayucmi tucun.

1 PEDRO 2:16

Huatashca shinamanta cacharichishcami canguichic. Shina cashpapish “cacharishcami canchic” nishpaca, ima millaitapish ama ruhuaichicchu. Chaipac randica Diospacta ruhuaccuna shina causaichic.