SAN JUAN 15:21 - Nuevo Testamento en Quichua Cañar 1996

²¹ Ñucata Cachacta mana ricsishcamantami, ñucata c'aticushcamanta cancunataca llaquichingacuna.

Dios Rimashcata Quillcashcami

²¹ Ñucata Cachacta mana ricsincunachu. Chaimantami cancunataca ñucata caticushcamanta llaquichingacuna.

SAN JUAN 15:21 Iomraidhean Croise

SAN MATEO 10:18

Ñucata c'aticushcamantami, cancunataca llactata mandaccunapacmanpish, jatun mandaccunapacmanpish apangacuna. Shina cacpimi paicunamanpish, shuctac mana israelcunamanpish*f** ñucamanta huillanguichic.

SAN MATEO 10:22

Cancuna ñucata c'aticushcamantaca, tucui gentecunami p'iñangacuna. Shina cacpipish tucuringacaman llaquicunata apaccunami quishpiringa.

SAN MATEO 10:39

Maijanpish quiquin causaita llaquicca chingaringami, ashtahuanpish ñucata c'aticushcamanta quiquin causaita mana llaquicca quishpiringami.

SAN MATEO 24:9

Chai punzhacunapimi cancunata llaquichishpa huañuchichun japichingacuna. Ñucata c'aticushcamantaca, tucuimi cancunataca p'iñangacuna.

SAN MATEO 5:11

Ñucata c'aticushcamanta maipipish p'iñashpa, imatapish llullashpa c'amishpa llaquichicpipish, ¡cushicuichic!

MARCOS 13:13

Ñucata c'aticushcamantaca, cancunataca tucuimi p'iñangacuna. Chashna p'iñacpipish, tucuringacaman chai llaquicunata apactaca Taita Diosca quishpichingami.

SAN LUCAS 21:12

Manarac chashna tucucpimi, cancuna ñucata c'aticushcamantaca p'iñashpa, mana ricunachishpa japingacuna. Cancunataca juchanchishpami, tandanacuna huasicunaman tapungapac apangacuna. Carcelpipish churangacunami. Shinallatac llactacunata jatun mandaccunapacmanpish, quiquin llactata mandaccunapacmanpish apangacunami.

SAN LUCAS 21:17

Ñucata c'aticushcamantami, cancunataca tucui gentecuna p'iñashpa mana ricunachingacuna.

SAN LUCAS 6:22

Runa Tucungapac shamushca*f** ñucata c'aticushcamanta pipish p'iñacpi, llucchishpa cachacpi, c'amicpi, ima millaita rimacpipish, ¡cushicuichic!

SAN JUAN 15:24

Pi mana ruhuaipaccunata paicunapac ñaupapi ñuca mana ruhuashca cacpica, paicunaca mana juchanchishcachu canman carcacuna. Ashtahuanpish caicunataca ña ricurcacunami. Chashna cashca jahuami ñucatapish, ñuca Taitatapish p'iñancuna.

SAN JUAN 16:3

Ñucatapish, ñuca Taitatapish mana ricsishcamantami chai shinaca ruhuangacuna.

SAN JUAN 17:25

Imatapish cashcata ruhuac Taitalla, cai pachapaclla causaccuna canta mana ricsicpipish, ñucaca ricsinimi. Shinallatac cai ñucapac caccunapish, can ñucata cachashca cashcata yachancunami.

SAN JUAN 8:19

Shina nicpi paicunaca: —¿Maipitac cambac taitaca?— nircacuna. Chaimanta Jesusca: —Cancunaca ñucatapish, ñuca Taitatapish mana ricsinguichicchu. Cancuna ñuca pi cashcata ricsishpaca, ñuca Taitatapish ricsinguichicmanmi— nirca.

SAN JUAN 8:54

Shina nicpimi, Jesusca cashna nirca: —Ñucallatac ‘allimi cani’ nirishpaca, imapish mana canmanchu. Ñucata alli nicca ñuca Taitami. Paillatatacmi cancunaca ‘ñucanchic Dios’ ninguichic.

SAN JUAN 8:55

Cancunaca paitaca mana ricsinguichicchu. Shina cacpipish ñucaca ricsinimi. ‘Ñuca mana ricsinichu’ nishpaca, cancuna shinallatac llullacmi caiman. Ñucaca ricsinitacmi. Chaimantami pai ima nishcataca cazuni.

HECHOS 17:23

Ñuca cai pueblopi puricushpaca, cancunapac dioscunata yuyarina huasicunatami ricurcani. Shinallatac pircashca shuc altarpica: ‘Mana Ricsishca Diosta yuyarinami’ nishpa quillcashcatami ricurcani. Chai Diostaca mana ricsishpapish, yuyariccunami cashcanguichic. Ñucaca chai Diosllamantatacmi cancunamanca huillacuni.

HECHOS 26:9

Ñaupaca ñucallatacmi: ‘Nazaret pueblomanta Jesús huañushpa causarishcata criccunataca, imatapish ruhuashpa llaquichinaca allimi’ nishpa yuyarcani.

HECHOS 3:17

Caipi cac tucui Israel*f** huauquicuna. Cancunapish, cancunata mandaccunapish mana yachashpa, Jesusta huañuchishcatami yachani.

HECHOS 4:17

Chashna cacpipish, paicuna chashna alliyachishca maipipish ama yacharichunca, paicunataca: ‘Cunanmanta pacha pacta piman ashtahuan chai Jesusmanta huillanguichicman’ nishpa manchachishun— ninacurcacuna.

HECHOS 5:41

Ña mandaccuna cacharicpi llucshishpaca: “¡Jesús llaquita apashca shinami, paita c'aticushcamanta Taita Diosca ñucanchictapish llaquita apachun saquishca!” nishpami, Jesús acllashca huillaccunaca munai cushicushpa rircacuna.

HECHOS 9:14

Cunanpish canman mañaccunata huatashpa apangapacmari, curacunata mandac curacunaman quillcata mañashpa shamushca— nirca.

HECHOS 9:16

Pai ima shina ñucamanta llaquicunata apana cashcataca, ñucallatacmi ricuchisha— nirca.

ROMANOS 1:28

Paicunallatac Diosmanta yachanata mana munacpimi, manapish caipaccunata ruhuachun paicunapac yuyaipi millai munaicuna junda cachun Taita Diosca saquishca.

1 CORINTIOS 15:34

Cancunaca alli yuyaiman tigrarichic, ama juchata ruhuaichicchu. Cancunapuramanta maijancunaca manarac Diosta ricsinguichicchu. Caicunataca cancuna pingaita charichunmi nini.

1 CORINTIOS 2:8

Chaita mana yachashcamantami, cai pacha mandaccunaca Apunchic Jesustaca chacatarcacuna. Paicuna yachashca cashpaca, sumaimana Apunchic Jesustaca mana chacatanmanchu carcacuna.

2 TESALONICENSES 1:8

Ñucanchic Apunchic Jesusmanta alli huillaita maijanpish mana cazuccunata, shinallatac Diosta mana ricsinata munaccunata llaquichingapacca, nina culun nicuc chaupitami shamunga.

1 JUAN 3:1

Ñucanchic Taita Dios mai c'uyashcamantami, ñucanchictaca paipac huahuacuna nishpa c'ayan. Chaica chai shinatacmi canchic. Chaimantami cai pachapaclla causaccunaca Diosta mana ricsishcamanta, ñucanchic paipac cashcatapish mana ricsincuna.

3 JUAN 1:7

Paicunaca Jesucristomanta huillangapac llucshishpapish, mana criccunamantaca ima ayudashcacunata mana chasquircacunachu.

APOCALIPSIS 2:3

Ñucata c'aticushcamanta llaquicunata apashpapish, mana p'iñarishpa, mana shaicushpa c'aticushcatapish yachanimi.