SAN JUAN 15:14 - Nuevo Testamento en Quichua Cañar 1996

¹⁴ Ñuca mandashcacunata pactachishpaca, ñucahuan apanacuccunami cancunaca canguichic.

Dios Rimashcata Quillcashcami

¹⁴ Cancuna ñuca mandashcacunata pactachishpaca, ñuca amigocunami canguichic.

SAN JUAN 15:14 Iomraidhean Croise

SAN MATEO 12:50

Maijanpish jahua pachapi cac ñuca Taita munashcata ruhuaccunallami, ñuca mama, ñuca pani, ñuca huauqui— nirca.

SAN LUCAS 12:4

Ñuca c'uyashca uyaccunalla, cuerpota huañuchiccunataca mana manchanachu canguichic. Ña huañuchishca q'uipaca, ashtahuan imata mana ruhuai pudincunachu.

SAN JUAN 13:17

Cancuna cai ñuca nishcacunata chashnatac cashcata yachashpa pactachishpaca, mai cushicuimi canguichic.

SAN JUAN 14:15

Cancuna ñucata c'uyashpaca, ñuca mandashcacunata cazunguichic.

SAN JUAN 14:21

Maijanpish ñuca mandashcacunata chasquishpa cazushpaca, ñucata c'uyashcatami ricuchincuna. Shina cacpica, ñuca Taitapish ñucata c'uyactaca c'uyanmi. Shinallatac ñucapish c'uyashpami, paicunamanca ricurisha— nirca.

SAN JUAN 14:28

‘Ñuca rishpaca, cutinllatac cancunahuan cangapac shamushami’ nishcataca, cancunallatac ña uyarcanguichicmi. Ñuca Taitaca ñucata yallimi. Chaimanta cancuna ñucata c'uyashpatacca, ñuca Taitapacman rina cashcata yachashpaca cushicunguichicmi.

SAN JUAN 2:5

Shina nicpi, serviccunata paipac mamaca: —Tucui pai ima nishcata ruhuanguichic— nirca.

SANTIAGO 2:23

Chashnami Dios quillcachishcaca pactarca. Chaipica: “Abrahamca Taita Diosta crircami. Chashna crishcamantami Taita Diosca paihuan alli tucuchun chasquirca” ninmi. Chaimantami Abrahamtaca Taita Diosca “ñucahuan apanacucmi cangui” nirca.

1 JUAN 5:3

Maijanpish Diosta c'uyacca pai mandashcatami pactachin. Pai mandashcacunaca pactachinallami.