SAN JUAN 15:1 - Nuevo Testamento en Quichua Cañar 1996

¹ Jesusca cashna nishpami c'atirca: —Ñucaca allita p'ucuc uvas yura shinami cani. Ñuca Taitaca uvas chagrata cuidacmi.

Dios Rimashcata Quillcashcami

¹ Jesusca: —Ñucaca alli pucuc uvas yurami cani. Ñuca Taitaca uvas chagrata tarpucmi.

SAN JUAN 15:1 Iomraidhean Croise

SAN MATEO 15:13

Chashna nicpi Jesusca: —Ima yura cashpapish, jahua pacha ñuca Taita mana tarpushca cacca, sapindic aisashpa shitashcami canga.

SAN MATEO 20:1

Jahua pacha Taita Dios mandacucca, shuc chagrayuc amo paipac uvas chagrata pallachingapac, tutamanta utca gentecunata mashcangapac llucshic shinami.

SAN MATEO 21:33

“Cai yuyaita japina parlotapish uyaichic” nishpami, Jesusca cashna nirca: —Shuc runami paipac allpapi uvas chagrata tarpurca. Chai chagra muyundictaca rumicunahuanmi pircarca. Chai q'uipaca chapangapac shuc jatun torreta shayachishpami, uvasta capishpa vinota ruhuanatapish ruhuarca. Tucui chaicunata allichishca q'uipaca, uvas p'ucucpi chaupinacungapac shuc runacunaman saquishpa, caru llactaman rirca.

MARCOS 12:1

Chai q'uipami, Jesusca yuyaita japina parlocunahuan paicunata yachachishpa cashna nirca: —Shuc runami uvas chagrata tarpurca. Chai tarpushcataca rumicunahuanmi muyundicta pircarca. Chai chagrallapitacmi, uvasta capishpa vinota ruhuanatapish ruhuarca. Chashnallatac tucui chagrata chapangapacpish, shuc torretami shayachirca. Tucui chaita ruhuashca q'uipaca, chai allpayuc runaca uvas p'ucucpica chaupinacungapacmi, shuc runacunaman saquishpa, caru llactaman rirca.

SAN LUCAS 13:6

Jesusca cai yuyaita japina parlohuanmi cashna nirca: “Shuc runami paipac allpapi higo yurata charirca. ‘Ñami p'ucushca canga’ nishpa ricungapac rishpaca, chushac yurallapimi tuparirca.

SAN JUAN 1:17

Taita Diosca Moisesmanca mandashcacunatami curca. Ashtahuanpish Dios ima shina cashcata shinallatac c'uyac cashcataca, Apunchic Jesucristomantami ricuchirca.

SAN JUAN 1:9

Chai Achicyachicmi tucui gentecunata achicyachingapactac cai pachaman shamurca.

SAN JUAN 15:2

Ñucapi cac ramacuna mana p'ucucpica, tucui p'itishpami shitanga. Cutin alli p'ucuctaca ashtahuan alli p'ucuchunmi, mana allicunata anchuchishpa saquinga.

SAN JUAN 6:32

Shina nicpi Jesusca: —Jahua pachamanta tandataca mana Moiseschu curca, ashtahuanpish ñuca Taitami cancunamanca jahua pachamantatac cac tandata cun. Chaica chashnatacmi can.

SAN JUAN 6:55

Chaimanta ñuca aichatapish micunatacmi, ñuca yahuartapish ubianatacmi can.

ROMANOS 11:17

Maijan israelcunaca alli olivo yuramanta ramata p'itishca shinami. Shina cacpi can mana israelca, sachapi huiñashca olivo yuramanta ramata p'itishpa, alli olivo yurapi llutachishca shinami cangui. Shina cashpami, canca chai sapimanta huiñashca yura shina causaita japishcangui.

1 CORINTIOS 3:9

Ñucanchicca ishcaitacmi Diospacta ruhuaccuna canchic. Cancunaca Dios tarpuna allpa shina, Dios huasichina huasi shinami canguichic.

1 JUAN 2:8

Shina cacpipish mushuc mandashcata quillcac shinallatacmi quillcani. Cai mandashca mana llulla cashcataca Jesucristomi ricuchirca, shinallatac cancunapish ricuchicunguichicmi. Imatapish cashcata ruhuac luz achicyachicucpimi, amsaca chingarishpa c'aticun.