SAN JUAN 14:6 - Nuevo Testamento en Quichua Cañar 1996

⁶ Shina nicpi Jesusca: —Ñucami cashcatatac nicpish, Diospacman pushacpish, shinallatac causaita cucpish cani. Ñucallamantami Taita Diospacmanca chayangacuna.

Dios Rimashcata Quillcashcami

⁶ Shina nicpimi Jesusca: —Ñucami cashcata nicpish, ñanpish, causaita cucpish cani. Maijanpish ñucallamantami Diospacman chayanga.

SAN JUAN 14:6 Iomraidhean Croise

SAN MATEO 11:27

Ñuca Taitaca tucuitami ñucamanca curca. Ñuca pipac Churi cashcataca, pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Shinallatac pipish ñuca yuyaita cucllapimi, ñuca Taita pi cashcataca yachancuna.

SAN JUAN 1:14

Chai Rimashca Shimillatacmi runa tucushpa, yallita c'uyashpapish, Dios ima shina cashcata ricuchishpapish ñucanchichuan causangapac shamurca. Paitaca Taita Diospac shuclla Churi cashcatapish, pai sumac cashcatapish ricurcanchicmi.

SAN JUAN 1:17

Taita Diosca Moisesmanca mandashcacunatami curca. Ashtahuanpish Dios ima shina cashcata shinallatac c'uyac cashcataca, Apunchic Jesucristomantami ricuchirca.

SAN JUAN 1:4

Paillapitacmi causaica tiyarca. Chai causaimi gentecunapac Achicyachic carca.

SAN JUAN 10:28

Ñucaca huiñai causaitami paicunamanca cuni. Paicunaca mana chingaringachu, shinallatac pipish ñuca maquimantaca mana quichungachu.

SAN JUAN 10:7

Jesusca cutinllatacmi cashna nirca: —Ñucami ovejacuna yaicuna punguca cani. Chaica chashnatacmi can.

SAN JUAN 10:9

Ñucami yaicuna punguca cani. Maijanpish ñucamanta yaicucca quishpiringami. Paica oveja llucshin yaicun micunata taric shinami canga.

SAN JUAN 14:19

Asha q'uipallaca cai pachapaclla causaccunaca ña mana ñucataca ricungacunachu. Shina cacpipish cancunaca ricunguichicmi. Shinallatac ñuca causacushcamantaca, cancunapish causanguichicmi.

SAN JUAN 15:1

Jesusca cashna nishpami c'atirca: —Ñucaca allita p'ucuc uvas yura shinami cani. Ñuca Taitaca uvas chagrata cuidacmi.

SAN JUAN 18:37

Chaita uyashpami Pilatoca: —Shinashpaca, ¿canca mandacchu cangui?— nicpi Jesusca: —Can nishca shinallatacmi cani. Ñucaca cashcata huillangapacmi cai pachapi huacharingapac shamurcani. Cashcata rimashcata cazuccunallami, ñuca rimashcata uyancuna— nirca.

SAN JUAN 5:21

Ima shinami ñuca Taitaca huañushcacunata causachishpa causaita cun, shinallatacmi ñucapish paipac Churi cashpa, causaita maijanman cusha nishpaca cuni.

SAN JUAN 6:33

Taita Dios cushca tandaca jahua pachamanta shamucmi. Chai tandami cai pachapi causaccunamanca huiñai causaitaca cun— nirca.

SAN JUAN 6:51

Ñucami jahua pachamanta shamushca, huiñai causaita cuc tandaca cani. Maijanpish cai tandata micucca, huiñaita causangami. Cai tandaca ñuca quiquin aichami. Chaitaca cai pachapi causaccuna huiñai causaita charichunmi cusha— nirca.

SAN JUAN 6:57

Ñucata cachac Taitaca causaiyucmi. Chaimantami ñucaca paimanta causani. Chai shinallatacmi ñuca aichata micucca, ñucamanta causanga.

SAN JUAN 6:68

Shina nicpi, Simón Pedroca: —Apunchic Jesús, ¿pipacmanta rishunyari? Cambac rimashca shimicunaca, huiñai causaita cuc shimicunami.

SAN JUAN 8:32

Chai rimashcaca cashcata nic cashcatapish ricsinguichicmi. Chai cashcata nic rimashcami huatashca shina caccunataca cacharichinga— nirca.

SAN JUAN 8:51

Maijanpish ñuca nishcata cazucca mana huañungachu. Chaica chashnatacmi canga— nirca.

HECHOS 3:15

Chashna ruhuashpami, cancunaca huiñai causaita cuc Jesusta huañuchircanguichic. Ashtahuanpish paitaca Taita Diosmi huañushcacunapuramanta causachirca. Ñucanchicca chai ricushcata huillaccunami canchic.

HECHOS 4:12

Cai pachapi causaccunata quishpichichunca, Jesusllatami Taita Diosca cacharca. Chaimanta ñucanchicta quishpichingapacca, pi shuctac Quishpichicca mana tiyanchu— nirca.

HECHOS 9:2

Chaiman rishpaca: “Damasco pueblopi tandanacuna huasicunapi yaicushpa, Jesusta c'aticcunata c'aricuna cachun, huarmicuna cachun, cai Jerusalenman prezu apamungapac quillcata cui” nirca.

ROMANOS 15:16

mana israelcunapac allipac Jesucristopacta ruhuachun ñucaman mingashcamantami cashna quillcani. Mana israelcuna Diosman cutirishpa, paipac Espíritu yuyaita cucpi, millaimanta anchurishpa Diospaclla cachunmi, quishpirinamanta alli huillaita huillashpa Diospacta ruhuacuni.

ROMANOS 5:2

Ñucanchic Apunchic Jesucristota crishcallamantami, Taita Diosman cuchuyashpa, pai mai c'uyac cashcataca yachanchic. Shina yachashpami sinchiyashpa, Diospac sumaimana cashcata japina yuyailla cashcamanta cushicunchic.

ROMANOS 5:21

Ima shinami juchaca cai pachaman yaicushpa tucuita huañuiman aparca, chai shinallatacmi Taita Diosca paipac c'uyaillamanta, Apunchic Jesucristomanta paihuan alli tucuchun ñucanchicman huiñai causaita cunga.

1 CORINTIOS 15:45

Dios quillcachishcapica: “Taita Diosca punta Adantaca causaiyuctami ruhuarca” ninmi. Cutin q'uipa Adantaca causaita cuc Espirituyuctami Taita Diosca ruhuarca.

EFESIOS 2:18

Jesucristomantami israelcuna cashpa, mana israelcuna cashpapish, Diospac Espiritullatac yuyachishca shina Taita Diospacman cuchuyanata pudinchic.

COLOSENSES 2:17

Tucui caicunaca ima tucuna cashcata ricuchic llandu shinallami carca. Ashtahuanpish cashcata ricuchingapacca, Cristoca ñami shamurca.

COLOSENSES 2:9

Taita Dios ima laya cashcataca, runa tucushca Cristopimi tucui ricurin.

COLOSENSES 3:4

Cristollamantami cancunaca causaita charinguichic. Chaimanta pai cutimucpica, cancunaca paihuanmi pai shinallatac sumaimana ricuringuichic.

HEBREOS 7:25

Paimanta Taita Diosman cuchuyaccunataca, huiñai huiñaipacmi quishpichin. Paicunamanta mañangapacmi, paica huiñai huiñaita causacun.

HEBREOS 9:8

Chashna cacpica Diospac Espiritumi, carpa huasi yaicushcalla ucu tiyashpa c'aticpica, Diospaclla ch'icanyachishca ucuman yaicuna manarac tiyashcata ricuchicurca.

1 PEDRO 1:21

Paimantami cancunaca Diosta cringuichic. Taita Diosmi Cristotaca huañushcacunapuramanta causachishpa sumacyachirca. Chaimantami cancunaca Taita Diospi shunguta churashpa cringuichic.

1 PEDRO 2:4

Apunchic Jesusman chayarichic, paica causac rumi shinami. Paitami gentecunaca mana valichishpa shitashca. Shina mana valichishca cacpipish, Taita Diosmanca achca valic acllashca rumimi can.

1 PEDRO 3:18

Cristoca ñucanchic juchacunamantami, shuc cutinlla huiñai huiñaipac llaquita apashpa huañurca. Paica ñucanchicta Taita Diospacman pushangapacmi, manapish juchayuc cashpa, millaicunamanta llaquita apashpa huañurca. Paica aichallapimi huañurca. Shina cashpapish Dios causachicpimi, espiritupica huiñaita causacun.

1 JUAN 1:8

“Ima juchata mana charinchicchu” nishpaca, ñucanchicllatacmi pandaricunchic. Shina cacpimi ñucanchic shungupica cashcata ruhuashpa causana yuyaica mana tiyan.

1 JUAN 2:23

Maijanpish “Cristoca mana Diospac Churichu” nicca mana Taita Dioshuanchu, ashtahuanpish “Jesusca Diospac Churimi” nishpa huillacmi, Taita Dioshuanca.

1 JUAN 5:20

Diospac Churi shamushpa ñucanchicman yuyaita cushpami, cashcata nic Taita Diostaca ricsichirca. Chaimantami cashcata nic-huan shuc shinalla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

1 JUAN 5:6

Apunchic Jesucristo shamushcataca yacupish, yahuarpish ricuchinmi. Mana pai bautizarishca yacullachu ricuchin, ashtahuanpish pai huañushca yahuarpish ricuchinmi. Cashcata nic Diospac Espiritullatacmi caicunataca ricuchin.

2 JUAN 1:9

Maijanpish Cristo yachachishcamanta ashtahuan yallichishpa yachachisha nicca, mana Dioshuanchu. Maijanpish Cristo yachachishca shina yachachicllami Taita Dioshuanpish, paipac Churi Jesucristohuanpish can.

APOCALIPSIS 1:5

Shinallatac cai pachapi tiyac jatun mandaccunata Mandac, huañushcacunapuramanta punta causaric Jesucristo cancunaman sumac causaita cuchunmi munani. Paica Diosmanta allita huillacmi. Jesucristoca c'uyac cashpami paipac yahuarta jichashpa, juchapi huatashca shina causacucpi ñucanchictaca cacharichirca.

APOCALIPSIS 19:11

Chai q'uipaca jahua pacha pascaricpi, shuc yurac caballopi montashpa tiyacuctami ricurcani. Chai tiyacucpac shutica Mana Llullac, shinallatac Imatapish Pactachicmi carca. Paica cashcata ruhuashpa, manapish allita taripashpa macanacucmi carca.

APOCALIPSIS 20:15

Huiñaita causangapac quillcachina libropi mana quillcashcacunataca, rupacuc nina cuchapimi shitashca carca.

APOCALIPSIS 22:1

Chai q'uipaca chai angelmi causaita cuc, cristalman riccha callpacuc yacuta ricuchirca. Chai yacuca Taita Diospacpish, Pactalla Ovejapacpish*f** tiyarinamantami llucshicun.

APOCALIPSIS 22:17

Diospac Espiritupish, Pactalla Ovejapac*f** huarmipish Jesustaca “shamui” ninmi. Shinallatac maijan caita uyacpish “shamui” nichun. Maijanpish yacunaihuan cashpa shamusha nicca shamushpa, causaita cuc yacuta mana imata cushpa ubiachunlla.

APOCALIPSIS 3:14

Laodicea pueblopi cac tandanacushca criccunata ricuc angelmanpish cashna nishpa quillcai: Taita Dioshuan cai pachapi tucui ima tiyashcatapish ruhuac, mana llullashpa imatapish cashcata nic, imatapish pactachicca, cashnami nini:

APOCALIPSIS 3:7

Filadelfia pueblopi cac tandanacushca criccunata ricuc angelmanpish cashna nishpa quillcai: Mandac Davidpac llaveta charicuc, pi mana pascaipacta huichcac, pi mana huichcaipacta pascac, cashcata ruhuac jucha illacca cashnami nini: