SAN JUAN 14:21 - Nuevo Testamento en Quichua Cañar 1996

²¹ Maijanpish ñuca mandashcacunata chasquishpa cazushpaca, ñucata c'uyashcatami ricuchincuna. Shina cacpica, ñuca Taitapish ñucata c'uyactaca c'uyanmi. Shinallatac ñucapish c'uyashpami, paicunamanca ricurisha— nirca.

Dios Rimashcata Quillcashcami

²¹ Maijanpish ñuca mandashcacunata chasquishpa cazucmi ñucata cuyan. Ñucata cuyactaca Taitapish cuyanmi. Ñucapish cuyashpami Taitaman ricsichisha— nirca.

SAN JUAN 14:21 Iomraidhean Croise

SAN LUCAS 11:28

Chashna nicpi Jesusca: —Maijanpish Taita Dios ima nishcata uyashpa cazuccunamanmi, ashtahuan cushicuica— nirca.

SAN JUAN 14:15

Cancuna ñucata c'uyashpaca, ñuca mandashcacunata cazunguichic.

SAN JUAN 14:18

Cancunallataca mana saquishachu, cancunahuan cangapacca cutimushami.

SAN JUAN 15:14

Ñuca mandashcacunata pactachishpaca, ñucahuan apanacuccunami cancunaca canguichic.

SAN JUAN 16:14

Paica ñucamanta chasquishpa cancunaman yachachicushcamantaca, paimi ñuca sumaimana cashcataca ricuchinga.

SAN JUAN 16:27

ashtahuanpish ñuca Taitallatacmi cancunataca c'uyan. Cancuna ñucata c'uyashcamantapish, ñuca Diosmanta shamushca cashcata crishcamantapish cancunataca c'uyanmi.

SAN JUAN 17:23

Ñucaca paicunahuan, canca ñucahuan cacpimi, paicunaca shuc shinalla canga. Shina cacpimi, cai pachapi causaccunaca can cachashcata, shinallatac ñucata ima shinami c'uyangui, chashnallatac paicunatapish c'uyac cashcata yachangacuna.

HECHOS 22:18

‘Cai Jerusalenmanta utca llucshishpa rilla. Can ñucamanta huillashcataca mana cazugrincunachu’ nirca.

2 CORINTIOS 12:8

Chai nanaicunata anchuchichun nishpami, Apunchic Jesusmanca quimsa cutin mañarcani.

2 CORINTIOS 3:18

Chaimanta tucui ñucanchicca ñaupaman ñahuita jarcacushca pañuta anchuchishca cashpami, cunanca Apunchic Jesús sumaimana cashcata espejo shina ricuchicunchic. Shinallatac punzhantami pai shinallatac sumaimana tucushpa c'aticunchic. Paipac Espiritullatacmi pai shinallatac sumaimana cachun, ashtahuan ashtahuan allita ruhuashpa c'aticun.

2 CORINTIOS 4:6

Taita Diosca amsata luz achicyachichun nircami. Paillatacmi luz shina ñucanchic shungupi achicyachirca. Jesucristopac ñahuipi Dios sumaimana cashcata shuccunaman ricuchichunmi, chashnaca ruhuarca.

2 TESALONICENSES 2:16

Ñucanchicta c'uyac Taita Diosllatac, shinallatac pai c'uyashcallamanta huiñai huiñaita cushi canatapish, cushicushpa shuyanatapish cuc ñucanchic Apunchic Jesucristollatac

2 TIMOTEO 4:22

Apunchic Jesucristo canhuan cachun. Shinallatac Taita Diosca paipac sumaimana c'uyaita tucui cancunaman cushca cachun ninimi.

1 JUAN 2:5

Shina cacpipish Taita Dios rimashca shimita maijanpish cazucca, Dios c'uyac shinallatacmi mai c'uyac cashcata ricuchin. Chashna cashpami paihuan shuc shinalla cashcata yachanchic.

1 JUAN 3:1

Ñucanchic Taita Dios mai c'uyashcamantami, ñucanchictaca paipac huahuacuna nishpa c'ayan. Chaica chai shinatacmi canchic. Chaimantami cai pachapaclla causaccunaca Diosta mana ricsishcamanta, ñucanchic paipac cashcatapish mana ricsincuna.

1 JUAN 5:3

Maijanpish Diosta c'uyacca pai mandashcatami pactachin. Pai mandashcacunaca pactachinallami.

2 JUAN 1:6

C'uyanacushpa causanaca, Taita Dios mandashcacunata pactachinami. Chashna c'uyanacushpa causanami nishpa mandashcataca, callarimanta pachami cancunaca ña uyashcanguichic.

APOCALIPSIS 2:17

Maijanpish rinrita chariccunaca, Diospac Espíritu tandanacushca criccunaman ima nicushcataca uyachun. Maijanpish millaita mishaccunamanca pacashca tiyacuc maná shuti tandatami carasha. Shinallatac yuraclla rumitami cusha. Chaipica mushuc shutita quillcashcami canga. Chaitaca pipish mana ricsingachu, ashtahuanpish chaita chasquicllami ricsinga.

APOCALIPSIS 22:14

Maijanpish causaita cuc yuramanta micungapacpish, chai puebloman punguta yaicungapacpish churanata tacshariccunamanca, ¡mai cushicuimi canga!

APOCALIPSIS 3:20

Riquichic, ñucaca ‘huasiyuc’ nishpami pungupi huactashpa shayacuni. Maijanpish ñuca rimashcata uyashpa punguta pascacpica, paipacman yaicushpa paihuan micushami. Paipish ñucahuan micungami.