SAN JUAN 14:13 - Nuevo Testamento en Quichua Cañar 1996

¹³ Tucui imatapish cancuna mañacpica, paipac Churimanta Taita Diosta gentecuna sumac alli nichunca cushami.

Dios Rimashcata Quillcashcami

¹³ Ñucapac shutipi imatapish mañacpica, ñuca Taita jatunyachishca cachunmi cusha.

SAN JUAN 14:13 Iomraidhean Croise

SAN MATEO 21:22

Taita Dios ima mañashcatapish cuc cashcata crishpa mañashpaca, japinguichicmi— nirca.

SAN MATEO 7:7

Taita Diosman mañaichic, paica cungami. Mashcaichic, taringuichicmi. Huasiyuc nichic, paica pascangami.

MARCOS 11:24

Chaimanta cancunaman huillanimi: Cancuna imata Taita Diosman mañashpapish, ña japishca shinata crishpa mañashpaca japinguichicmi.

SAN LUCAS 11:9

Chashnallatac cancunaca Taita Diosman mañaichic, paica cungami. Mashcaichic, taringuichicmi. Huasiyuc nichic, paica pascangami.

SAN JUAN 10:30

Ñuca Taitahuanca shuc shinallami canchic— nirca.

SAN JUAN 12:44

Jesusca sinchihuanmi cashna nirca: —Maijanpish ñucata cricca mana ñucallatachu crin, ashtahuanpish ñucata cachac Taitatapish crinmi.

SAN JUAN 13:31

Judas llucshishpa rishca q'uipami, Jesusca cashna nirca: —Cunanmi Runa Tucungapac shamushca*f** ñucaca sumacyachishca cagrini. Taita Diospish ñucamantami sumacyachishca cagrin.

SAN JUAN 14:14

Imatapish ñuca shutipi cancuna mañacpica, cushallami.

SAN JUAN 14:6

Shina nicpi Jesusca: —Ñucami cashcatatac nicpish, Diospacman pushacpish, shinallatac causaita cucpish cani. Ñucallamantami Taita Diospacmanca chayangacuna.

SAN JUAN 15:16

Cancunallatacca ñucataca mana acllarcanguichicchu, ashtahuanpish ñucami cancunataca acllarcani. Cancuna rishpaca, alli granota p'ucuc yura shina causaita ricuchichunpish, chai p'ucushcacuna ama chingarichunpish minganimi. Shina ruhuashpa, cancuna ñuca shutipi imata mañacpica, ñuca Taitaca cungallami.

SAN JUAN 15:7

Cancuna ñucahuan cashpa, shinallatac ñuca yachachishcacunata cazushpa c'atirashpaca, imatapish mañaichiclla, ñuca Taitaca cungallami.

SAN JUAN 16:23

Chai punzhacunapica ña mana ashtahuan imata ñucamanca tapunguichicchu. Ñuca Taitallami tucui imatapish ñuca shutipi cancuna mañashcataca cunga. Chaica chashnatacmi canga.

SAN JUAN 16:26

Chai punzhacunapica cancunaca ñuca shutipimi mañanguichic. Shina cacpipish, mana ñucachu ñuca Taitamanca cancunamantaca mañasha,

SAN JUAN 16:7

Shina cacpipish, ñuca rinami cancunamanca ashtahuan alli canga. Chashna ñuca mana ricpica, cancunata Cushichicca mana cancunahuan cangapac shamungachu. Ñuca rishpami, paitaca cachasha. Chaica chashnatacmi canga.

SAN JUAN 4:10

Shina nicpi Jesusca: —Canca Taita Dios imata cusha nicushcatapish, shinallatac pi yacuta mañacushcatapish mana yachanguichu. Yachashpacarin, canracmi ñucaman ‘yacuta carai’ nishpa mañanguiman. Chashna mañacpica, causaita cuc yacutami cuiman— nirca.

SAN JUAN 4:14

Ashtahuanpish ñuca cusha nishca yacuta maijanpish ubiacca, jaicapi mana yacunachingachu. Ñuca cusha nishca yacuca paipica huiñai causaita cuc, tucyacuc yacu shinami tiyanga— nirca.

SAN JUAN 5:19

Chashna p'iñacpi, Jesusca cashna nirca: —Ñucaca Diospac Churi cashpapish, ñuca munaimantaca imata mana ruhuanichu, ashtahuanpish ñuca Taita ruhuacta ricushpallami, imatapish ruhuani. Imatami ñuca Taita ruhuan, chaitami ñucapish ruhuani. Chaica chashnatacmi can.

SAN JUAN 7:37

Carpa huasipi Diosman mañana punzhacuna ña tucurimucucpica, tucuita yalli jatun punzhami carca. Chai punzhapimi Jesusca jatarishpa sinchita rimashpaca: —Maijanpish yacunachicca ñucapacman shamushpa, yacuta ubiaichic.

1 CORINTIOS 14:13

Shina cashcamanta jaicapi mana uyashca rimaita rimacca, chai rimai imata nisha nicushcata entendingapacmi, Taita Diosman mañana can.

EFESIOS 2:18

Jesucristomantami israelcuna cashpa, mana israelcuna cashpapish, Diospac Espiritullatac yuyachishca shina Taita Diospacman cuchuyanata pudinchic.

EFESIOS 3:12

Chashna cacpimi: “Cristota crishpa paihuan shuc shinalla tucushcamantaca, Diosca chasquingallami” nishpa, mana manchashpa paipacman cuchuyanata pudinchic.

EFESIOS 3:14

Chaimantami Taita Diospac ñaupapica mañangapac cungurini.

FILIPENSES 4:13

Ñucaca imatapish ruhuaclla Cristohuan cashpami, imatapish ruhuai pudini.

COLOSENSES 3:17

Imata ruhuashpapish, imata parlashpapish, Apunchic Jesuspac shutipimi ruhuana canguichic. Paimantami Taita Diostaca pagui nina canguichic.

HEBREOS 13:15

¡Chaimantami Taita Diostaca, Jesucristomanta huiñaita “allimari cangui” nicunalla canchic! Cai alli nishcaca Diosman cushpa, rupachishca shinami. ¡Chaimanta ñucanchic shimihuan Taita Diostaca “allimari cangui” nishunchic!

HEBREOS 4:15

Paica ñucanchicmanta Diospacta ruhuac curacunata jatun mandac cura cashpami, ñucanchic mana c'atinata pudicucpipish llaquin. Paitapish ñucanchicta shinallatacmi, mana alli yuyaicunaca pandachisha nirca. Shina cacpipish jaicapi mana juchallircachu.

HEBREOS 7:25

Paimanta Taita Diosman cuchuyaccunataca, huiñai huiñaipacmi quishpichin. Paicunamanta mañangapacmi, paica huiñai huiñaita causacun.

SANTIAGO 1:5

Cancunapuramanta maijanpish yachaita mana charishpaca, Diosman mañaichic, paica cungallami. Diosca pimanpish mana misarishpami, tucui mañaccunamanca achcata cunga.

SANTIAGO 5:16

Chaimanta alliyashca cangapacca, ima mana allita ruhuashcacunatapish caishuc chaishuc ama pacashpa huillanacuichic. Taita Dios alliyachichunpish, caishuc chaishucmanta Diosman mañaichic. Taita Diosman cashcata ruhuac mañacpica, imatapish pactachingallami.

1 PEDRO 2:5

Chashna chayaricpimi, Taita Dios causana huasipica causac rumicuna shinata, shinallatac Diospaclla cac curacunata Diosca ruhuanga. Jesucristomantami Diospac Espíritu yuyaita cucpi cancuna cushcaca, mishquilla ashnacuc shina cachun chashnaca ruhuanga.

1 JUAN 3:22

Shina pai nishcata cazushpa, paipac ñaupapi allita ruhuashpa causacucpica, ñucanchic ima mañashcatapish cungami.

1 JUAN 5:14

Taita Diospac munaipi imatapish mañacpica, paica uyanmi. Shina cashcamantami paipi shunguta churashpa mañanchic.