SAN JUAN 14:12 - Nuevo Testamento en Quichua Cañar 1996

¹² Maijanpish ñucata cricca, ñuca imallata ruhuashcacunataca ruhuangami, shinallatac Taitapacman ñuca rishcamantaca yallitami ruhuanga. Chaica chashnatacmi canga.

Dios Rimashcata Quillcashcami

¹² Ñucaca Taitapacmanmi rini. Chaimantami maijanpish ñucata cricca, ñuca ruhuashca shina ruhuanga. Chaicunapish yallitami ruhuanga. Chaica chashnatacmi canga.

SAN JUAN 14:12 Iomraidhean Croise

SAN MATEO 21:21

Shina nicpi Jesusca: —Mana caita chaita yuyashpa Taita Diosta cricpica, mana cai higo yurallachu chashna tucunga, ashtahuanpish cai urcuta ‘caimanta anchuri, mama cuchaman shitari’ nicpica, shitarinmanllami. Chaica chashnatacmi.

MARCOS 11:13

Chashna yarcaihuan ricushpaca, carumanta shuc p'angasapa higo yura shayacuctami ricurca. “Chai yuraca ñami p'ucushca canga” nishpami, ricungapac rirca. Chai yuraman chayashpa ricucpica, manarac p'ucuna punzhacuna pactashcamanta chushac p'angallami junda carca.

MARCOS 16:17

Ñucata criccunaca pi mana ruhuaipaccunatami ruhuanga. Ñuca shutipimi supaicunatapish llucchishpa cachangacunami, jaicapi mana uyashca rimaicunatapish rimangacunami.

SAN JUAN 14:28

‘Ñuca rishpaca, cutinllatac cancunahuan cangapac shamushami’ nishcataca, cancunallatac ña uyarcanguichicmi. Ñuca Taitaca ñucata yallimi. Chaimanta cancuna ñucata c'uyashpatacca, ñuca Taitapacman rina cashcata yachashpaca cushicunguichicmi.

SAN JUAN 16:7

Shina cacpipish, ñuca rinami cancunamanca ashtahuan alli canga. Chashna ñuca mana ricpica, cancunata Cushichicca mana cancunahuan cangapac shamungachu. Ñuca rishpami, paitaca cachasha. Chaica chashnatacmi canga.

SAN JUAN 4:37

Gentecuna nishca shinaca shucca tarpun, shucca granota tandacmi. Chaica chashnatacmi.

SAN JUAN 5:20

Ñuca Taitaca ñucata c'uyashcamantami, pai tucui imalla ruhuacushcataca ñucamanca ricuchin. Ashtahuanpish caicunamanta yalli ruhuashcacunatapish ricuchingaracmi. Chaita ricushpaca, cancunaca mana amirishpami saquiringuichic.

SAN JUAN 7:33

Chaimantami Jesusca cashna nirca: —Ashacamanllami cancunahuanca cagrini. Q'uipataca ñucata Cachacpacmanmi rigrini.

SAN JUAN 7:39

Jesús chashna nishpaca, Diospac Espirituta paita criccuna chasquina cashcatami nisha nirca. Jesusta Taita Dios manarac jahua pachaman pushacpimi, Diospac Espirituca manarac shamushca carca.

HECHOS 10:46

Jaicapi mana uyashca rimaicunahuan Taita Diosta “allimari cangui” nicucta uyashcamantami, chashna mancharircacuna.

HECHOS 16:18

Ña tauca punzhacunata chashna nishpa ñucanchicta c'aticucllapimi, ña mana uyanachishpa Pabloca tigrarishpa, chai huambrapi cac supaitaca: —¡Jesucristopac shutipimi, cai huambramanta llucshi nini!— nirca. Chashna nicpi, supaica chai huambramantaca llucshircallami.

HECHOS 19:12

Chaimantami Pablo churarishca churanacunatapish, liensocunatapish ungushcacunapac jahuapi churangapac apaccuna carca. Shina churacpica, ima ung:uihuan caccunapish alliyarcacunallami. Shinallatac supai japishcacunapish chai churanacunapi tuparicpica, supaicunaca llucshicllami carca.

HECHOS 2:33

Taita Dios Jesusta causachishpaca, jahua pachapi paipac alli maquimanmi tiyachirca. Chashnallatac Taita Diosca pai cusha nishca paipac Espirituta Jesusman cucpimi, paica ñucanchicman cachashca. Chaitami cunan cancunaca ricucunguichic, uyacunguichic.

HECHOS 2:41

Chaipi caccunamantaca taucacunami Pedro huillashcata cazushpaca bautizarircacuna. Chai punzhapica, quimsa huaranga shinami cric tucushpa, caishuc criccunahuan tandanacurcacuna.

HECHOS 4:16

Paicuna parlanacushpaca: —Cai runacunataca, ¿imatatac ruhuanchic? Paicuna pi mana ruhuaipacta ruhuashcataca, Jerusalenpi causaccunapish tucuimi alli yachancuna. Chaimanta ñucanchic ‘mana chashna ruhuarcachu’ nishpaca, mana ni pudinchicchu.

HECHOS 4:33

Jesús acllashca huillaccunaca: “Apunchic Jesusca causarircami” nishpa, shungupi yaicuctami huillarcacuna. Taita Diosca criccunata mai c'uyashcamantami, imapish allicunataca tucuiman yallita curca.

HECHOS 4:4

Chashna ruhuacpipish, paicuna huillashcata uyashpa criccunaca c'aricunallami pichca huaranga shina carca.

HECHOS 5:15

Chashna mana amiripaccunata ruhuacta ricushpami, Pedro llandushpallapish alliyachichun, gentecunaca ungushcacunata huandumushcacunallapitac ñanman apamushpa churarcacuna.

HECHOS 6:7

Jerusalenpica Diosmanta alli huillaita ashtahuan huillacpimi, achca gentecuna Jesusta crishpaca, achca criccuna tucurcacuna. Shinallatac Israel*f** curacunapish, achcacunami Jesusta crishpa cazurcacuna.

HECHOS 8:7

Supai japishcacunataca achcacunata alliyachicpimi, supaicunaca caparishpa llucshircacuna. Mana puriccunatapish, suchucunatapish achcacunatami alliyachirca.

HECHOS 9:34

Chashna ungushcata ricushpami Pedroca: —Eneas, cantaca Quishpichic Jesucristomi alliyachin. Jatari, cambac camata tandachi— nicpica, Eneasca jatarishpa shayarircallami.

HECHOS 9:40

Pedroca tucui chai ucupi caccunata canzhaman llucchishpaca, cungurishpami Taita Diosman mañarca. Chaimanta huañushca huarmita ricungapac tigrarishpaca: —Tabita, jatari— nicpi, chai huarmica ñahuita pascashpa, Pedrota ricushcahuan jatarishpa tiyarircallami.

ROMANOS 15:19

Diospac Espíritu imatapish ruhuachicpimi, pi mana ruhuaipaccunatapish, pi mana ricushcacunatapish ruhuarcani. Chashnami Jerusalén pueblomanta callarishpa, Iliria llactacaman maipipish Cristomanta alli huillaitaca huillarcani.