SAN JUAN 13:31 - Nuevo Testamento en Quichua Cañar 1996

³¹ Judas llucshishpa rishca q'uipami, Jesusca cashna nirca: —Cunanmi Runa Tucungapac shamushca*f** ñucaca sumacyachishca cagrini. Taita Diospish ñucamantami sumacyachishca cagrin.

Dios Rimashcata Quillcashcami

³¹ Judas llucshishpa ricpimi Jesusca: —Cunanmi Runa Tucungapac shamushca ñucaca jatunyachishca cagrini. Diospish ñucamantami jatunyachishca canga.

SAN JUAN 13:31 Iomraidhean Croise

SAN MATEO 8:20

Chashna nicpi Jesusca: —Atuccunapish, maipi suiñuna jutcuta charinmi. Zhutacunapish, maipi suiñuna c'uzhata charinmi. Ashtahuanpish Runa Tucungapac shamushca*f** ñucaca, maipi umata samachinallatapish mana charinichu— nirca.

SAN LUCAS 12:50

Bautizaric shina, llaquita apanaracmi cani. Chai pactangacamanca, mai llaquillami cani.

SAN JUAN 11:4

Jesús chaita uyashpaca: —Chai ung:uica mana huañuchic ung:uichu, ashtahuanpish Taita Diospish, paipac Churi ñucapish tucui imatapish ruhuaclla cashcataca ricuchingapacmi chai ung:uica— nirca.

SAN JUAN 12:23

Shina huillacpimi, Jesusca cashna nirca: —Runa Tucungapac shamushca*f** ñucata sumacyachina punzhaca ña chayamushcami.

SAN JUAN 12:28

¡Taitalla, can imatapish ruhuaclla cashcataca ricuchiyari!— nirca. Shina nicpi jahua pachamantaca: —Ña ricuchishcanimi. Cutinpish ricuchishami— nishcami uyarirca.

SAN JUAN 14:13

Tucui imatapish cancuna mañacpica, paipac Churimanta Taita Diosta gentecuna sumac alli nichunca cushami.

SAN JUAN 16:14

Paica ñucamanta chasquishpa cancunaman yachachicushcamantaca, paimi ñuca sumaimana cashcataca ricuchinga.

SAN JUAN 7:39

Jesús chashna nishpaca, Diospac Espirituta paita criccuna chasquina cashcatami nisha nirca. Jesusta Taita Dios manarac jahua pachaman pushacpimi, Diospac Espirituca manarac shamushca carca.

HECHOS 2:36

Chaimanta tucui israelcunami, caitaca alli yachana canguichic: Chai cancuna cruzpi chacatashca Jesusllatatacmi, Mandac cachunpish, Quishpichic cachunpish Taita Diosca churashca— nirca.

HECHOS 3:13

ashtahuanpish ñucanchic ñaupa taita Abrahamta, Isaacta, Jacobota Mandac Diosmi, paipac Churi Jesús sumac alli nishca cachun chashna alliyachirca. Cancunaca chai Jesustami mandaccunapacman aparcanguichic. Pilato paita cacharisha nicucpipish, cancunaca mana cacharichun saquircanguichicchu.

2 CORINTIOS 3:18

Chaimanta tucui ñucanchicca ñaupaman ñahuita jarcacushca pañuta anchuchishca cashpami, cunanca Apunchic Jesús sumaimana cashcata espejo shina ricuchicunchic. Shinallatac punzhantami pai shinallatac sumaimana tucushpa c'aticunchic. Paipac Espiritullatacmi pai shinallatac sumaimana cachun, ashtahuan ashtahuan allita ruhuashpa c'aticun.

EFESIOS 1:12

Chashna ruhuashpaca, ñucanchicrac punta Apunchic Jesús yuyailla cashpa, Taita Diosta “allimari cangui” nichunmi chashnaca ruhuarca.

EFESIOS 2:7

Jesucristomanta ñucanchicta mai llaquishpa, yallita c'uyashcata shamuc punzhacunapi ricuchingapacmi, chashnaca ruhuashca.

EFESIOS 3:10

Cunanca jahua pachapi mandaccunapish, poderta chariccunapish tandanacushca criccuna ima shina cashcata ricushpa, Taita Dios imatapish yachac cashcata yachachunmi, chashnaca ruhuarca.

FILIPENSES 2:11

Taita Diosta “sumacmari cangui” nishpa, Jesucristotapish “tucuita Mandacmi cangui” nichunmi, chashnaca ruhuarca.

1 PEDRO 1:21

Paimantami cancunaca Diosta cringuichic. Taita Diosmi Cristotaca huañushcacunapuramanta causachishpa sumacyachirca. Chaimantami cancunaca Taita Diospi shunguta churashpa cringuichic.

1 PEDRO 2:12

Diosta mana cazuccunapac ñaupapica allita ruhuashpa causaichic. Shina causacpimi, cancunata cunan “millaita ruhuaccuna” nishpa juchanchishpapish, cancuna allita ruhuacushcata ricushpaca, Dios taripana punzhapica Taita Diosta “allimari cangui” ningacuna.

1 PEDRO 4:11

Maijan imata huillashpapish, Dios nishca shina huillachun. Maijan shuccunaman ima allita ruhuashpapish, Dios imatapish ruhuaclla cashcahuan ruhuachun. Tucui imata ruhuashpapish, Apunchic Jesucristomanta Taita Dios alli nishca cachun ruhuaichic. Paica huiñaita sumaimanami, imatapish ruhuaipacllami. Chashna cachun.