SAN JUAN 13:19 - Nuevo Testamento en Quichua Cañar 1996

¹⁹ Caicuna pactacpi, ñuca pi cashcata cancuna crichunmi, utcaman caicunataca huillacuni.

Dios Rimashcata Quillcashcami

¹⁹ Manarac chaicuna pactacpimi, ñuca pi cashcata cancuna crichun, cunanmanta pacha huillacuni.

SAN JUAN 13:19 Iomraidhean Croise

SAN MATEO 11:3

Chashna cachacpi paicuna chayashpaca: —¿Canchu chai shamuna cashca Quishpichic Cristoca cangui? Mana cashpaca, ¿shuctachu shuyana canchic?— nishpa tapurcacuna.

SAN MATEO 24:25

Ñucaca imalla tucuna cashcataca ñami cancunaman huillani.

SAN LUCAS 21:13

Chashna cancunata apacpica, paicunamanpish ñucamanta huillanguichicmi.

SAN JUAN 1:15

Paimantami Juanca: “ ‘Ñucapac q'uipa shamucca ñucapac ñaupa ña tiyashcamanta, ñucata atishpa yalli allica can’ nishpa huillarcani. Chai huillashcaca cai runami” nishpa sinchita rimarca.

SAN JUAN 14:29

Ima tucushcata ricushpa ñucata crichunmi, utcaman caicunataca nicuni.

SAN JUAN 16:4

Chai punzhacunapi ñuca ña utcaman nishcata yuyarichunmi, cashnaca nicuni. Ñuca cancunahuan cashcamantami, callaripica caicunataca manarac huillarcani.

SAN JUAN 4:26

Shina nicpi Jesusca: —Chaica canhuan parlacucllatacmi cani— nirca.

SAN JUAN 8:28

Chaimantami Jesusca cashna nirca: —Runa Tucungapac shamushca*f** ñucata cancuna jahuaman churashpami, ñuca pi cashcataca yachanguichic. Shinallatac ñuca munaimanta imatapish mana ruhuac cashcata, ashtahuanpish ñuca Taita yachachishcata nic cashcatapish yachanguichicmi.

SAN JUAN 8:58

Shina nicpi Jesusca: —Manarac taita Abraham tiyacpimi, ñucaca ña tiyarcani. Chaica chashnatacmi can— nirca.