SAN JUAN 12:6 - Nuevo Testamento en Quichua Cañar 1996

⁶ Judasca mana huacchacunata llaquishcamantachu chashnaca nirca, ashtahuanpish shuhua cashcamantami paica chashna nirca. Paica Jesushuan purishpa cullquita huacaichicushpaca, shuhuacmi carca.

Dios Rimashcata Quillcashcami

⁶ Judasca mana huacchacunata llaquishcamantachu chaitaca nirca, ashtahuanpish shuhuac cashcamantami chashna nirca. Paimi cullquita tandashpa huacaichic carca. Chashnami maijan cutinca shuhuac carca.

SAN JUAN 12:6 Iomraidhean Croise

SAN MATEO 21:13

Chashna ruhuashpaca: —Dios quillcachishcapica: ‘Ñuca huasica, ñucaman mañana huasimi’ ninmi. Ashtahuanpish cancunaca cai huasitaca shuhuacuna miticuna machai shinatami ruhuashcanguichic— nirca.

SAN LUCAS 8:3

Mandac Herodespac huasipi mandachun churashca, Chuza runapac huarmi Juanapish, Susana huarmipish, shinallatac caishuc huarmicunapish imalla charishcacunahuan Jesusta ayudaccunami carca.

SAN JUAN 10:13

Cullquillamanta michicca ovejacunata mana llaquishpa shitashpa rinllami. Paimanca ovejacunaca imapish mana curinchu.

SAN JUAN 12:5

—Cai mishquilla ashnacuctaca, quimsa pasac denario*f** cullquipi c'atushpa huacchacunaman cunachari, ashtahuan alli canman carca— nirca.

SAN JUAN 13:29

Judasca cullquita tandacmi carca. Chaimantami maijancunaca: “Judastami fiestapac imallata randichun nicunga, mana cashpaca, huacchacunaman cullquita cuchunmi nicunga” nishpa yuyarcacuna.

1 CORINTIOS 6:10

shuhuaccunapish, imatapish charinallata munaccunapish, machaccunapish, millaita rimashpa llaquichiccunapish shinallatac crichishpa shuhuaccunapish, Dios mandacucpica imata mana charingacunachu.

GÁLATAS 2:10

Paicunapurapi cac huacchacunatapish yuyarichunmi nircacuna. Chaimanta ashtahuanca mana imata nircachu. Chaitaca tucui shunguhuanmi pactachina yuyailla cani.

1 TESALONICENSES 5:22

Tucui laya mana allicunamanta anchurichic.

SANTIAGO 2:2

Cai shina yuyarishunchic: Cancunapac tandanacuimanca shuc alli chayuc runa curi sorteja churashca, sumac churanahuan yaicungachari. Shinallatac shuc huaccha, imata mana charic mauca churanahuan runapish yaicungachari.

SANTIAGO 2:6

Shina cacpipish cancunaca “imata mana charinchu” nishpami, huacchacunataca yangapi churanguichic. Cancunata llaquichishpa, juezpacman apaccunaca, ¿manachu chayuccuna can?