SAN JUAN 12:19 - Nuevo Testamento en Quichua Cañar 1996

¹⁹ Shina cacpimi fariseocunaca:*f** —Ñucanchicllatacmi ña ricunchic. Chashnaca imata mana ruhuai pudinchicchu, ashtahuanpish tucuimi paitaca c'atincuna— nishpami, caishuc chaishuc parlanacurcacuna.

Dios Rimashcata Quillcashcami

¹⁹ Ashtahuanpish fariseocuna parlanacushpaca: —Riquichic, tucuimi paita caticun. Ñucanchicca imata mana ruhuai pudinchicchu— nicurca.

SAN JUAN 12:19 Iomraidhean Croise

SAN MATEO 21:15

Diosman mañana huasipi chashna sumacta ruhuacta ricushpa, shinallatac huahuacuna “Mandac Davidpac aillupuramanta Apunchic Jesús, ¡canca allimari cangui!” nicta uyashpami, curacunata mandac curacunapish, mandashcacunata yachachiccunapish Jesushuanca munai p'iñarircacuna.

SAN JUAN 12:18

Chaimantami gentecunaca pi mana ruhuaipacta ruhuaclla cashcata yachashpa, Jesushuan tupangapac llucshircacuna.

SAN JUAN 12:20

Chai Jerusalén fiestapi Diosta alli ningapac shamuccunapurapica, maijan griego*f** gentecunapish chaipimi carca.

SAN JUAN 17:21

Taitalla, ima shinami ñucaca canhuan, canca ñucahuan shuc shinalla canchic, shinallatac paicunapish ñucanchichuan shuc shinalla cachunmi mañani. Cai pachapi causaccuna ñucata can cachashca cashcata crichunmi, chashnaca mañani.

SAN JUAN 3:26

Chaimanta Juanpacman rishpaca: —Yachachic. Jordán yacu chimbanicpi canhuan tupanacuc, chai can parlacushca runami bautizacun. Achca gentecunami paipacmanca shamucun— nircacuna.

HECHOS 17:6

Chai huasipi Pablota Silasta mana tarishpaca, Jasonta, caishuc criccunandic japishpa, mandaccunapac ñaupaman apashpaca: —Cai runacunaca cai pachapica maipipish llullashpamari puricuncuna. Chaipacmi caimanpish shamushcacuna.

1 JUAN 2:2

Jesucristoca Taita Dios ñucanchic juchacunata perdonachunmi, ñucanchicpac randi huañurca. Shina huañushpaca mana ñucanchic juchacunallamantachu huañurca, ashtahuanpish tucui cai pachapi causaccunapac juchata perdonachunmi huañurca.