SAN JUAN 11:27 - Nuevo Testamento en Quichua Cañar 1996

²⁷ Shina nicpi paica: —Ari, Apunchic Jesús. Can Diospac Churi, shinallatac cai pachaman shamuna Quishpichic Cristo cashcataca crinimi— nirca.

Dios Rimashcata Quillcashcami

²⁷ Shina nicpimi Martaca: —Ari, Apunchic Jesús crinimi. Canca Diospac Churimi cangui. Cai pachaman shamuna cashca Cristomi cangui— nirca.

SAN JUAN 11:27 Iomraidhean Croise

SAN MATEO 11:3

Chashna cachacpi paicuna chayashpaca: —¿Canchu chai shamuna cashca Quishpichic Cristoca cangui? Mana cashpaca, ¿shuctachu shuyana canchic?— nishpa tapurcacuna.

SAN MATEO 16:16

Shina tapucpi Simón Pedroca: —Canca causac Diospac Churi, Quishpichic Cristomi cangui— nirca.

SAN MATEO 16:20

Chashna nishca q'uipami, Jesusca paipac yachacuccunataca: —Pacta piman ñuca Quishpichic Cristo cashcataca huillanguichicman— nirca.

SAN LUCAS 2:11

Cunanmi David huacharishca Belén pueblopica, gentecunata Quishpichic huacharishca. Paimi tucuita Mandac, Quishpichic Cristo.

SAN JUAN 1:49

Shina nicpi Natanaelca: —Yachachic, canca Diospac Churimi cangui, israelcunata Jatun Mandacpishmi cangui— nirca.

SAN JUAN 4:42

Chaimantami chai huarmitaca: —Cunancarin mana can huillashcallamantachu crinchic, ashtahuanpish ñucanchicllatac pai ima nishcataca uyashcanchic. Chaimantami cai pachapi causaccunata quishpichingapac shamushca cashcatatac yachanchic— nircacuna.

SAN JUAN 6:14

Jesús chai shina pi mana ruhuaipacta ruhuacta gentecuna ricushpaca: —Cai runaca cai pachaman shamuna cashca Diosmanta huillactacmi— nircacuna.

SAN JUAN 6:69

Ñucanchicca cantaca ña crishcanchicmi. Shinallatac canca Dios cachashca Jucha Illac cashcatapish yachanchicmi— nirca.

HECHOS 8:36

Ña yacu cuchuta ricushpami, chai runaca: —Riqui, caipica yacu tiyashcami. ¿Manachu ñucaca bautizari pudini?— nirca.

HECHOS 8:37

Shina nicpi Felipeca: —Can tucui shunguhuan crishpaca, bautizarinallami cangui— nirca. Chashna nicpi: —Ari, Jesucristoca Diospac Churi cashcata crinimi— nirca.

1 JUAN 5:1

Maijanpish Jesusta “Quishpichic Cristomi” nicca Taita Diospac huahuami. Maijanpish Taitata c'uyacca paipac huahuacunatapish c'uyanmi.

1 JUAN 5:20

Diospac Churi shamushpa ñucanchicman yuyaita cushpami, cashcata nic Taita Diostaca ricsichirca. Chaimantami cashcata nic-huan shuc shinalla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.