SAN JUAN 10:27 - Nuevo Testamento en Quichua Cañar 1996

²⁷ Ñucaca ñuca ovejacunataca ricsinimi. Paicunapish ñuca rimashcataca ricsishpa c'atincunallami.

Dios Rimashcata Quillcashcami

²⁷ Ovejacunaca ñuca rimashcata uyanmi. Ñucapish paicunataca ricsinimi.

SAN JUAN 10:27 Iomraidhean Croise

SAN MATEO 16:24

Chai q'uipami Jesusca paipac yachacuccunataca: —Maijanpish ñucata c'atisha nishpaca, quiquin causaita mana llaquishpa, cruzpi chacatashca huañuna shina llaquita apana cashpapish, ñucata c'atichun.

SAN MATEO 17:5

Pedro chashna nicucpiracmi, yuranlla p'uyu paicunataca quillparca. Chai p'uyu ucumanta shuc rimashca uyarishpaca: —Caimi ñuca c'uyashca Churi. Paillami ñucataca cushichin. Pai ima nishcata uyanguichic— nirca.

SAN MATEO 25:12

Chashna c'ayacpimi, ucumanta novioca: ‘Cancunataca mana ricsinichu’ nirca.

SAN MATEO 7:23

Chashna cacpipish: ‘Cancunataca mana ricsinichu. Caimanta anchurichic, millaita ruhuaccuna’ nishami.

MARCOS 10:21

Chashna nicpimi, Jesusca chai runata c'uyailla ricushpaca: —Can chashna ruhuashca cashpapish, caitami ruhuanarac cangui: Cambac tucui ima charishcacunata c'atushpa, huacchacunaman cugri. Chashna cushpaca, jahua pachapica achcatami charingui. Chashna cushpaca, ñucata c'atingapac shamuilla— nirca.

MARCOS 8:34

Shina nishpami, Jesusca paipac yachacuccunatapish, caishuc gentecunatapish c'ayashpa cashna nirca: —Maijanpish ñucata c'atisha nishpaca, quiquin causaita mana llaquishpa, cruzpi chacatashpa huañuna shina llaquita apana cashpapish, ñucataca c'atichunlla.

SAN LUCAS 13:27

Chashna nicpipish huasiyucca: ‘¿Manachu uyanguichic? ¡Caimanta anchurichic, millaita ruhuaccuna! ¡Cancunataca mana ricsinichu!’ ningami.

SAN LUCAS 9:23

Chashna nishca q'uipami, tucui chaipi caccunataca: —Maijanpish ñucata c'atisha nishpaca, quiquin causaita mana llaquinachu canguichic. Cruzpi chacatashca huañuna shina llaquita apana cashpapish, ñucataca punzhanta c'atichiclla.

SAN JUAN 10:14

Ñucami alli michicca cani. Ima shinami ñuca Taita ñucata ricsin, shinallatacmi paitaca ricsini. Chashnallatacmi ñuca ovejacunaca ñucataca ricsincuna. Ñuca ovejacunamantaca huañuna cacpipish huañushallami.

SAN JUAN 10:16

Shinallatac mana cai corralpi cac ovejacunatapish charinimi. Paicunatapish pushamunami cani. Paicunaca ñuca ima nishcataca uyangacunami. Chashna uyashpa tandarishpaca, shuc shinallami tucunga, shinallatac shuc michicllami tiyanga.

SAN JUAN 10:8

Ñucapac ñaupata tucui shamuccunaca shuhuacunami, huañuchiccunami carca, ashtahuanpish ovejacunaca mana c'atircacunachu.

SAN JUAN 12:26

Maijanpish ñucapacta ruhuasha nishpaca, ñucata c'atichun. Ñuca maipimi cani, chaipimi paipish canga. Shinallatac maijanpish ñucapacta ruhuactaca ñuca Taitapish alli ningami.

SAN JUAN 21:22

Chashna tapucpi Jesusca: —Ñuca cutimungacaman paita causacuchunlla nicpipish, ¿canmanca imatac curinyari? Ashtahuanpish canca ñucata c'atilla— nirca.

SAN JUAN 5:25

Huañushca shina causaccuna Diospac Churi rimashcata uyana pachaca, ña chayamucunmi. Chaita uyana pachaca cunanllatacmi. Chaita uyaccunaca causaita charingami. Chaica chashnatacmi can.

SAN JUAN 8:12

Jesusca israelcunaman*f** cutin huillashpaca: —Ñucaca cai pachapi causaccunata achicyachic luzmi cani. Maijanpish ñucata c'aticca mana amsapi puringachu, ashtahuanpish causaita cuc luztami charinga— nirca.

SAN JUAN 8:43

¿Ima nishpatac ñuca rimashcataca mana entendinguichic? Cancunaca ñuca rimashcata mana uyashun nishpami, mana entendinguichic.

HECHOS 3:23

Pipish chai huillacta mana cazuctaca, israelcunapuramanta llucchishpa shitashcami canga’ nishcami.

1 CORINTIOS 8:3

Ashtahuanpish Taita Diosta maijanpish c'uyacca, Taita Diospac ricsishcami can.

GÁLATAS 4:9

Cunanca Taita Diosta ricsiccunami canguichic, ashtahuancarin Taita Diosmi cancunata ricsin. ¿Shina cashca jahuachu cutinllatac imapish mana valic, yangalla manchanacunallata cazushpa, huatashca shina causashun ninguichic?

2 TIMOTEO 2:19

Shina cacpipish Taita Diosca huasita ruhuangapac callaripi churashca rumi shinatami, paipac rimashcataca churashca. Chai rimashcaca: “Taita Dios pai acllashcacunataca ricsinmi. Shinallatac Diosta criccunaca tucui millaimanta anchurinami can” nishcami.

HEBREOS 3:7

Chaimantami Dios quillcachishcapi Diospac Espirituca: “Dios ima nishcata cunan cancuna uyashpaca,

APOCALIPSIS 14:4

Paicunaca huarmihuan mana chayarishca, chuyacunami carca. Paicunaca Pactalla Oveja maita ricpipish c'aticcunami. Paicunaca gentecunapuramanta Taita Diosmanpish, Pactalla Ovejamanpish cungapac punta acllashcacuna shinami quishpirishcacuna.

APOCALIPSIS 3:20

Riquichic, ñucaca ‘huasiyuc’ nishpami pungupi huactashpa shayacuni. Maijanpish ñuca rimashcata uyashpa punguta pascacpica, paipacman yaicushpa paihuan micushami. Paipish ñucahuan micungami.