SAN JUAN 1:51 - Nuevo Testamento en Quichua Cañar 1996

⁵¹ Shinallatac Jesusca: —Jahua pacha pascaricpi, Diospac angelcuna Runa Tucungapac shamushca*f** ñucapacman huichicucta, uricuctami ricunguichic. Chaica chashnatacmi canga— nirca.

Dios Rimashcata Quillcashcami

⁵¹ Shinallatac Jesusca: —Jahua pacha pascarictapish, Diospac angelcuna Runa Tucungapac shamushca ñucapac jahuata huichicucta, uricuctami ricunguichic. Chaica chashnatacmi canga— nirca.

SAN JUAN 1:51 Iomraidhean Croise

SAN MATEO 25:31

Runa Tucungapac shamushca*f** ñuca mandangapac cutimushpaca, sumaimana cashcahuan achicyachishpa, tucui angelcunandicmi shamusha. Chashna cutimushpaca, jatun sumaimana tiyarinapimi tiyarisha.

SAN MATEO 26:24

Runa Tucungapac shamushca*f** ñucataca, Dios quillcachishcapi nishca shinallatacmi huañuchingacuna. Ashtahuanpish ñucata japichic runaca, ¡aij, imachari tucunga! Chai runaca mana huacharishca cashpachari ashtahuan alli canman carca— nirca.

SAN MATEO 3:16

Jesusca bautizancami yacumanta llucshirca. Shina llucshishpaca, jahua pacha pascaricpi, Diospac Espíritu paloma shina paipac jahuaman uriyamucuctami ricurca.

SAN MATEO 4:11

Shina nicpimi, diabloca saquishpa rircalla. Chai q'uipami angelcunaca Jesusta servingapac shamurcacuna.

SAN MATEO 8:20

Chashna nicpi Jesusca: —Atuccunapish, maipi suiñuna jutcuta charinmi. Zhutacunapish, maipi suiñuna c'uzhata charinmi. Ashtahuanpish Runa Tucungapac shamushca*f** ñucaca, maipi umata samachinallatapish mana charinichu— nirca.

SAN MATEO 9:6

Runa Tucungapac shamushca*f** ñucaca cai pachapi juchacunata perdonaclla cashcata cancuna yachachunmi, cai runataca: ‘Jatari, canta huandumushca chacanata apashpa, cambac huasiman rilla’ nini— nirca.

MARCOS 1:10

Ña yacumanta llucshicushpami, Jesusca jahua pacha pascaricta, shinallatac Diospac Espíritu paloma shina paipac jahuaman uriyamucucta ricurca.

MARCOS 14:62

Chashna tapucpi Jesusca: —Ari, chaimi cani. Runa Tucungapac*f** shamushca ñucataca, imatapish ruhuaclla Taita Diospac alli maquiman tiyacuctapish, p'uyupi jahua pachamanta shamucuctapish ricunguichicmi— nirca.

SAN LUCAS 2:13

Chashna huillacucllapitacmi, ñapish jahua pacha achca angelcuna chai huillacuc angelhuan tucushpaca, Taita Diosta alli nishpaca:

SAN LUCAS 2:9

Chashna cuidacucpimi, Taita Dios cachashca angelca Diospac sumaimana achiclla cashcahuan ñapish cungailla ricurishpa, tucui paicunapac muyundicta achicyachirca. Chashna ricuricpimi, michiccunaca munai mancharircacuna.

SAN LUCAS 22:43

Chashna mañacucpimi, jahua pachamanta ángel shamushpa llaquita apachunlla sinchiyachirca.

SAN LUCAS 22:69

Shina cacpipish cunanmanta pachami, Runa Tucungapac shamushca*f** ñucaca imatapish ruhuaclla Taita Diospac alli maquiman tiyacugrisha— nirca.

SAN LUCAS 24:4

Chashna mana ricuricpi mancharishpa shayacucpimi, yuraclla, jagan nicuc churana churashca ishcai runacuna paicunapac ñaupapi ñapish ricurircacunalla.

SAN LUCAS 3:21

Juanca Herodes manarac carcelpi churacpimi, tucui chaipi cac gentecunata bautizacushpaca Jesustapish bautizarca. Jesús ña bautizarishpa Taita Diosman mañacucpimi, jahua pacha pascarirca.

SAN JUAN 1:50

Shina nicpi Jesusca: —¿‘Higo yura ucupi cacllapitacmi ña ricurcani’ nicllapichu cringui? Ashtahuanpish caimanta yallitami ricungui— nirca.

SAN JUAN 10:1

Jesusca cashnami nirca: —Maijanpish chapashpa huañuchic shuhua cashpami, ovejacunapacmanca mana corral punguta yaicushpa, maitapish yaicun. Chaica chashnatacmi can.

SAN JUAN 10:7

Jesusca cutinllatacmi cashna nirca: —Ñucami ovejacuna yaicuna punguca cani. Chaica chashnatacmi can.

SAN JUAN 13:16

Amota servicca mana amota yallichu. Shinallatac maijan cashpapish, cachashca shamucca mana cachactaca yallichu. Chaica chashnatacmi can.

SAN JUAN 13:38

Chashna nicpi Jesusca: —¿Ima shinatac ñucamanta ‘huañuna cacpipish huañushallami’ ningui? Manarac gallo cantacpimi, quimsa cutin ñucataca ‘mana ricsinichu’ ningui. Chaica chashnatacmi canga— nirca.

SAN JUAN 14:12

Maijanpish ñucata cricca, ñuca imallata ruhuashcacunataca ruhuangami, shinallatac Taitapacman ñuca rishcamantaca yallitami ruhuanga. Chaica chashnatacmi canga.

SAN JUAN 16:20

Cancuna llaquilla cacpipish, huacailla cacpipish, cai pachapaclla causaccunaca cushicungami. Shina cancuna llaquilla cacpipish, llaquica cushiman tigrangami.

SAN JUAN 16:23

Chai punzhacunapica ña mana ashtahuan imata ñucamanca tapunguichicchu. Ñuca Taitallami tucui imatapish ñuca shutipi cancuna mañashcataca cunga. Chaica chashnatacmi canga.

SAN JUAN 21:18

Huambrarac cashpaca, canllatacmi chumbillirishpa maiman risha nishpapish ric carcangui. Shina cacpipish yuyac cacpica, rigrata chutacpimi, cantaca shuc chumbillichinga, shinallatac can mana risha nishcamanmi pushanga. Chaica chashnatacmi canga— nirca.

SAN JUAN 3:3

Shina nicpi Jesusca: —Maijanpish mana cutin huacharicca, Taita Dios mandacuctaca mana ricungachu. Chaica chashnatacmi canga— nirca.

SAN JUAN 3:5

Shina nicpi, Jesusca cashnami nirca: —Maijanpish yacuhuan, Diospac Espirituhuan mana huacharicca, Dios mandacucmanca manatac yaicungachu. Chaica chashnatacmi canga.

SAN JUAN 5:19

Chashna p'iñacpi, Jesusca cashna nirca: —Ñucaca Diospac Churi cashpapish, ñuca munaimantaca imata mana ruhuanichu, ashtahuanpish ñuca Taita ruhuacta ricushpallami, imatapish ruhuani. Imatami ñuca Taita ruhuan, chaitami ñucapish ruhuani. Chaica chashnatacmi can.

SAN JUAN 5:27

Runa Tucungapac shamushca*f** ñuca cashcamantami, ñuca Taitaca taripana cashcataca ñucaman curca.

SAN JUAN 6:26

Shina tapucpi, Jesusca cashnami nirca: —Cancunaca pi mana ruhuaipaccunata ruhuashcamantaca mana mashcacunguichicchu, ashtahuanpish mana nicta micushcallamantami mashcacunguichic. Chaica chashnatacmi can.

SAN JUAN 6:32

Shina nicpi Jesusca: —Jahua pachamanta tandataca mana Moiseschu curca, ashtahuanpish ñuca Taitami cancunamanca jahua pachamantatac cac tandata cun. Chaica chashnatacmi can.

SAN JUAN 6:47

Maijanpish ñucata cricca, huiñai causaita charinmi. Chaica chashnatacmi can.

SAN JUAN 6:53

Shina nicpimi Jesusca cashna nirca: —Runa Tucungapac shamushca ñuca aichata cancuna mana micushpa, ñuca yahuarta mana ubiashpaca, causaitaca mana charinguichicchu. Chaica chashnatacmi can.

SAN JUAN 8:34

Shina nicpimi Jesusca cashna nirca: —Maijanpish juchata ruhuaccunaca juchapi huatashca shinami cancuna. Chaica chashnatacmi can.

SAN JUAN 8:51

Maijanpish ñuca nishcata cazucca mana huañungachu. Chaica chashnatacmi canga— nirca.

SAN JUAN 8:58

Shina nicpi Jesusca: —Manarac taita Abraham tiyacpimi, ñucaca ña tiyarcani. Chaica chashnatacmi can— nirca.

HECHOS 10:11

jahua pacha pascarictapish, shuc jatun lienso shina chuscu puntapi huatashca, pai tiyacucman urai shamucuctapish ricurca.

HECHOS 7:56

Chashna ricushpami, Estebanca: —Riquichic. Ñucaca jahua pacha pascarishpa, Runa Tucungapac shamushca*f** Jesusta Taita Diospac alli lado maquiman shayacuctami ricuni— nirca.

2 TESALONICENSES 1:7

Shinallatac cancuna llaquita apacuccunatapish, ñucanchicta samachic shinallatac samachingami. Chashnaca, Apunchic Jesús paipac imatapish ruhuaclla angelcunahuan jahua pachamanta shamushpami samachinga.

2 TESALONICENSES 1:9

Paicunaca huiñaicamanmi llaquichishpa, chingachishca cangacuna. Shinallatac imatapish ruhuaclla Apunchic Jesuspac sumaimana ñaupamantapish, caruman shitashcami cangacuna.

1 TIMOTEO 3:16

Pi mana yachashca, Taita Dios llaquishpa huillashcata ñucanchic crishcaca, tucuimanta yalli allimi: Apunchic Jesusca aichayuc tucushpami ricurirca. Diospac Espirituhuan cashcamanta tucuitami misharca. Shinallatac paitaca angelcunapish ricurcami. Mana israelcunamanpish*f** paillamantami paita c'aticcunaca huillashcacuna. Cai pachapica paitaca achcacunami crishcacuna. Jahua pachapipish paitaca alli nishpami chasquishca carca.

HEBREOS 1:14

Shina cacpica angelcunaca, ¿imatac canga? Angelcunaca Diospacta ruhuachun churashca espiritucunallami, shinallatac quishpirinata chasquiccunata ayudachun cachashcacunallami.

SAN JUDAS 1:14

Ñaupa taita Adanmanta Enoccamanca, canchis taitacunami cashca. Enocca Dios yuyaita cucpimi, chai yachachiccunamanta huillashpaca: “Mandac Diosca paipac huaranga huaranga angelcunahuan shamuctami ricurcani.

APOCALIPSIS 19:11

Chai q'uipaca jahua pacha pascaricpi, shuc yurac caballopi montashpa tiyacuctami ricurcani. Chai tiyacucpac shutica Mana Llullac, shinallatac Imatapish Pactachicmi carca. Paica cashcata ruhuashpa, manapish allita taripashpa macanacucmi carca.

APOCALIPSIS 4:1

Chai q'uipaca jahua pachapi pungu pascashcatami ricurcani. Shinallatac puntaman uyarishca shinallatacmi, trompetapi tocac shina shuc rimashca uyarishpaca: —Caiman huichicui, caipica q'uipaman ima shina tucuna cashcatami ricuchigrini— nirca