SAN JUAN 1:47 - Nuevo Testamento en Quichua Cañar 1996

⁴⁷ Jesusca Natanael paipacman cuchuyacta ricushpaca: —Caipimi Israel*f** runatac shamun. Paica jaicapi manatac llullanchu— nirca.

Dios Rimashcata Quillcashcami

⁴⁷ Jesús, Natanael cuchuyacta ricushpaca: —Israel runatacmi shamushpa caipi can. Paica jaicapi mana llullanchu— nirca.

SAN JUAN 1:47 Iomraidhean Croise

SAN JUAN 2:25

Jesusca paicuna ima laya cashcata pi mana huillacpipish, ña paicunapac shungu imata yuyacushcataca yacharcami.

SAN JUAN 4:16

Shina nicpi Jesusca: —Ri, cambac cusata c'ayamugri— nirca.

SAN JUAN 8:31

Jesusca paita cric israelcunataca:*f** —Cancunaca ñuca rimashca shimicunata cazushpa c'atishpaca, ñuca yachacuccunatacmi canguichic.

SAN JUAN 8:39

Shina nicpi paicunaca: —Ñucanchic taitaca Abrahammi— nircacuna. Shina nicpi, Jesusca cashnami nirca: —Cancuna Abrahampac huahuacunatac cashpaca, Abraham ruhuashca shinallatacmi ruhuanguichicman.

ROMANOS 9:4

Paicunaca taita Israelpac*f** huahua huahuami cancuna. Shina cashcamantami Diosca paipac huahuacuna cachun acllarca. Taita Diosca paipac sumaimana cashcatapish paicunamanca ricuchircami. Paicunaca Moisés mandashcacunatapish, Dios c'uyashpa paicunaman ari nishcacunatapish, Dios cusha nishcacunatapish charinmi. Shinallatac ima shina Diosman mañanatapish yachancunami.

ROMANOS 9:6

Ashtahuanpish israelcunaman*f** Dios cushami nishcataca mana pactachishcachu nishpaca, mana ninichu. Taita Israelpac huahua huahuacuna mana tucui mashna israelcunatac cashcamantami chashnaca nini.

FILIPENSES 3:3

Ashtahuanpish ñucanchicmi, Diospac Espíritu yuyaita cucpi Diosta shungumanta alli niccuna cashpa, Jesucristomanta cushicushpa, circuncisión ruhuashcatatac ricuchicunchic. Shina cashpami ñucanchicca aichapi imalla ruhuashcacunallapica mana shunguta churanchic.

1 PEDRO 2:1

Shina cashcamanta tucui laya millaicunatapish, llullashpa crichinatapish, shuccuna ama charichun munanatapish, mishqui shimi canatapish, shinallatac tucui laya mana allita parlanacunatapish saquichic.

1 PEDRO 2:22

Cristoca ima juchata jaicapi mana ruhuarcachu, shinallatac pitapish llullashpaca mana crichircachu.

APOCALIPSIS 14:5

Paicunaca jaicapi imata mana llullacchu carcacuna. Shina cashpami Diospac ñaupapica jucha illac cancuna.