SAN JUAN 1:39 - Nuevo Testamento en Quichua Cañar 1996

³⁹ Shina nicpi Jesusca: —Shamuichic, ricunguichic— nirca. Chashna rishpami, pai maipi causacta ricurcacuna. Ña chuscu horas chishi shinamantaca tutacamanmi chaipi paihuan saquirircacuna.

Dios Rimashcata Quillcashcami

³⁹ Shina nicpimi Jesusca: —Ricungapac shamuichic— nirca. Chashna rishpami, pai maipi causacta ricurcacuna. Ña chuscu horas chishi shinamantaca tutacamanmi chaipi paihuan carcacuna.

SAN JUAN 1:39 Iomraidhean Croise

SAN LUCAS 24:29

Chashna risha nicucpimi, paicunaca mana cachashun nishpa: —Caillapi ñucanchichuan saquiri. Ñami chishi, shinallatac tutayamugricunmi— nircacuna. Chashna nicpi Jesusca paicunahuan saquirishpa, pozangapac yaicurcallami.

SAN JUAN 1:38

Chashna c'aticta tigrarishpa ricushpami Jesusca: —¿Imatatac mashcacunguichic?— nishpa tapurca. Shina tapucpi paicunaca: —Rabí, ¿maipitac causangui?—nirca. (“Rabí” nishpaca, “yachachic” nisha ninmi).

SAN JUAN 1:40

Juanpacmanta Jesusta c'atishpa ric chai ishcai yachacuccunamantaca, shucca Simón Pedropac huauqui Andresmi carca.

SAN JUAN 1:46

Shina nicpi Natanaelca: —Nazaret pueblomantaca, ¿ima allitac llucshingayari?— nirca. Shina nicpi Felipeca: —Canllatac shamui, ricungui— nirca.

SAN JUAN 4:40

Chashna crishpami, gentecunaca Jesuspacman shamushpa: “Caillapi saquiriyari” nishpa mañarcacuna. Shina mañacpimi, Jesusca ishcai punzhata chaipi saquirirca.

SAN JUAN 6:37

Ñuca Taita ñucaman cushcacunallami ñucapacmanca shamun. Chai shina shamuccunataca manatac cutichishpa cachashachu.

APOCALIPSIS 3:20

Riquichic, ñucaca ‘huasiyuc’ nishpami pungupi huactashpa shayacuni. Maijanpish ñuca rimashcata uyashpa punguta pascacpica, paipacman yaicushpa paihuan micushami. Paipish ñucahuan micungami.