HECHOS 16:3 - Nuevo Testamento en Quichua Cañar 1996

³ Pabloca Timoteota pushasha nishpami, paipac taita griego cashcata tucui chaipi causac israelcuna yachashcamanta, paicunahuan ama p'iñanacungapac Timoteotaca circuncisionta*f** ruhuachirca.

Dios Rimashcata Quillcashcami

³ Pabloca Timoteota pushasha nishpami, circuncisionta ruhuachirca. Chaica, paipac taita griego cashcata tucui israelcuna yachashcamanta, paicunahuan mana piñanacungapacmi chashna ruhuachirca.

HECHOS 16:3 Iomraidhean Croise

HECHOS 15:20

Chashna ninapac randica, paicunamanca: ‘Ruhuashcalla dioscunaman ima cushcatapish, yahuartapish, sipishpa huañuchishca aichatapish ama micunguichicchu, shinallatac ama huaclliringuichicchu’ nishpa, quillcashpa cachashunchic.

HECHOS 15:37

Shina nicpi Bernabeca: —Marcos nishca Juanta pushashun— nirca.

HECHOS 15:40

Shinallatac Pablopish Silasta acllashpa ri callaricpica, Taita Dios mai c'uyashpa alli pushachunmi, criccunaca Taita Diosman mingarcacuna.

1 CORINTIOS 7:19

Taita Diosmanca circuncisionta ruhuashcapish, mana ruhuashcapish mana ima canchu, ashtahuancarin pai mandashcacunata cazunami ashtahuan alli.

1 CORINTIOS 9:20

Israelcunapurapi*f** cashpaca, paicuna quishpirichunmi israelcuna shina tucuni. Shinallatac Moisés mandashcacunata pactachiccunahuan cashpaca, chai mandashcacunata ñuca mana pactachina cashpapish, paicuna quishpirichunmi chai mandashcacunata pactachiccuna shina tucuni.

GÁLATAS 2:3

Chashna yachachicpica ñucahuan shamuc Titotaca mana israel runa cacpipish, mana pi circuncisionta*f** ruhuachun mandarcachu.

GÁLATAS 2:8

Pedrota israelcunapacman Jesusmanta huillachun cachac Taita Diosllatacmi, ñucatapish mana israelcunaman Jesusmanta huillachun cacharca.

GÁLATAS 5:6

Shina cashcamanta Jesucristohuan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta c'uyanacushpa causanami ashtahuan alli.

FILIPENSES 2:22

Ashtahuanpish Timoteo ima shina cashcataca, cancunallatac yachanguichicmi. Paica shuc churi taitata ayudacuc shinami, alli huillaita ñuca huillacucpica, paipish ñucahuan pacta huillacurca.