GÁLATAS 5:1 - Nuevo Testamento en Quichua Cañar 1996

¹ Moisés mandashcacunata cazushpa ama huatashca shina cachunmi, Jesucristoca ñucanchictaca cacharichirca. Shina cashcamanta ama cutinllatac huatashca shina tucunata yuyaichicchu.

Dios Rimashcata Quillcashcami

¹ Ama huatashca shina causachunmi, Cristoca ñucanchicta cacharichirca. Shina cashcamanta ama cutinllatac huatashca shina tucunata yuyaichicchu.

GÁLATAS 5:1 Iomraidhean Croise

SAN MATEO 23:4

Paicunaca maita mana pi aparipac llashacta apachic shinami, shuccunataca imatapish ruhuachunlla nincuna. Ashtahuanpish paicunaca dedollahuanpish mana tuparisha nic shinami, chaicunataca mana ruhuashun nincuna.

SAN LUCAS 5:38

Chaimantami vinopish, capachupish ama ima tucuchun, cunanlla ruhuashca vinotaca mushuc capachucunallapitac churana.

HECHOS 15:10

Chaimanta cunanca ñucanchic ñaupa taitacunapish, ñucanchicpish maita mana pactachipac cashcata, cunanlla criccunata chaita pactachichun nishpaca, Taita Diostami p'iñachicunguichic.

ROMANOS 6:14

Cancunaca mana Moisés mandashcacunata pactachishpa causana cashcapichu causacunguichic, ashtahuanpish Taita Diospac c'uyaimantami causacunguichic. Chaimanta juchaca cancunataca ña mana mandanachu can.

ROMANOS 6:18

Jucha mandashca causacushcamanta ña cacharishca cashpaca, allita ruhuangapacmi Diosta serviccuna tucushca canguichic.

ROMANOS 7:3

Chaimanta shuc huarmi cusa causacucpirac shuctac c'arihuan chayarinacushpaca, huacllirinmi. Ashtahuanpish cusa huañucpica, mandashcapi nishca shinaca mana cusapacchu can. Shina cashpaca, shuctac c'arihuan cazarashpapish, mana huacllirinchu.

ROMANOS 7:6

Mandashcacunaca huatashca shinami charicurca. Shina cacpipish cunanca mandashcacunata ama ruhuangapac cacharirishpa, huañushca shinami tucushcanchic. Chashna Dios cacharichicpimi, ñaupa quillcashca mandashca causanamanta llucchishpa, Diospac Espíritu mushuc yuyaita cucpi, Diosta servishpa causacunchic.

ROMANOS 8:15

Cancunaca mana cutinllatac manchaita cuc, huatashca shina causanaman apac espiritutachu chasquircanguichic, ashtahuanpish Diospac huahuata ruhuac Espiritutami chasquircanguichic. Chai Espiritumantami: “Ñuca Taitalla” nishpa Taita Diosman mañanchic.

ROMANOS 8:2

Jesucristohuan shuc shinalla tucushpa causaccunataca, Diospac Espíritu causaita cushpa mandacushcamantami, jucha mandashpa causanamantapish, huañuimantapish chashnaca cacharichirca.

1 CORINTIOS 15:58

Shina cashcamanta ñuca c'uyashca criccuna, pi ama urmachichunca Apunchic Jesusta tucui shunguhuan crishpa c'atiraichic. Apunchic Jesuspac ruhuaitaca punzhanta ashtahuan ashtahuan ruhuacuichiclla. Apunchic Jesushuan shuc shinalla tucushcamantaca, cancuna imata ruhuashcapish mana yanga cashcataca cancunallatac yachanguichicmi.

1 CORINTIOS 16:13

Riccharishca shina tucui shunguhuan crishpa, imatapish mana manchashpa, alli sinchiyashpa c'atiraichic.

1 CORINTIOS 7:22

Maijan amoyuc cashca cashpapish, Apunchic Jesusta crishpaca, ña mana amoyucchu can, cunanca Apunchic Jesuspacta ruhuachun acllashcami. Shinallatac maijanpish mana amoyuc cashca cashpapish, cunanca Apunchic Jesuspacta ruhuachun c'ayashcami.

2 CORINTIOS 11:20

Shinallatac servichiccunatapish, shuhuashpa quichuccunatapish, umaccunatapish, mana ricunachiccunatapish, p'iñashpa ñahuipi huactaccunatapish, cancunaca imata mana nishpa chasquinguichicllami.

2 CORINTIOS 3:17

“Mandac Dios” nishpaca, paipac Espiritutami ninchic. Maijanpish Mandac Diospac Espirituhuan cashpaca, huatashca shinamanta ña cacharirishcami can.

GÁLATAS 2:4

Ashtahuanpish mandashcacunamanta cacharirishpa, Jesucristohuan shuc shinalla tucushpa causacucta ricungapacllami, “cricmi canchic” nishpa maijancunaca pacalla yaicurcacuna. Paicunaca paicuna shina mandashcapi huatashca shina causachunmi munancuna. Chaimantami Titotaca circuncisionta ruhuachun nircacuna.

GÁLATAS 3:25

Shina cacpimi crina punzhacuna chayamucpica, chai mandashcacunaca ña mana charicun.

GÁLATAS 4:26

Ashtahuanpish jahua pachapi tiyac Jerusalenca mana servic shinachu. Ñucanchicca paipac huahuacunami canchic.

GÁLATAS 4:31

Shina cashcamanta c'uyashca criccuna, ñucanchicca servic huarmipac huahuacuna shinaca mana canchic, ashtahuanpish mana servic quiquin huarmipac huahuacuna shina canchic.

GÁLATAS 4:9

Cunanca Taita Diosta ricsiccunami canguichic, ashtahuancarin Taita Diosmi cancunata ricsin. ¿Shina cashca jahuachu cutinllatac imapish mana valic, yangalla manchanacunallata cazushpa, huatashca shina causashun ninguichic?

GÁLATAS 5:13

C'uyashca criccuna, cancunataca Taita Dios ama huatashca shina causachunmi c'ayarca. Cunanca “ña mana huatashca shinachu canchic” nishpaca, imapish mana alli munaicunataca ama ruhuanguichicchu. Chaipac randica caishuc chaishuchuan c'uyanacushpa, ayudanacushpa causaichic.

EFESIOS 6:14

Shina cashpaca, cashcata nic huillashcahuanca chumbillishca shina sinchi caichic. Shinallatac imatapish cashcata ruhuanataca, shunguta pacac fierro churanata churaric shina churashca caichic.

FILIPENSES 1:27

Tucuimanta yallica Cristomanta alli huillaita cazushpa, chai yuyailla alli causachunmi munani. Ñuca cancunata ricungapac ricpipish mana ricpipish, alli huillaita crinamanta pi ima nicucpipish, macanacuipi shayaric shina, tucui mashna shuc yuyailla alli c'aticushcatami cancunamantaca uyasha nini.

1 TESALONICENSES 3:8

Cancuna Apunchic Jesusta alli c'aticushcata yachashpaca, cutin causaric shinami cushicunchic.

2 TESALONICENSES 2:15

Shina cashcamanta c'uyashca criccuna, ñucanchic quillcashpapish, ñucanchic yachachishpapish, imata nishcataca amatac cungarishpa c'atiraichiclla.

HEBREOS 10:23

Taita Diosca Pai pactachingapac ari nishca shinallatacmi pactachinga. Chaimantami ñucanchic crishpa shuyacushcataca, mana caita chaita yuyashpa shuyashunchiclla. Chai shuyacushcamantami shuccunaman huillacunchic.

HEBREOS 3:14

Ñucanchic callaripi c'aticushca shina, Cristopi shunguta churashpa tucuringacaman c'aticushpaca, Cristo japishca shinallatacmi ñucanchicpish japishun.

HEBREOS 3:6

Ashtahuanpish Diospac Churi cashpami, Jesucristoca Diospac huasipica imatapish allita ruhuacun. Mana caita chaita yuyashpa, cushicushpa shuyacushpaca, ñucanchicmi chai huasica canchic.

HEBREOS 4:14

Taita Diospac Churi Jesusca curacunata jatun mandac cura cashpami, ñucanchicmanta Diospacta ruhuangapac jahua pachaman yaicurca. Chaimantami ñucanchicca crishpa, c'atirana canchic.

1 PEDRO 2:16

Huatashca shinamanta cacharichishcami canguichic. Shina cashpapish “cacharishcami canchic” nishpaca, ima millaitapish ama ruhuaichicchu. Chaipac randica Diospacta ruhuaccuna shina causaichic.

2 PEDRO 2:19

Paicunallatac mana alli causaipi huatashca shina cashpapish, shuccunata huatashca shina causaimanta cacharichishun nincunami. Maijanpish paipac mapa munaicuna aticpica, chai munaipi huatashca shinami tucun.

SAN JUDAS 1:3

C'uyashca criccuna, ñucapish, cancunapish quishpirishca cashcamantami, cancunamanca yallita quillcanata munarcani. Shina cacpipish cunanca Diospaclla caccunaman paicuna crichun yachachishcata, macanacuc shina sinchita c'atina cacpimi, cai quillcata cachani.

APOCALIPSIS 2:25

Shina cancuna crishpa c'aticushcataca, ñuca shamungacaman ama saquinguichicchu.

APOCALIPSIS 3:3

Callaripi ima shina yachacushcataca yuyarishpa, Diosman cutirishpa c'atiraichic. Cancuna mana yuyarishpa Diosman mana cutiricpica, cancuna mana yuyashca horasmi shuhua shamuc shina cancunapacman shamusha.