GÁLATAS 4:6 - Nuevo Testamento en Quichua Cañar 1996

⁶ Shinallatac ñucanchic ña paipac huahuacuna cashcata ricuchingapacmi, Taita Diosca paipac Churipac Espirituta ñucanchic shunguman cacharca. Chai Espiritumi: “Ñuca Taitalla” nishpa mañachun ñucanchictaca yuyachicun.

Dios Rimashcata Quillcashcami

⁶ Ñucanchic ña paipac huahuacuna cacpica, Diosca paipac Churipac Espiritutami ñucanchic shunguman cacharca. Chai Espiritumi: “Ñuca Taitalla” nishpa mañachun ñucanchictaca yuyachicun.

GÁLATAS 4:6 Iomraidhean Croise

MARCOS 14:36

Ñuca Taitalla, canmanca imapish ruhuaipacllami. Cai jayac ubiana shina llaquita ñuca mana apana cacpica, jarcaiyari. Shina cacpipish ama ñuca munashcata ruhuaichu, ashtahuanpish can munashcata ruhuai— nishpami mañarca.

SAN LUCAS 11:13

Cancuna mana allicuna cashpapish, huahuacunamanca imatapish allitami cunguichic. Jahua pachapi cac Taita Dioscarin, maijanpish paipac Espirituta mañaccunamanca cungallami— nirca.

SAN LUCAS 11:2

Chashna nicpi, Jesusca cashna nirca: —Cancuna Taita Diosman mañashpaca, cashna ninguichic: ‘Jahua pachapi cac ñucanchic Taitalla, cambac sumaimana shutitaca tucuilla alli nishca cachun. Can mandana punzha shamuchun. Ima shinami jahua pachapi can munashca ruhuaricun, shinallatac cai pachapipish can munashca ruhuarichun.

SAN JUAN 14:16

Cancunaman shuctac Cushichicta cachachun, ñuca Taitaman mañashami. Chai Cushichicca huiñaitami cancunahuanca canga.

SAN JUAN 15:26

Ashtahuanpish Taitamanta ñuca cachashca Cushichic Diospac Espíritu shamushpami, ñuca ima shina cashcataca huillanga. Paica cashcata nicmi.

SAN JUAN 16:7

Shina cacpipish, ñuca rinami cancunamanca ashtahuan alli canga. Chashna ñuca mana ricpica, cancunata Cushichicca mana cancunahuan cangapac shamungachu. Ñuca rishpami, paitaca cachasha. Chaica chashnatacmi canga.

SAN JUAN 3:34

Taita Diosllatacmi pai cachashca cai pachaman shamucmanca, paipac Espiritutaca yallita cushca. Chaimantami paica Taita Diosmanta huillan.

SAN JUAN 7:39

Jesús chashna nishpaca, Diospac Espirituta paita criccuna chasquina cashcatami nisha nirca. Jesusta Taita Dios manarac jahua pachaman pushacpimi, Diospac Espirituca manarac shamushca carca.

HECHOS 16:7

Misia llactaman chayashpaca, Bitinia llactamanmi yaicunata yuyarcacuna. Chaiman yaicunata yuyacucpipish, Diospac Espirituca chai llactamanpish mana yaicuchun saquircachu.

ROMANOS 5:5

Taita Diosca paipac Espirituta cushpami, ñucanchic shungupica yallita c'uyaita churashca. Chaimanta mana yangamantachu shuyacunchic.

ROMANOS 8:9

Cancunapica Diospac Espiritumi causacun. Chaimantami cai pacha jucha munashca shinaca mana causacunguichic, ashtahuanpish Diospac Espíritu yuyaita cushca shina causacunguichic. Maijanpish Cristopac Espirituta mana charicca, mana Cristopacchu.

1 CORINTIOS 15:45

Dios quillcachishcapica: “Taita Diosca punta Adantaca causaiyuctami ruhuarca” ninmi. Cutin q'uipa Adantaca causaita cuc Espirituyuctami Taita Diosca ruhuarca.

2 CORINTIOS 1:22

Paimi ñucanchicta paipaclla cachun sellohuan unanchishca shinata ruhuashca. Shinallatac ñucanchic shungupi paipac Espirituta churashpami, q'uipa punzhapi ñucanchic japina cashcata ricuchishca.

2 CORINTIOS 3:17

“Mandac Dios” nishpaca, paipac Espiritutami ninchic. Maijanpish Mandac Diospac Espirituhuan cashpaca, huatashca shinamanta ña cacharirishcami can.

EFESIOS 1:13

Shinallatac cancunapish cashcata nic alli huillaita uyashpaca Cristota cricpimi, Taita Diosca pai cusha nishca paipac Espirituta cushpa, paipacllata ruhuashca.

EFESIOS 2:18

Jesucristomantami israelcuna cashpa, mana israelcuna cashpapish, Diospac Espiritullatac yuyachishca shina Taita Diospacman cuchuyanata pudinchic.

EFESIOS 4:30

Taita Diosca juchapi huatashca shinamanta cacharichishpa pushana punzhacamanmi, Diospaclla cashcata ricuchishpa causachun, ñucanchictaca paipac Espirituhuan unanchishpa ch'icanyachirca. Chaimanta millaita rimashpa ama Diospac Espirituta nanachichicchu.

EFESIOS 6:18

Diosman mañanataca ama saquichicchu. Diospac Espíritu yuyaita cushca shina Taita Diosmanca mañaraichic. Mana q'uillanachishpa chaparacuichic. Shinallatac Diospaclla cac tucui criccunamanta punzhanta Diosman mañaichic.

FILIPENSES 1:19

Cancuna ñucamanta Taita Diosman mañacushcamantapish, Jesucristopac Espíritu ñucata ayudashcamantapish, caimanta llucshina cashcata alli yachashpami, cashnaca cushicuni.

1 TESALONICENSES 4:8

Chashna cashcamanta pipish cai yachachishcacunata mana chasquicca, mana runallatachu mana chasquin, ashtahuanpish cancunaman paipac Espirituta cuc Taita Diostami mana chasquin.

1 PEDRO 1:11

Cristopac Espiritumi Diosmanta ñaupa huillaccunamanca Cristo llaquita apashpapish, q'uipaman sumacyachishca canataca utcashpa ña huillarca. Paicunahuan cac Cristopac Espíritu chashna yuyaita cucpimi, paicunaca ima punzha ima shina tucuna cashcata yachac chayanata munarcacuna.

SAN JUDAS 1:20

Ashtahuanpish c'uyashca criccuna, Diospaclla cachun cushca crinata allita c'atiraichic. Diosman mañashpapish, Diospac Espíritu yuyaita cushca shina mañaichic.

APOCALIPSIS 19:10

Shina nicpimi angelta alli ningapac paipac ñaupapi cungurircani. Chashna cunguricpica: —Ama chashna ruhuaichu. Ñucapish can shina Jesús huillashcata mana cungashpa c'atic, caishuc criccuna shinallatac Diospacta ruhuacmi cani. Taita Diostami alli nina cangui— nirca. Diosmanta huillaccunamanca Jesús huillashcacunami huillana yuyaita cun.