GÁLATAS 4:4 - Nuevo Testamento en Quichua Cañar 1996

⁴ Shina cacpipish cachana punzha pactacpimi, Taita Diosca shuc huarmimanta huacharichun paipac Churitaca cacharca. Paica Moisés mandashcacunataca tucuitami cazushpa causarca.

Dios Rimashcata Quillcashcami

⁴ Shina cacpipish cachana punzha pactacpimi, Diosca shuc huarmimanta huacharichun paipac Churitaca cacharca. Paica Moisés mandashcacunataca tucuitami cazushpa causarca.

GÁLATAS 4:4 Iomraidhean Croise

SAN MATEO 1:23

Pai huillashpaca: “Manarac c'arihuan chayarinacushca shuc solterami, huicsayuc tucushpa, shuc c'ari huahuata charinga. Chai huahuaca Emanuel shutimi canga” nishcami. (Emanuel nishpaca: “Dios ñucanchichuan” nisha ninmi).

SAN MATEO 3:15

Shina nicpi Jesusca: —Cunanca can bautizailla. Ñucanchicmanca Taita Dios munashcata pactachinami ashtahuan alli— nicpimi, Juanca bautizarca.

SAN MATEO 5:17

Ñucataca ‘Moisés mandashcacunata, shinallatac Diosmanta ñaupa huillaccuna huillashcacunata anchuchingapacmi shamushca’ nishpaca, ama yuyaichicchu, ashtahuanpish mandashcacunataca pactachingapacmi shamurcani.

MARCOS 1:15

Chashna huillacushpaca: —Cunanmi, chai alli huillai punzhaca chayamushca. Taita Diosca ñami mandagrin. Cancunaca juchayuc cashcamanta llaquirishpa, Taita Diosman cutirishpa, alli huillaita crichic— nirca.

SAN LUCAS 1:31

Canca huicsayuc tucushpa, shuc c'ari huahuatami charigringui. Chai huahuataca JESÚS shutitami shutichingui.

SAN LUCAS 1:35

Chashna nicpi, angelca cashnami nirca: —Jahua pachapi causac, imatapish ruhuaclla Diospac Espiritumi, cantaca p'uyu shina llandunga. Chaimanta can charishca huahuaca, ima jucha illacmi canga. Diospac Churi nishcapishmi canga.

SAN LUCAS 2:7

Pozana huasi mana pactashcamantami, paipac punta c'ari huahuataca huagracuna shayana ucullapi sajuarirca. Chai huahuataca maitushpa, ucsha jahuallapimi sirichirca.

SAN LUCAS 20:44

Davidllatac Cristotaca: ‘Ñucata Mandacmi’ nicpica, ¿ima shinatac Cristoca Davidpac aillupurallaca cangayari?— nirca.

SAN JUAN 1:14

Chai Rimashca Shimillatacmi runa tucushpa, yallita c'uyashpapish, Dios ima shina cashcata ricuchishpapish ñucanchichuan causangapac shamurca. Paitaca Taita Diospac shuclla Churi cashcatapish, pai sumac cashcatapish ricurcanchicmi.

SAN JUAN 10:36

Ashtahuanpish Taita Diosca ch'icanyachishpami, ñucataca cai pachaman cacharca. ¿Chashna cashca jahuachu ñucataca ‘Diospac Churimi cani’ nishcamanta cancunaca ‘Taita Diostami p'iñachicun’ ninguichic?

SAN JUAN 3:16

Taita Diosca cai pachapi causaccunata mai c'uyashpami, paipac shuclla Churita cai pachamanca cacharca. Pipish paita cricca ama chingarishpa huiñai causaita charichunmi, chashnaca cacharca.

SAN JUAN 6:38

Ñuca jahua pachamanta shamushpaca, mana ñuca munashcata ruhuangapac shamurcanichu, ashtahuanpish ñucata cachac Taita munashcata ruhuangapacmi shamurcani.

SAN JUAN 8:42

Shina nicpimi, Jesusca cashna nirca: —Taita Dios cancunapac taita cacpica, c'uyanguichicmanmi. Ñucaca Diosmanta shamushpami caipi cani. Mana ñuca munaimantachu shamurcani, ashtahuanpish Taita Diosmi cacharca.

HECHOS 1:7

Chashna nicpi Jesusca paicunataca: —Chashna tucuchunca, ñuca Taitallami pactachinga. Cancuna ima huata, ima punzha chashna tucuna cashcata yachachunca, Taita Diosca mana saquinchu.

ROMANOS 1:3

Cai alli huillaica Diospac Churi ñucanchicta Mandac Jesucristomantami huillacun. Runa tucungapacca ñaupa mandac Davidpac huahua huahuapuramantami huacharirca.

ROMANOS 15:8

Ñaupa taitacunaman cusha nishcata pactachingapac, shinallatac Dios imatapish pactachic cashcata ricuchunmi, israelcunata*f** servingapac Cristoca shamurca.

ROMANOS 5:6

Ñucanchic maita mana quishpiripac cacpimi, Taita Dios acllashca punzha pactacpi, Cristoca juchayuccunamanta huañurca.

ROMANOS 8:3

Taita Diosmi paipac shuclla Churita juchayuc gentecunapac randi runa tucushpa, llaquita apashpa, juchacunamanta Diosman cushca shina huañuchun cacharca. Moisés mandashcacunata gentecunapac munaillamanta mana pactachipac cacpimi, chashnaca ruhuarca. Chai shina ruhuashpami, gentecunapi tiyac juchataca tucui chingachirca.

ROMANOS 9:5

Paicunaca ñucanchic ñaupa taitacunapac huahua huahuacunami can. Paicunapuramantami Cristoca runa tucurca. Paitaca tucuita Mandac Dios cashcamantami huiñai huiñaita alli nina canchic.

EFESIOS 1:10

Taita Diosca cai cusha nishcataca pactana punzha chayacpimi pactachirca. Jahua pachapi, cai pachapi tiyac imacunatapish Cristo mandachunmi, tandachishpa chashnaca ruhuarca.

COLOSENSES 2:14

Juchata ruhuashcamanta ñucanchic quishpiringapac maita mana pagaipac cacpimi, Jesucristo cruzpi huañushcamanta Taita Diosca chai debitaca anchuchirca. Chai debitaca paganatacmi carcanchic.

1 TIMOTEO 2:6

Tucui gentecunata quishpichingaraicumi, paillatac japi tucushpa huañurca. Chashna huañushpami, Taita Dios munashca punzhacuna pactacpica, Dios quishpichic cashcata ricuchirca.

1 TIMOTEO 3:16

Pi mana yachashca, Taita Dios llaquishpa huillashcata ñucanchic crishcaca, tucuimanta yalli allimi: Apunchic Jesusca aichayuc tucushpami ricurirca. Diospac Espirituhuan cashcamanta tucuitami misharca. Shinallatac paitaca angelcunapish ricurcami. Mana israelcunamanpish*f** paillamantami paita c'aticcunaca huillashcacuna. Cai pachapica paitaca achcacunami crishcacuna. Jahua pachapipish paitaca alli nishpami chasquishca carca.

HEBREOS 2:14

Ima shinami shuc taita mamapac huahuacunaca shuc aichalla, shuc yahuarlla shina can, chai shinallatacmi Jesuspish ñucanchic shina aichayuc, yahuaryuc carca. Shina cashpami huañuiman apac diablotaca pai huañushpa chingachirca.

HEBREOS 9:10

Shina cacpica micunapish, ubianapish, Diospac ñaupapi alli ricuringapac maillarinapish, jahualla imata ruhuana cashcata ricuchicllami. Chaicunaca Dios shuc layata ruhuangacamanllami alli carca.

1 JUAN 4:14

Ñucanchicllatacmi Taita Dios cachashca paipac Churi cai pachapi causaccunata quishpichingapac shamushcataca ricurcanchic. Chaimantami huillanchic.

1 JUAN 4:2

Diospac Espirituhuan cashcataca cai shinami yachac chayanguichic: Maijanpish “Jesucristoca runa tucungapac shamushcami” nicmi, Diospac Espiritutaca charin.