FILEMÓN 1:22 - Nuevo Testamento en Quichua Cañar 1996

²² Cancuna Taita Diosman mañacushcamanta, “paica ñucata cutinllatac cancunapacman cachangami” nishpami shuyacuni. Chaimanta ñuca pozanatapish allichicungui nishpami mañani.

Dios Rimashcata Quillcashcami

²² Cancuna Diosta mañacushcamanta, “Diosca ñucata cutinllatac cancunapacman cachangami” nishpami shuyacuni. Chaimanta ñuca pozanatapish allichicungui nishpami mañani.

FILEMÓN 1:22 Iomraidhean Croise

HECHOS 27:24

‘Pablo, ama manchaichu. Canca Roma*f** llactata jatun mandac Cesarpacman*f** chayanatacmi cangui. Canmantami tucui canhuan riccunatapish huañuimanta quishpichisha’ nishpa huillachirca.

HECHOS 28:23

Chashna nishpaca, shuc punzha Pablo ima nishcata uyangapacmi yuyarinacurcacuna. Ña chai punzha chayamucpica, achcacunami Pablo imallata nicta uyangapacca, pai causacuc huasiman tandanacumurcacuna. Taita Dios mandacucmanta huillashpa Jesusta crichunmi, Moisés mandashcacunapi imalla nishcacunatapish, ñaupa huillaccunaman Taita Dios quillcachishcatapish tutamantamanta chishicaman huillarca.

ROMANOS 15:24

ñuca España llactaman rishpaca, ima shinapish cancunata ricuna yuyailla cani. Ña cancunahuan asha punzhacunata cushicushca q'uipaca, ñuca ricushcaman chayangapac ayudashpa abianacuchunmi munani.

2 CORINTIOS 1:11

Cancuna Taita Diosman mañashpa ayudacpimi, ñucanchictaca huacaichishpa c'atinga. Achcacuna ñucanchicmanta mañacpica, achcacunami Taita Dios allicunata ñucanchicman cushcamantaca paita alli ningacuna.

FILIPENSES 1:19

Cancuna ñucamanta Taita Diosman mañacushcamantapish, Jesucristopac Espíritu ñucata ayudashcamantapish, caimanta llucshina cashcata alli yachashpami, cashnaca cushicuni.

FILIPENSES 2:24

Ashtahuanpish Apunchic Jesuspac munai cacpica, ñucallatac cancunata ñalla ricugrina cashcatami yachani.

HEBREOS 13:19

Ashtahuancarin ñucaca cancunahuan cangapac utca cutimuchunca, Taita Diosman mañaichic ninimi.

HEBREOS 13:23

Jesusmanta ñucanchic huauqui Timoteo ña carcelmanta llucshishcata yachachunmi munani. Pai utca shamucpica, paihuanmi cancunata ricungapac shamusha.

SANTIAGO 5:16

Chaimanta alliyashca cangapacca, ima mana allita ruhuashcacunatapish caishuc chaishuc ama pacashpa huillanacuichic. Taita Dios alliyachichunpish, caishuc chaishucmanta Diosman mañaichic. Taita Diosman cashcata ruhuac mañacpica, imatapish pactachingallami.

2 JUAN 1:12

Cancunaman imata nina cashcataca achcatami charini. Chashna cacpipish cai quillcapica mana quillcashpa cachagrinichu, ashtahuanpish ñuca quiquinllatac rimashpami, cancunahuantac parlasha nini. Chashna parlashpami, ñucanchicca yallita cushicushun.

3 JUAN 1:14

Ashtahuanpish canhuan ñahui ñahui cangapacmi, utca shamusha nicuni. Chaipimi ashtahuan parlanacushun.