FILEMÓN 1:20 - Nuevo Testamento en Quichua Cañar 1996

²⁰ C'uyashca huauqui, Jesusta cric cashcamanta ñuca nishcacunata ruhuashpa cui. Chashna ruhuashpa ñuca shunguta cushichishpami, Apunchic Jesucristomanpish allita ruhuangui.

Dios Rimashcata Quillcashcami

²⁰ Cuyashca huauqui, Jesusta cric cashcamanta ñuca nishcacunata ruhuashpa cui. Chashna ruhuashpa ñuca shunguta cushichishpami, Apunchic Jesucristomanpish allita ruhuangui.

FILEMÓN 1:20 Iomraidhean Croise

1 CORINTIOS 16:18

Paicunami cancunata cushichic shinallatac, ñucatapish cushichircacuna. Chai shina ruhuac gentecunataca pagui nicunallami canchic.

2 CORINTIOS 2:2

Ñuca ricungapac rishpa cancunata llaquichicpica, tucui cancunami llaquilla tucunguichicman. Shina cacpica, ¿pitac ñucataca cushichingayari?

2 CORINTIOS 7:13

Tucui caicunaca ñucanchictaca cushichishcami. Shina cacpipish Tito cushicuita japishcata ricushpami, ashtahuan cushicunchic. Tucui cancunami ashtahuan c'atina yuyaita cushpa cushichishcanguichic.

FILIPENSES 1:8

Jesucristo c'uyac shinallatac, ñuca tucui shunguhuan cancunata c'uyacushcataca Taita Diosllatac yachanmi.

FILIPENSES 4:1

Shina cashcamanta c'uyashca criccuna, Apunchic Jesushuan shuc shinalla cashcamantaca, imapipish sinchi caichic. Cancunaca ñucata cushichiccunami canguichic. Shinallatac cancunamantami coronatapish japisha. Chaimantami c'uyashca criccuna, cancunata ricuna yuyailla cani.

FILEMÓN 1:12

Paitaca cambacllamantacmi cachani. Chaimanta ñucata chasquic shinallatac, paitaca chasquingui.

FILEMÓN 1:7

C'uyashca huauqui, cambac c'uyaihuanmi Diospaclla cac tucui criccunataca cushichishcangui. Chaimantami ñucapish cushicushpa, Diospacta ruhuana yuyailla cani.

HEBREOS 13:17

Cancunata pushaccunata cazuichic. Paicunaca Taita Diosman ima ruhuashcatapish ricuchina cashcamantami, mana samarishpa cancunataca ricuracun. Paicuna mana llaquirishpa, cushilla imatapish ruhuachunca, paicunahuanca alli caichic. Paicuna mana cushilla pushacpica, ima allita cancunaca mana japinguichicchu.

1 JUAN 3:17

Shina cacpica cai pachapi imalla tiyashcacunata charishpapish, shuc cric ima illaclla cashcata ricushpa mana llaquicca, ¿ima shinatac Diospac c'uyaitaca paipac shungupica charingayari?

3 JUAN 1:4

Ñuca huahuacuna cashcata nic huillashcata uyashpa alli c'aticucta yachashpami, tucuimanta yalli cushicuni.