FILEMÓN 1:17 - Nuevo Testamento en Quichua Cañar 1996

¹⁷ Jesusta crishcamanta shuc shinallami canchic. Chaimanta ñucata chasquic shinallatac, paitaca chasquingui.

Dios Rimashcata Quillcashcami

¹⁷ Jesusta crishcamanta shuclla cashcamantaca ñucata chasquic shinallatac, paitaca chasquingui.

FILEMÓN 1:17 Iomraidhean Croise

SAN MATEO 10:40

Maijanpish cancunata chasquicca, ñucatami chasquin. Shinallatac ñucata chasquicca, ñucata cachac Taita Diostami chasquin.

SAN MATEO 18:5

Maijanpish ñuca shutipi shuc huahuata chasquicca, cai huahuata shina ñucatami chasquin.

SAN MATEO 25:40

Shina nicpi ñucaca: ‘Tucui caicunata cai yangalla shina ñuca huauquicunaman ruhuashpaca, ñuca quiquinmanmi ruhuarcanguichic. Chaica chashnatacmi’ nishami.

HECHOS 16:15

Chaimantami paipac tucui familiandic bautizarishpa: —Apunchic Jesusta ñuca ña cric cashcata yachanguichicmi. Cunanca jacuchic, ñuca huasipi samaringuichic— nirca. Chashna nishpami, ñucanchictaca saquichirca.

2 CORINTIOS 8:23

Titoca ñucahuan pacta cancunapac allipac ruhuashpa puricmi. Shinallatac caishuc ishcai huauquicunaca, caipi chaipi cac tandanacushca criccuna acllashcacunami. Paicunaca Cristo alli nishca cachunmi ruhuacuncuna.

EFESIOS 3:6

Chai pi mana yachashcaca caimi: Quishpirinamanta alli huillaita uyashpa crishcamanta, mana israelcuna israelcunahuan pacta japina cashcata japingacunami. Paicunaca shuc cuerpo shina cashcamantami, Jesucristomanta Taita Dios cusha nishcataca chasquingacuna.

FILIPENSES 1:7

Tucui shunguhuan cancunata c'uyashcamantaca, ñuca cashna yuyanaca allillatacmi. Ñucaca prezu cashpapish, mandaccunapac ñaupapi cashpapish pipish ama yangapi churachunmi: “Quishpirinamanta alli huillaica, chaica chashnatacmari” nishpa huillani. Tucui cancunapish Taita Dios cushcamantami, ñuca shina alli huillaita huillacunguichic.

1 TIMOTEO 6:2

Shinallatac maijan servicpish, Jesusta cric amocunata servicushpaca, “cric amollami” nishpa mana cazuna yuyaita ama charichun yachachingui. Ashtahuanpish chai serviccunataca: “Cancuna c'uyashca cric huauquipacta ruhuacushcamantaca, ashtahuan alli cazunami cangui” nishpami, cunashpa yachachina cangui.

FILEMÓN 1:10

Ñuca caipi prezu cacpimi, Onesimoca Jesucristota crishpa ñuca huahua shina tucurca. Cunanca paita alli chasquichunmi mañani.

FILEMÓN 1:12

Paitaca cambacllamantacmi cachani. Chaimanta ñucata chasquic shinallatac, paitaca chasquingui.

FILEMÓN 1:18

Pai ima mana allita ruhuashca cacpi, imata canman manarac cutichishca cacpipish, ñucata ninguilla. Paimantaca ñucami ricusha.

HEBREOS 3:1

C'uyashca criccuna, cancunaca Diospaclla causachun c'ayashcacunami canguichic. Chashna cashcamanta ñucanchic crishca shina, Jesucristotaca Diosmanta huillac cashcata, shinallatac curacunata jatun mandac cura cashcata yuyashunchic.

HEBREOS 3:14

Ñucanchic callaripi c'aticushca shina, Cristopi shunguta churashpa tucuringacaman c'aticushpaca, Cristo japishca shinallatacmi ñucanchicpish japishun.

SANTIAGO 2:5

Ñuca c'uyashca criccuna, caita uyaichic: Taita Diosca cai pachapi imata mana chariccunataca, crishcahuan chayuc tucuchunmi acllarca. Dios maipi mandacucpi paita c'uyaccuna pai cusha nishcata japichunmi, chashnaca acllarca.

1 PEDRO 5:1

Cunanca cancunapuramanta tandanacushca criccunata pushaccunatami cunashpa rimasha nini. Ñucapish paicuna shinallatac pushacmi cani. Shinallatac Cristo ima shina llaquita apashcatapish ricushpa, huillacmi cani. Shuc punzha Cristo sumaimana ricuricpica, ñucapish chaipimi paihuan pacta casha.

1 JUAN 1:3

Ima shinami Taita Dioshuan, shinallatac paipac Churi Jesucristohuan shuc shinalla canchic, chai shinallatac ñucanchichuan shuc shinalla cachunmi uyashcatapish, ricushcatapish cancunamanca huillanchic.