EFESIOS 6:9 - Nuevo Testamento en Quichua Cañar 1996

⁹ Shinallatac amocunapish, cancunata serviccunahuanca alli caichic. Ama macasha nishpa manchachichicchu. Amocunapish, amopacta ruhuaccunapish jahua pacha Taita Dios mandashca causacushcataca yachanami canguichic. Paica pitapish “caica allimi, chaica mana allichu” mana ninchu.

Dios Rimashcata Quillcashcami

⁹ Shinallatac amocunapish, cancunata serviccunahuanca alli caichic. Ama macasha nishpa manchachichicchu. Amocunapish, amopacta ruhuaccunapish jahua pacha Apunchic Jesucristo causacushcataca yachanami canguichic. Paica pitapish “caica allimi, chaica mana allichu” mana ninchu.

EFESIOS 6:9 Iomraidhean Croise

SAN MATEO 22:10

Chashna cachacpi serviccunaca mai ñancunaman llucshishpa, pipish ricurictami alli cachun, mana alli cachun bodaman c'ayamurcacuna. Chashnami boda huasipica, gentecunaca jundarca.

SAN MATEO 22:8

Chai q'uipami jatun mandacca, paita serviccunataca: ‘Ñami bodaca tucui allichishca. C'ayashcacuna mana shamusha nishcamantaca, paicunallatacmi mana shamuipac cashcata ricuchincuna.

SAN MATEO 24:48

Ashtahuanpish mana alli cazuc servicca: ‘Ñuca amoca mana utca shamungachu’ yuyashpami,

SAN MATEO 24:51

Chashna cacpica, mishqui shimi jayac shungucunata shinallatacmi, huañucta macachishpa amoca llaquipi churanga. Chaipica huacaihuanmi quiru caniringacuna.

SAN MATEO 7:12

Chaimanta ima shinami shuccuna cancunaman allita ruhuachun ninguichic, chashnallatac cancunapish shuccunaman allita ruhuaichic. Chashna ruhuachunmi Moisés mandashcacunapipish, Diosmanta ñaupa huillaccuna quillcashpa huillashcapipish nicun.

SAN LUCAS 6:31

Ima shinami shuccuna cancunaman allita ruhuachun ninguichic, shinallatac cancunapish shuccunamanca allita ruhuaichic.

SAN JUAN 13:13

Cancuna ñucata ‘Yachachic’ shinallatac ‘Apunchic Jesús’ nishpaca, allitami ninguichic. Chaica chashnatacmi cani.

HECHOS 10:34

Chaimantami Pedro huillai callarishpaca: —Pi cashpapish Taita Diospac ñaupapica: ‘Caica allimi, chaica mana allichu’ ninaca mana alli cashcataca, cunanmi alli yachani.

ROMANOS 2:11

Taita Diosca pimanpish mana tucushpami, imata ruhuashcata ricushpa taripan.

1 CORINTIOS 1:2

Corinto pueblopi Diospaclla cac tandanacushca criccunamanmi, cai quillcataca quillcanchic. Cancunaca Jesucristohuan shuc shinalla tucushcamanta Diospaclla tucushpa, maipipish Apunchic Jesucristoman tucui mañaccunahuan pacta, pai Diospaclla cachun acllashpa c'ayashcacunami canguichic. Apunchic Jesucristoca tucui paicunapacpish, ñucanchicpacpish Mandacmi.

1 CORINTIOS 7:22

Maijan amoyuc cashca cashpapish, Apunchic Jesusta crishpaca, ña mana amoyucchu can, cunanca Apunchic Jesuspacta ruhuachun acllashcami. Shinallatac maijanpish mana amoyuc cashca cashpapish, cunanca Apunchic Jesuspacta ruhuachun c'ayashcami.

COLOSENSES 3:25

Maijanpish mana allita ruhuacca, pai mana allita ruhuashcamantaca mana allillatatacmi japinga. Taita Diosca pimanpish mana tucushpami taripanga.

COLOSENSES 4:1

Amocuna, cancunapish shuc Amota jahua pachapi charishcamanta, cancunapac serviccunamanca allita yuyarishpa, imatapish cashcata ruhuaichic.

SANTIAGO 2:13

Shuccunata mana llaquiccunataca, paicunatapish mana llaquishpami, Taita Diosca taripashpa llaquichinga. Ashtahuanpish shuccunata llaquiccunataca, taripana punzhapica alli ningami.

SANTIAGO 2:8

Tucuimanta yalli mandashcata pactachishpaca, allitami ruhuanguichic. Dios quillcachishcapica: “Can quiquinllatac ima shinami c'uyaringui, chai shinallatac shuccunatapish c'uyangui” ninmi.

SANTIAGO 5:4

Cancunapac allpapi granota tandashcamanta, tandaccuna japina cashcataca mana cushcanguichicchu. Paicunaca cancunataca ñacacuncunami. Chai ñacashcacunataca, imatapish ruhuaclla Taita Diosca uyashcami.