EFESIOS 6:23 - Nuevo Testamento en Quichua Cañar 1996

²³ Taita Diospish, Apunchic Jesucristopish tucui criccunaman sumac causaita, c'uyac canata, alli cric canata cushca cachun.

Dios Rimashcata Quillcashcami

²³ Diospish, Apunchic Jesucristopish tucui criccunaman sumac causaita, cuyac canata, alli cric canata cushca cachun.

EFESIOS 6:23 Iomraidhean Croise

SAN JUAN 14:27

Ñuca rishpaca, cancunamanca sumac cushicui causaitami saquini. Shina cashpapish, cai pachapi causac gentecuna cushca cushicui shinataca mana saquinichu. Cancunaca ama llaquirichicchu, shinallatac ama manchaichicchu.

ROMANOS 15:33

Sumac causaita cuc Taita Diosca tucui cancunahuan cachun. Chashna cachun.

1 CORINTIOS 1:3

Ñucanchic Taita Diospish, Apunchic Jesucristopish tucui cancunata mai c'uyashpa, sumac causaita cushca cachun.

2 CORINTIOS 13:11

Ña tucuchingapacca caitami nisha nini: Cushilla causashpa, punzhanta allichirishpa c'atichic. Caishuc chaishuc yuyachinacushpa, sumacta causaichic. Chashna causacpimi, sumac causaita cuc Taita Diosca cancunahuan canga.

GÁLATAS 5:6

Shina cashcamanta Jesucristohuan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta c'uyanacushpa causanami ashtahuan alli.

GÁLATAS 6:16

Cai ñuca nishca shina causaccunamanpish, Dios tucui acllashcacunamanpish Taita Dios llaquishpa, sumac causaita cushca cachun ninimi.

EFESIOS 6:24

Sumac mana chingaric c'uyaihuan ñucanchic Apunchic Jesucristota tucui c'uyaccunamanca, sumaimana c'uyaita Taita Diosca cushca cachun ninimi.

1 TESALONICENSES 5:8

Ashtahuanpish ñucanchicca punzhapi shina causacushcamantaca, alli yuyaihuanmi c'atina canchic. Fierro churanata churaric shinaca, Apunchic Jesusta crishpa, c'uyaihuan causanami canchic. Chashnallatac umapi fierro cascota churaric shinaca, quishpirina yuyaihuanmi cushicushpa shuyana canchic.

2 TESALONICENSES 1:3

C'uyashca criccuna, cancuna crishpa, ashtahuan sinchiyashpa c'aticushcamanta, shinallatac caishuc chaishuchuan ashtahuan c'uyanacushpa causacushcamantaca, Taita Diostaca pagui nina cacpitacmi pagui nicunchic.

2 TESALONICENSES 3:16

Sumac causaita cuc Apunchic Jesusllatac cancunapac tucui causaipipish, imapipish sumac causaita cushca cachun. Shinallatac Apunchic Jesusllatac tucui cancunahuan cashca cachun nishpami mañanchic.

1 TIMOTEO 1:14

Chashnami ñucanchic Apunchic Jesucristohuan shuc shinalla tucucpica, c'uyaitapish, crina yuyaitapish, ñucata yallita c'uyashcamanta Apunchic Jesucristoca curca.

1 TIMOTEO 1:3

Macedonia llactaman rishpa ñuca nishca shinallatac, Efeso pueblopi saquirishpa, canca chaipi pandata yachachiccuna ama yachachishpa, shinallatac chai yachanacunataca

1 TIMOTEO 5:8

Maijanpish quiquin aillucunapurata, ashtahuancarin quiquin huasi ucupi caccunata mana llaquicca, crishcata saquishpa, mana cric gentecunata yallimi tucun.

1 PEDRO 5:14

Caishuc chaishuc chuya shunguhuan muchashpa, “allilla cashca cachun” ninacuichic. Apunchic Jesushuan shuc shinalla tucushcacunaca, tucui mashna sumac causaita charishca canguichicman.

3 JUAN 1:14

Ashtahuanpish canhuan ñahui ñahui cangapacmi, utca shamusha nicuni. Chaipimi ashtahuan parlanacushun.

APOCALIPSIS 1:4

Ñucaca Juanmi cani. Ñucami Asia llactapi cac canchis pueblopi tandanacushca criccunaman quillcani. Taita Dios cancunata mai c'uyashpa sumac causaita cuchunmi munani. Paica sarunpish, cunanpish, shinallatac shamucpish paillatacmi can. Shinallatac Diospac mandashpa tiyarina ñaupapi cac canchis Espiritupish allicunata cancunaman cuchunmi munani.