EFESIOS 5:10 - Nuevo Testamento en Quichua Cañar 1996

¹⁰ Cancunaca punzhantami Apunchic Jesús munashca shina causanata yuyana canguichic.

Dios Rimashcata Quillcashcami

¹⁰ Cancunaca Apunchic Jesús munashca shina causanatami yuyana canguichic.

EFESIOS 5:10 Iomraidhean Croise

ROMANOS 14:18

Chai shina ruhuashpa, Cristopacta ruhuacmi Taita Diostapish cushichin, shinallatac runacunapacpish alli nishca can.

FILIPENSES 1:10

Chashna cashpami imapish allicunallata acllashpa, chaicunata ruhuashpa, Cristo cutimuna punzhapica mana juchanchishca canguichic.

FILIPENSES 4:18

Cancuna Epafroditoman mingashpa ñucaman cuchun cachashcataca, tucuitami chasquircani. Cunan chaihuancarin, tucui imapacpish yalli yallitami charini. Cancuna ñucaman cushcacunaca Diosmanca mishquilla ashnacuc shinami ricurin. Chaitami Taita Diosca cushicushpa chasquin.

COLOSENSES 1:10

Diosman mañacunchic. Chai shina yachacushpami, Jesucristopacta ruhuaccuna ima shina causana cashca shina causashpa, punzhanta Diostaca cushichinguichic. Chashnami grano alli p'ucuc shina, tucui imapipish allita ruhuashpa, Diosmantapish allita yachacunguichic.

1 TESALONICENSES 5:21

Alli cashcata, mana alli cashcataca alli yuyarichic. Alli cashcataca yuyarirashca, huacaichishpa causaichic.

1 TIMOTEO 2:3

Chashna mañashpami allita ruhuanchic, shinallatac ñucanchicta Quishpichic Taita Diostapish cushichinchic.

1 TIMOTEO 5:4

Ashtahuanpish maijan viudapish huahuacunata, nietocunata charicpica, chai huahuacunatarac paicunata ima shina taita mama huiñachishcata yuyarishpa, mamata ayudachun nishpa yachachingui. Chaimi alli, shinallatac Taita Diospish chaitami munan.

HEBREOS 12:28

Dios cushca maipi mandacucca, mana cuyuchipacchu. Chaimanta manchaihuan, pai munashca shina tucui shunguhuan pagui nishpa, alli nishunchic. Paica chaitami munan.

1 PEDRO 2:20

Cancuna ima mana allita ruhuashcamanta llaquichicpi, mana p'iñarishpa, llaquita apashpaca, ¿ima allitatac japinguichicyari? Allita ruhuashcamanta llaquichicpi, mana p'iñarishpa, llaquita apashpami, Diostaca cushichinguichic.

1 PEDRO 2:5

Chashna chayaricpimi, Taita Dios causana huasipica causac rumicuna shinata, shinallatac Diospaclla cac curacunata Diosca ruhuanga. Jesucristomantami Diospac Espíritu yuyaita cucpi cancuna cushcaca, mishquilla ashnacuc shina cachun chashnaca ruhuanga.