EFESIOS 5:1 - Nuevo Testamento en Quichua Cañar 1996

¹ Cancunaca ña Diospac c'uyashca huahuacuna cashcamantaca, pai shina canata yuyaichic.

Dios Rimashcata Quillcashcami

¹ Cancunaca ña Diospac cuyashca huahuacuna cashcamantaca, pai shina canata yuyaichic.

EFESIOS 5:1 Iomraidhean Croise

SAN MATEO 5:45

Chashna cashpami, cancunaca jahua pachapi cac Taita Diospac huahuacuna canguichic. Paica allicunaman, mana allicunaman, shinallatac paita cazuccunaman, mana cazuccunamanpish intitapish, tamiatapish cachanllami.

SAN MATEO 5:48

Jahua pachapi tiyac cancunapac Taita Dios ima shinami allitac can, chashnallatac cancunapish allitac caichic.

SAN JUAN 1:12

Shina mana chasquicpipish, maijanlla paita crishpa chasquiccunataca, Diospac huahuacuna tucuchunmi chasquin.

EFESIOS 4:32

Caishuc chaishuchuan c'uyac shunguhuan apanacushpa alli causaichic. Taita Dios cancunataca Jesucristomanta juchacunata perdonashca shina, caishuc chaishuc perdonanacuichic.

FILIPENSES 2:15

Chashna ruhuashpami, cai pacha mana cric millai gentecunapac chaupipica, Diospac huahuacuna cashcamanta mana pi juchanchishca, allita ruhuac, achicyachic lucerocuna shina canguichic.

COLOSENSES 3:12

Taita Diosca cancunata c'uyashpami, paipaclla cachun acllarca. Chaimantami mushuc churanata churaric shina, shungumanta llaquishpa, c'uyashpa, mana jatun tucushpa, mana p'iñarishpa, shinallatac c'uyac shunguhuan causana canguichic.

1 JUAN 4:11

C'uyashca criccuna, ima shinami Taita Diospish ñucanchicta c'uyan, chai shinallatac ñucanchicpish caishuc chaishuchuan c'uyanacunami canchic.