EFESIOS 4:25 - Nuevo Testamento en Quichua Cañar 1996

²⁵ Tucui criccuna shuc shinalla cashcamantaca ña ama ashtahuan llullashpa, caishuc chaishuchuan imapish cashcallatac nichic.

Dios Rimashcata Quillcashcami

²⁵ Tucui criccuna shuc shinalla cashcamantaca ña ama ashtahuan llullashpa, caishuc chaishuc-huan imapish cashcallatac nichic.

EFESIOS 4:25 Iomraidhean Croise

SAN JUAN 8:44

Cancunapac taitaca diablomi. Cancunaca pai shinami canguichic. Pai shina cashpami, pai munashcata ruhuashun ninguichic. Callarimanta pachami diabloca huañuchic cashca. Paica imapish cashcata ruhuana munaitaca jaicapi mana charishcachu. Shina cashpami, paica cai pachapipish llullacunlla. Paica llullanata callarichic cashcamantami, llullapac taitaca can. Pai llullashpaca, pai ima shina cashca shinallatacmi llullan.

ROMANOS 12:5

Chai shinallatac ñucanchicca taucacuna cashpapish, Cristohuan shuc shinalla tucushcamantaca caishuc chaishuc shuc cuerpo shinallami canchic.

1 CORINTIOS 10:17

Taucacuna cashpapish, tucuimi chai tandallatatac micunchic. Chai shina cashcamantami tucui criccuna shuc cuerpo shina canchic.

2 CORINTIOS 7:14

Cancunamantaca “allicunami” nishpami utcaman Titomanca ña parlarcani. Chaica chashnatacmi cashca. Ñucanchicca ima shinami cancunaman cashcatatac parlarcanchic, chashnallatacmi “allicunami” nishpa, Titoman parlashcaca chai shinatac pactashca.

EFESIOS 4:15

Chaipac randica imapish cashcata huillashpa, caishuc chaishuchuan c'uyanacushpami, Cristohuan shuc shinalla causana yuyailla cana canchic. Cristoca tandanacushca criccunapac uma shinami.

EFESIOS 4:22

Chaimanta cancunaca ñaupa ima shina causacushcataca saquishpami, chai ñaupa mana alli yuyaicunata mana yuyana canguichic. Chai yuyaicunaca cancunata pandachishpa, mana allillata ruhuachishpami, ismuchic shina tucuchicurca.

EFESIOS 4:31

Chaimanta shungu ucullapi p'iñashca canata, imapish llaquichinata, pitapish p'iñanata, c'amishpa rimanata, rimashpa caparinata, shinallatac tucui mana allicunataca saquichic.

EFESIOS 5:30

Tandanacushca criccunaca Jesucristopac cuerpo shinami. Chaimanta ñucanchicpish Jesucristopac cuerpo shinallami canchic.

COLOSENSES 3:8

Ashtahuanpish cunanca p'iñanacunata, mana allita ruhuana yuyailla purinata, millai canata, c'aminata, shinallatac maipish cachun rimanata saquinami canguichic.

COLOSENSES 3:9

Jucha munashcata ruhuashpa, ñaupa ima shina causacushcata saquishcamantaca, mana caishuc chaishuchuan llullanacunachu canguichic.

1 TIMOTEO 1:10

manapish quiquin huarmihuan, manapish quiquin cusahuan chayariccunata, c'aripurallatac huarmipurallatac chayarishpa causaccunata, genteta shuhuaccunata, llullaccunata, llullashpapish mana llullanichu niccunata, shinallatac tucui alli yachachishcacunata mana cazuccunata llaquichichunmi, Taita Diosca mandashcacunataca curca.

1 TIMOTEO 4:2

Chashna yachachiccunaca mishqui shimi, jayac shungu llullaccunami. Shinallatac paicunapac shungupi diablo unanchishcamantaca, ima allita ruhuana yuyaitapish mana charincunachu. Paicuna nishcatami gentecunaca uyancuna.

TITO 1:12

Creta llactapi causaccunapuramanta shuc yachachicca: “Cretapi causaccunaca llullaccunallami. Sachapi causac animalcuna shinami. Imata mana ruhuasha nishpa, micunallata munancuna” nirca.

TITO 1:2

Chai cashcata nic huillashcaca, cai pacha manarac tiyacpi cashcata nic Taita Dios cusha nishca, ñucanchic cushicushpa shuyacushca huiñai causaimantapish huillanmi.

HEBREOS 12:1

Shina cashcamanta ñucanchic muyundicpi Diosta alli crishcata ricuchiccuna p'uyu shina achcacuna tiyashcamantaca, ima jarcaccunatapish, pandachic juchacunatapish saquishpa, ñucanchic chayana cashcamanca mana shaicushpa rishunchiclla.

SANTIAGO 1:21

Chashna cashcamanta imapish mana alli mapa causacushcamanta, shinallatac tucui mana allicunamantapish anchurichic. Cancunapac shungupi tarpushca alli huillaitaca c'uyac shunguhuan chasquichic. Chai alli huillaimi cancunataca quishpichinata pudin.

1 PEDRO 2:1

Shina cashcamanta tucui laya millaicunatapish, llullashpa crichinatapish, shuccuna ama charichun munanatapish, mishqui shimi canatapish, shinallatac tucui laya mana allita parlanacunatapish saquichic.

APOCALIPSIS 21:8

Ashtahuanpish manchaccunaca, mana criccunaca, yalli millaicunaca, huañuchiccunaca, huaclliriccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapi shitashcami canga. Chaica q'uipa huañuimi canga— nirca.

APOCALIPSIS 22:15

Shina cacpipish mana allita ruhuaccunaca, brujiaccunaca, huaclliriccunaca, huañuchiccunaca, ruhuashcalla dioscunata adoraccunaca, shinallatac llullanata munashcamanta llullashpa causaccunaca canzhapimi saquiringa.