EFESIOS 4:22 - Nuevo Testamento en Quichua Cañar 1996

²² Chaimanta cancunaca ñaupa ima shina causacushcataca saquishpami, chai ñaupa mana alli yuyaicunata mana yuyana canguichic. Chai yuyaicunaca cancunata pandachishpa, mana allillata ruhuachishpami, ismuchic shina tucuchicurca.

Dios Rimashcata Quillcashcami

²² Chaimantami cancunaca ñaupa ima shina causacushcataca saquina canguichic. Chai yuyaicunaca cancunata pandachishpa, mana allillata ruhuachishpami, ismuchic shina tucuchicurca.

EFESIOS 4:22 Iomraidhean Croise

ROMANOS 6:6

Ñaupa ñucanchic ima shina causashcaca, Cristohuan chacatarishca shina cashcataca yachanchicmi. Chashnaca ñucanchicpi tiyac juchacuna ama mandashpa c'atichunmi, chai juchacunataca chingachishpa, Cristohuan chacatarishca shina canchic.

ROMANOS 7:11

Mandashcacuna tiyashcamantami juchaca ñuca yuyaipi yaicushpa, mana allita ruhuachishpa pandachirca. Juchaca chai mandashcacunahuanmi, ñucataca huañushca shinata ruhuarca.

2 CORINTIOS 11:3

Shina cashpapish ima shinami culebra paipac yachac tucushca cashcahuan Eva huarmita umashpa crichirca, chashnallatac cancunamantapish Cristota tucui shunguhuan c'atina yuyaicunata anchuchishpa, chingachinatami manchani.

GÁLATAS 1:13

Ñuca ñaupaman israelcuna*f** yachachishcata c'aticushpaca, Diospaclla tandanacushca criccunata yallita llaquichishpa, ima shinapish tucuchina yuyaihuan puricushcataca cancunallatac uyashcanguichicmi.

EFESIOS 2:3

Shinallatacmi tucui ñucanchicpish ñaupaca quiquin munaita ruhuashpa, cai pacha jucha munashcallata, ñucanchic yuyashcallata c'atishpa causarcanchic. Chashna quiquin munashcata c'atishpa juchata ruhuashcamantami, caishuc mana allita ruhuaccuna shinallatac ñucanchicpish Dios llaquichishca cana carcanchic.

EFESIOS 4:17

Apunchic Jesusmantami cancunamanca caicunata mingani. Chai yanga, quiquin munaillata ruhuashpa Diosta mana ricsiccuna shinaca, ña ama causaichicchu.

EFESIOS 4:25

Tucui criccuna shuc shinalla cashcamantaca ña ama ashtahuan llullashpa, caishuc chaishuchuan imapish cashcallatac nichic.

EFESIOS 4:31

Chaimanta shungu ucullapi p'iñashca canata, imapish llaquichinata, pitapish p'iñanata, c'amishpa rimanata, rimashpa caparinata, shinallatac tucui mana allicunataca saquichic.

COLOSENSES 2:11

Cancunaca Jesucristohuan shuc shinalla tucushcamantaca, mana gentecunalla circuncisionta*f** ruhuashca shinachu canguichic, ashtahuanpish cai pacha jucha munashcata mana ruhuangapacmi, Cristota crishcamanta circuncisionta ruhuashca shina canguichic.

TITO 3:3

Ñaupaca ñucanchicpish Diosta mana cazuc, yuyai illac, juchapi chingarishca, ñucanchic munaillata ruhuashpa cushicuna yuyaillapi huatashca shinami causacurcanchic. Chashna mana allillapi causacushpami, shuccuna ama charichun munashpa, caishuc chaishuchuan p'iñanacushpa causacurcanchic.

HEBREOS 12:1

Shina cashcamanta ñucanchic muyundicpi Diosta alli crishcata ricuchiccuna p'uyu shina achcacuna tiyashcamantaca, ima jarcaccunatapish, pandachic juchacunatapish saquishpa, ñucanchic chayana cashcamanca mana shaicushpa rishunchiclla.

HEBREOS 3:13

Chaipac randica Dios quillcachishcapi nishca shina, cunan causacushparac punzhanta caishuc chaishuc yuyachinacushpa, cancunapac shungu rumiyashca shina tucuchunpish, juchapi pandarichunpish ama saquinguichicchu.

SANTIAGO 1:21

Chashna cashcamanta imapish mana alli mapa causacushcamanta, shinallatac tucui mana allicunamantapish anchurichic. Cancunapac shungupi tarpushca alli huillaitaca c'uyac shunguhuan chasquichic. Chai alli huillaimi cancunataca quishpichinata pudin.

SANTIAGO 1:26

Maijanpish “ñucaca alli cricmi cani” nishpapish, paipac c'alluta mana jarcaricca paillatacmi pandaricun. Shinallatac pai “alli cricmi cani” nishcapish, yangallami can.

1 PEDRO 1:18

Caitaca cancunallatac alli yuyarichic: Taita Diosca cancunataca cancunapac ñaupa taitacuna causashca shina yangalla yuyaicunahuan causacuctami quishpichirca. Cancunaca mana curihuan, cullquihuan, imapish chingarinallahuan randishcachu canguichic,

1 PEDRO 4:3

Cancunaca tauca huatacunatami Diosta mana ricsiccuna shina, mana allicunallata ruhuashpa, imapish mapa munaicunata ruhuashpa, jatun micuicunata micushpa, machashpa, shinallatac millanayai ruhuashcalla dioscunata adorashpa, mana allita ruhuashpa causarcanguichic.

2 PEDRO 2:13

Chashnami shuccunata llaquichishcamantaca, paicunapish llaquita apangacuna. Paicuna imapish mapa, mana allicunata punzha pacha ruhuashpaca, “allitami ruhuanchic” nishpami cushicuncuna. Cancunahuan cangapac tandanacuicunaman rishpaca, imapish quiquin munashcata ruhuashpami, pingaipac mapata ruhuancuna. Chai shina ruhuashpaca, cancunata umashpami cushicuc tucuncuna.

2 PEDRO 2:7

Shina cashpapish Lotllatami quishpichirca. Lotca millaita ruhuashpa causac gentecunata ricushpaca, llaquirishpami cashcata ruhuashpa causac carca.