EFESIOS 4:18 - Nuevo Testamento en Quichua Cañar 1996

¹⁸ Paicunaca amsa yuyaillata charishpami, mana alli yuyaita japincuna. Paicunaca Diosmanta shamuc mushuc causaitaca, yuyai illac rumi shungu cashcamantami mana chasquincuna.

Dios Rimashcata Quillcashcami

¹⁸ Paicunaca amsa yuyaillata charishpami, mana alli yuyaita japincuna. Diosmanta shamuc mushuc causaitaca, yuyai illac rumi shungu cashcamantami mana chasquincuna.

EFESIOS 4:18 Iomraidhean Croise

SAN MATEO 13:15

Cai gentecunapac shunguca, rumi shina sinchimi tucushca. Chashna cacpimi paicunapac rinrica tapashca shina, ñahuipish huichcashca shina tucushca. Paicunaca ñahuihuan ricushpapish, rinrihuan uyashpapish, shunguhuan yuyarishpapish, ñucapacman ama cutirichun, shinallatac ñuca ama alliyachichun chashnaca tucushca’ nishcami.

MARCOS 3:5

Shina upalla saquiricpimi, paicunata muyundicta p'iñaihuan ricushpa, paicuna sinchi shungu cashcamanta Jesusca munai llaquirirca. Shina llaquirishpami, chai maqui chaquishca runataca: —Maquita chutai— nirca. Shina chutacpica, chai runapac maquica alli tucurcallami.

SAN JUAN 12:40

“Paicunapac ñahuitaca ama ricuchun nishpami huichcashca shinata ruhuashca. Paicunapac shungutapish sinchiyachishcami. Ñahuicunatapish ama ricuchun nishpami, chashnaca ruhuashca. Chashna ruhuashpaca paicunapac shungupish sinchiyashpa, ama yuyaita japishpa ñucapacman ama cutirichun, shinallatac ñuca ama paicunata alliyachichunmi, chashnaca ruhuashca” nishcami.

HECHOS 17:30

Cai pachapi causaccunaca Taita Diosta mana ricsishcamanta paicunapac munaita ruhuashpa causacucpipish, Taita Diosca cunancamanca mana llaquichishcachu. Cunanca tucui cai pachapi causaccuna juchayuc cashcamanta llaquirishpa, paipacman cutirichun nishpami mandacun.

HECHOS 3:17

Caipi cac tucui Israel*f** huauquicuna. Cancunapish, cancunata mandaccunapish mana yachashpa, Jesusta huañuchishcatami yachani.

ROMANOS 1:28

Paicunallatac Diosmanta yachanata mana munacpimi, manapish caipaccunata ruhuachun paicunapac yuyaipi millai munaicuna junda cachun Taita Diosca saquishca.

ROMANOS 11:25

Ñuca c'uyashca criccuna, cancuna ama yachac tucushca cachunmi, manarac piman Dios yachachishcata huillani: Mashnalla crina cac mana israelcuna cringacamanmi, maijan israelcunaca*f** sinchi shungu tucushca.

ROMANOS 11:7

Shinashpaca, ¿imatatac nishun? Israelcunaca paicuna japingapac munacushcataca mana japircacunachu. Shina cacpipish, Dios acllashcacunallami japircacuna. Shuccunaca rumi shungumi tucurcacuna.

ROMANOS 2:19

Canca: “Ñahui mana ricuccunata pushangapacpish, amsapi puriccunata achicman apangapacpish allimi cani” nicunguimi.

1 CORINTIOS 1:21

Tucuita yachac Taita Diosca, paicuna yuyashca shina paita ricsichunca mana saquinchu. Quishpirinamanta alli huillai pucllashca shina cacpipish, Taita Diosca maijanpish paita criccunataca pai c'uyashcallamantami cai huillashcahuan quishpichisha nicun.

1 CORINTIOS 2:8

Chaita mana yachashcamantami, cai pacha mandaccunaca Apunchic Jesustaca chacatarcacuna. Paicuna yachashca cashpaca, sumaimana Apunchic Jesustaca mana chacatanmanchu carcacuna.

2 CORINTIOS 3:14

Shina cacpipish israelcunaca mana entendircacunachu. Shinallatac ñaupaman Dios ari ninacushcataca cunan punzhacamanmi paicuna rizashpapish, paicunapac yuyai pañuhuan jarcashca shina cacpi, mana entendincuna. Chai jarcashca pañutaca Jesucristollami anchuchinga.

2 CORINTIOS 4:4

Ashtahuanpish paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca*f** amsayachishpa charicun.

GÁLATAS 4:8

Cancunaca Taita Diosta ñaupaman mana ricsishcamantami, manapish dioscunata cazushpa huatashca shina carcanguichic.

EFESIOS 2:1

Ñaupaca Diosta mana cazushpa, juchata ruhuashpa causacushcamantami, cancunaca huañushca shina carcanguichic.

EFESIOS 2:12

Ñaupa mana Cristohuan cashpami, israelcunamanta ch'icanyachishca carcanguichic. Chaimantami Dios c'uyashpa ari nishcatapish, pai cusha nishcatapish mana charircanguichic. Chashnami cai pachapica Diostapish, imata shuyanatapish mana charishpa causarcanguichic.

COLOSENSES 1:21

Cancunaca ñaupaca mana allita ruhuashcamantami, Diosmanta caruyashpa, cancunapac shungupica Diosta p'iñaccuna carcanguichic.

1 TESALONICENSES 4:5

Diosta mana cazuccuna shina mapa yuyaicunahuan, mana alli munaicunallahuan ama causaichicchu ninmi.

HEBREOS 5:2

Curacunapish juchapi urmanalla cashcamantami, caishuc mana yachac chingarishca shina gentecunamantaca llaquinga.

HEBREOS 9:7

Ashtahuanpish chai yaicushcalla ucumanta, q'uipa ucumanca curacunata jatun mandac curallami huatapi shuc cutinlla yaicuc carca. Chaiman yaicushpaca, pai quiquinpac juchamantapish, imatapish mana yachashpa gentecuna juchallishcamantapish, Diosman cungapac animalcunata huañuchishca yahuartami apashpa yaicuc carca.

SANTIAGO 4:4

¡Aij, Diosta mana cazuc gentecunalla! Cai pachapaclla caccunata c'uyacca, Taita Diostaca p'iñanmi. Chaitaca, ¿manachu yachanguichic? Maijanpish cai pachapaclla caccunata c'uyasha niccunaca, Taita Diosta p'iñaccunami tucun.

1 PEDRO 1:14

Alli cazuc huahuacuna shina, Diosta cazuichic. Diosta manarac ricsic cashpa, jucha munashca shina causanataca ama munaichicchu.

1 JUAN 2:11

Ashtahuanpish criccunata maijanpish p'iñacca amsapimi puricun, shinallatac amsallapitacmi causacun. Chashna cashcamantami chai amsallatac ñahuita mana ricucta ruhuacpi, maiman ricushcatapish mana yachashpa causacun.