EFESIOS 4:12 - Nuevo Testamento en Quichua Cañar 1996

¹² Tucui paipaclla caccunataca paipacta ruhuashpa, Cristopac cuerpo shina tandanacushca criccuna ashtahuan sinchi cachunmi, chashnaca acllarca.

Dios Rimashcata Quillcashcami

¹² Chashna ruhuashpaca, Dios acllashcacuna paipacta ruhuachun, Cristopac cuerpo shina tandanacushca criccunata ashtahuan sinchiyachichun,

EFESIOS 4:12 Iomraidhean Croise

SAN LUCAS 22:32

Chashna cacpipish ‘ña mana c'atishachu’ ama nichunca, ñucaca canmanta Taita Diosman mañarcanimi. Can llaquirishpa, Taita Diosman cutirishpaca, caishuc ñucata c'aticcunamanpish ñucata c'atichun alli yuyaita cungui— nirca.

HECHOS 1:17

Judasca ñucanchicpuramantami carca. Paipish Jesusmanta huillagrichun, ñucanchicta acllashca shinallatac acllashcami carca.

HECHOS 1:25

Maijanta can acllacpipish, ñucanchichuan canmanta huillachunmi munanchic. Judasca millaita ruhuashcamantami, canmanta huillanata saquishpa huañushpaca, llaqui tucurca” nircacuna.

HECHOS 11:23

Bernabé chaiman chayashpaca, Taita Diosca mai c'uyashpa, quishpichishcata ricushpaca cushicurcami. Paica tucui criccunatami: “Apunchic Jesusllata tucui shunguhuan alli cazunguichic” nishpa cunarca.

HECHOS 20:24

Chashna llaquichishpa huañuchina cacpipish, ñucaca mana llaquirinichu, ashtahuancarin Taita Dios mai c'uyac cashcata Apunchic Jesús huillachun nishcataca, huañuna punzhacaman cushicushpa pactachinatacmi cani.

HECHOS 20:28

Apunchic Jesusca paipac yahuarta jichashpa huañushpami, criccunataca randirca. Chashna cashcamanta cancunallatac alli yuyaihuan, tucui tandanacushca criccunata ricunguichic. Paicunata alli ricuchunmi, Diospac Espirituca cancunata michic shina cachun churarca.

HECHOS 9:31

Chaimantami Judea llactapi, Galilea llactapi, Samaria llactapi causac tucui criccunaca alli sumacta causarcacuna. Paicunaca Mandac Diosta manchashpa, ashtahuan sinchi criccunami tucurcacuna. Shinallatac Diospac Espíritu pushacushcamanta, ashtahuanmi achca criccuna tucurca.

ROMANOS 12:5

Chai shinallatac ñucanchicca taucacuna cashpapish, Cristohuan shuc shinalla tucushcamantaca caishuc chaishuc shuc cuerpo shinallami canchic.

ROMANOS 12:7

Shuccunata servic canata cushca cacpica, alli servicmi cana can. Yachachic canata cushca cacpica, alli yachachicmi cana can.

ROMANOS 14:19

Chashna cashcamanta caishuc chaishuc ima shina sumacta causanatapish, ima shina ashtahuan ayudanacunatapish munashunchic. Ayudanacushpa, Jesusta alli ningapacca imapipish mana p'iñanacunallata munashunchic.

ROMANOS 15:14

Ñuca c'uyashca criccuna, cancunaca yallita c'uyac shungu cashcata, tucuita alli yachac cashcata, shinallatac caishuc chaishucta cunac cashcatami yachani.

ROMANOS 15:2

Tucui ñucanchicmi shuctac criccuna crishpa c'atichun, paicunapac allipac allita ruhuana canchic.

ROMANOS 15:29

Ñuca cancunapacman ricpi, Cristo yallita imatapish cuna cashcataca allitami yachani.

1 CORINTIOS 12:27

Cancunaca Cristopac cuerpo shina cashpami, ch'ican ch'ican partecuna canguichic.

1 CORINTIOS 12:7

Tucuipac allipacmi, Taita Diosca tucui ñucanchicman allicunata ruhuachishpa, paipac Espíritu ñucanchic shungupi cashcata ricuchicun.

1 CORINTIOS 14:12

Diospac Espíritu imata ruhuac cachun cushcacunata charisha nicushpaca, tandanacushca criccuna alli c'atichunmi, ayudanata ashtahuan munana canguichic.

1 CORINTIOS 14:14

Jaicapi mana uyashca rimaipi Taita Diosman ñuca mañashpaca, ñuca espirituhuan mañacushcatami yachani. Shina cacpipish ñuca yuyaipica, imata mana entendinichu.

1 CORINTIOS 14:26

C'uyashca criccuna, tucui caicunamanta nishpaca, cancuna tandanacushpaca, shuccunaca salmocunata cantanguichicmi, shuccunaca yachachinguichicmi, shuccunaca Dios ima nishcata huillanguichicmi, shuccunaca jaicapi mana uyashca rimaicunata rimanguichicmi, shuccunaca chai rimai imata nisha nicushcata huillanguichicmi. Shina cashpapish criccuna ashtahuan Jesusta c'atishpa sinchiyachunmi, tucui caicunata ruhuana canguichic.

2 CORINTIOS 12:19

Ñucanchic cancunata ima mana allita ruhuashcamanta “allipi llucshingaraicumi chashnaca nicun” ninguichicchari. ¡Mana chashnachu! Ashtahuanpish ñucanchicca Taita Diospac ñaupapi, shinallatac Jesucristopac acllashcacuna cashcamantami chashnaca ninchic. C'uyashca criccuna, imatapish ruhuashpaca, tandanacushca criccuna sinchiyashpa c'atichunmi chashnaca ruhuanchic.

2 CORINTIOS 13:11

Ña tucuchingapacca caitami nisha nini: Cushilla causashpa, punzhanta allichirishpa c'atichic. Caishuc chaishuc yuyachinacushpa, sumacta causaichic. Chashna causacpimi, sumac causaita cuc Taita Diosca cancunahuan canga.

2 CORINTIOS 13:9

Chaimanta ñucata “shina shinalla cricmi” nicucpipish, cancuna ashtahuan sinchi criccuna cacpimi cushicuni. Cancuna Cristota c'atishpa, ashtahuan sinchiyangacamanmi, Taita Diosman mañashpa c'aticushalla.

2 CORINTIOS 3:8

Chashna cacpica, ¡Diospac Espiritumanta mushuc ari ninacuita huillashcacarin, chaita yallimi mai sumaimana canga!

2 CORINTIOS 4:1

Chaimantami Taita Dios llaquishpa cai ruhuanata ñucanchicman mingashcamantaca, saquishalla nicushpapish, mana saquishpa ruhuacunchiclla.

2 CORINTIOS 5:18

Tucui caicunataca Taita Diosmi ruhuarca. Diosca Cristomanta ñucanchichuan alli tucushpami, ñucanchictaca gentecuna paihuan alli tucuchun nishpa, huillaccuna cachun mingarca.

2 CORINTIOS 6:3

Ñucanchic ima ruhuashcacuna pipacpish mana allichu nishca ama cachunca, pimanpish ima mana allita ruhuashpa mana ricuchicunchicchu.

2 CORINTIOS 7:1

Caicunami Dios ñucanchicman allicunata cushami nishcacunaca. Shina cashcamanta c'uyashca criccuna, cuerpotapish, almatapish tucui imapish mapayachinamantaca huacaichirishpa, chuya cashunchic. Shinallatac Taita Diosta manchashpa, paipaclla tucushpa causanata yuyailla cashunchic.

EFESIOS 1:23

Shina cacpica, tandanacushca criccunaca Cristopac cuerpo shinami can. Criccunaca tucui ima illashcatami Cristomanta chasquin. Shinallatac Cristollami maipipish ima illashcacunatapish cun.

EFESIOS 4:16

Tucui criccuna Cristopac cuerpo shina cashpaca, tauca cashpapish chaqui maqui llutarishca shinami shuc shinalla canchic. Chashna tauca cashpapish c'uyanacushpa, caishuc chaishuc allita ruhuacpica, tandanacuica sinchiyashpa c'atingami.

EFESIOS 4:29

Imapish mana alli rimaicunata ama rimashpa, ashtahuanpish yuyaita cuc alli rimaicunallatac rimaichic. Chashna rimacta uyashpami, shuccunapish yuyaita japingacuna.

EFESIOS 4:4

Diospac Espirituca shucllami. Chaimantami tandanacushca criccunaca shuc cuerpo shinalla can. Taita Diospish cancunata shuclla japina cashcata cushicushpa shuyachunmi c'ayarca.

COLOSENSES 1:24

Cancunamanta llaquita apacushcamantaca, cunanca cushicunimi. Chashnami, Cristo paipac cuerpo shina criccunamanta llaquita apashca shina, ñucapish ñuca cuerpopi llaquita apana cashcataca llaquita apacuni.

COLOSENSES 1:28

Ñucanchicca Jesucristota crishcamanta tucui mashna Diospac ñaupapi mana pi juchanchishca cachunmi, Jesucristomanta huillashpaca, cunashpa, tucui yuyaihuan allita yachachinchic.

COLOSENSES 4:17

Shinallatac Arquipotapish, Apunchic Jesuspacta imata ruhuachun nishpa mingashcataca allita pactachichun nichic.

1 TIMOTEO 1:12

Alli crishpa c'atichun ñucata sinchiyachishcamanta, shinallatac ñuca paita cazuc cashcata yachashpa paita servichun churashcamantami, ñucanchic Apunchic Jesucristotaca pagui nicunilla.

2 TIMOTEO 4:11

Lucas runallami ñucahuan caipi saquirca. Chaimanta Marcos runata mashcashpa pushamui. Paica ima ruhuanapipish ñucataca ayudangami.

2 TIMOTEO 4:5

Chashna cacpipish canca llaquita apashpa, cambac ruhuana cashcata pactachinguilla. Ashtahuan alli yuyaihuan quishpirinamanta alli huillaitaca huillanguilla.

HEBREOS 13:17

Cancunata pushaccunata cazuichic. Paicunaca Taita Diosman ima ruhuashcatapish ricuchina cashcamantami, mana samarishpa cancunataca ricuracun. Paicuna mana llaquirishpa, cushilla imatapish ruhuachunca, paicunahuanca alli caichic. Paicuna mana cushilla pushacpica, ima allita cancunaca mana japinguichicchu.

HEBREOS 6:1

Chaimanta utcaman Cristomanta callari yachanacunataca, ama chaillatatac, chaillatatac yachacucuichicchu, ashtahuanpish alli yachaccuna cangapac allita yachacushun. Diosman cutirina, shinallatac ima shina crina yuyaicunataca, ama chaillatatac, chaillatatac yachacuccuna tucushunchic. Huañuiman apacuc ima millaicunatapish, ama ruhuashunchic.