EFESIOS 3:2 - Nuevo Testamento en Quichua Cañar 1996

² Taita Diosca paipac c'uyaimanta cancunapac allipac alli huillaita huillachun ñucaman mingashcataca, cancunaca ña yachanami canguichic.

Dios Rimashcata Quillcashcami

² Diosca paipac cuyaimanta cancunapac allipac alli huillaita huillachun ñucaman mingashcataca, ñami yachanami canguichic.

EFESIOS 3:2 Iomraidhean Croise

HECHOS 13:2

Shuc punzha paicuna ayunashpa, Taita Diosman mañashpa tiyacucpimi, Diospac Espirituca: “Bernabetapish, Saulotapish ñuca ruhuai nishcata ruhuachun cachaichic. Paicunataca ñami acllarcani” nirca.

HECHOS 13:46

Chashna rimacucpipish, Pabloca Bernabendic mana manchashpami, cashna nishpa huillarcacuna: —Cancuna israelcunamanracmi, Diosmanta alli huillaita huillana carcanchic. Cai huillashcata cancuna mana uyashun nishpa, huiñai causaita mana chasquishun nircanguichicchu. Chaimanta cunanllatacmi, mana israelcunaman huillangapac rigrinchic.

HECHOS 22:21

Ñuca chashna nicpica, Apunchic Jesusca: ‘Rilla. Ñucami cantaca caru llactacunapi causac mana israelcunapacman*f** cachagrini’— nirca.

HECHOS 9:15

Chashna nicpipish, cutinmi Apunchic Jesusca: —Rilla. Ñami paitaca acllarcani. Paimi mana israelcunamanpish,*f** jatun mandaccunamanpish, israelcunamanpish*f** ñucamanta huillanga.

ROMANOS 1:5

Jesucristomantami paimanta huillashpa alli canataca chasquircani. Tucui llactacunapi paita crishpa cazuccuna tiyachunmi, paimanta huillachun ñucataca acllarca.

ROMANOS 11:13

Shina cacpipish cancuna mana israelcunamanca caitami nisha nini: Taita Diosca ñucataca mana israelcunaman huillachun cachashcamantami, ñuca imata ruhuashcacuna yalli alli cashcata yachani.

ROMANOS 12:3

Taita Dios ñucata c'uyashpa acllashcamantami, cancunataca ama quiquinllatac yachac tucuchun nini. Chaipac randica cricpi Taita Dios cushcallata yuyashpa, ama chaimanta yallita yuyachun ninimi.

1 CORINTIOS 4:1

Cancunaca ñucanchicta Cristopacta ruhuaccunalla cashcata, shinallatac Diosmanta pipish mana yachashca huillanata huillaccuna cachun, Dios mingashca cashcatami yuyana canguichic.

GÁLATAS 1:13

Ñuca ñaupaman israelcuna*f** yachachishcata c'aticushpaca, Diospaclla tandanacushca criccunata yallita llaquichishpa, ima shinapish tucuchina yuyaihuan puricushcataca cancunallatac uyashcanguichicmi.

EFESIOS 1:10

Taita Diosca cai cusha nishcataca pactana punzha chayacpimi pactachirca. Jahua pachapi, cai pachapi tiyac imacunatapish Cristo mandachunmi, tandachishpa chashnaca ruhuarca.

EFESIOS 3:7

Ñucatami Taita Diosca llaquishpa mai c'uyashcallamanta, alli huillaita huillachun churarca. Diosca chashna ruhuashpami, pi mana ruhuaipacta ruhuac cashcata ricuchirca.

EFESIOS 3:8

Ñucami Diospaclla cac tucui criccunamantaca ashtahuan yangalla cani. Shina cacpipish Taita Dios c'uyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

EFESIOS 3:9

Tucuita ruhuac Taita Diosca pai imata ruhuasha nicushcataca, ñaupamanta pachami pacashpa charicushca. Chaita huillachunmi ñucamanca mingarca.

EFESIOS 4:21

Cancunaca Jesusmanta cashcata nic huillashcata uyashpami, pai munashca shina causanata yachacurcanguichic. Chaitaca allitami yachani.

EFESIOS 4:7

Shina cashpami, ñucanchicca Diosmanta ruhuac canata Cristo cusha nishpa cushcamanta chasquishcanchic.

COLOSENSES 1:4

Jesucristota crishcata shinallatac Diospaclla cac tucui criccunata c'uyac cashcata yachashpami, chashnaca pagui ninchic.

COLOSENSES 1:6

Cai alli huillaita huillashcami alli grano p'ucuc shina, tucui llactacunapi mirarishpa c'aticun. Chai shinallatacmi cancunapurapipish Diospac c'uyaimanta parlanacucta uyashpa, Dios mai c'uyac cashcatatac yachashca punzhamanta pacha mirarishpa c'aticun.

1 TIMOTEO 1:11

Cashnaca quishpirinamanta sumac alli huillaimi yachachin. Chaita huillachunmi, tucui mashna alli nina Taita Dios ñucaman mingarca.

1 TIMOTEO 1:4

yachacushpallapish ama c'atichun nishpa jarcangui. Chai yachanacunaca yanga parlocuna, shinallatac mana yupaipac ñaupa taitacunapac shuticunallami. Tucui chaicunaca p'iñanacuillapi churashpami, maijanpish Jesusta cricpi, Taita Dios quishpichisha nicushca crinataca jarcan.

1 TIMOTEO 2:7

Tucui caicunata mana israelcunaman*f** huillashpa yachachichunmi, Jesusca ñucataca acllarca. Paicunamanca cashcata nic alli huillaita crichun nishpami yachachini. Ñucaca mana llullashpami, chashnatac cashcata nini.

2 TIMOTEO 1:11

Taita Diosmi cai alli huillaita huillanata ñucaman mingarca. Shinallatac huillac cachunpish, yachachic cachunpish ñucataca cacharca.