EFESIOS 2:8 - Nuevo Testamento en Quichua Cañar 1996

⁸ Cancunaca Jesucristota crishcamantami Taita Dios c'uyashpa, quishpichishcacuna canguichic. Chaitaca mana cancuna allita ruhuashcamantachu chasquircanguichic, ashtahuanpish Taita Dios c'uyashcallamantami cancunaca quishpirishca canguichic.

Dios Rimashcata Quillcashcami

⁸ Cancunaca Dios cuyashcallamantami Jesucristota crishpa quishpirishca canguichic. Chaitaca mana cancuna allita ruhuashcamantachu chasquircanguichic, ashtahuanpish chaica Dios cushcallami can.

EFESIOS 2:8 Iomraidhean Croise

SAN MATEO 16:17

Shina nicpi Jesusca: —Cushicui, Jonaspac churi Simón. Caitaca pi runa mana yachachishcachu, ashtahuanpish jahua pachapi tiyac ñuca Taitami yuyaita cushca.

SAN MATEO 20:9

Chashna c'ayacpi pichca pacha chishita yaicuccuna shamucpica, tucui punzhamantami paicunamanca pagarca.

MARCOS 16:16

Maijanpish cai alli huillaita crishpa bautizarictaca, quishpichishcami canga. Ashtahuanpish cai alli huillaita mana crictaca, huiñaitami llaquiman cachashca canga.

SAN LUCAS 7:50

Chashna ninacucucpipish, Jesusca chai huarmitaca: —Can crishcamantaca, ña quishpichishcami cangui. Cunanca cushicushpa rilla— nirca.

SAN JUAN 3:36

Maijanpish paita cricca huiñai causaita charinmi. Maijanpish paita mana cricca mana huiñai causaita charinchu, ashtahuanpish paitaca Taita Diosca p'iñacungallami.

SAN JUAN 4:10

Shina nicpi Jesusca: —Canca Taita Dios imata cusha nicushcatapish, shinallatac pi yacuta mañacushcatapish mana yachanguichu. Yachashpacarin, canracmi ñucaman ‘yacuta carai’ nishpa mañanguiman. Chashna mañacpica, causaita cuc yacutami cuiman— nirca.

SAN JUAN 5:24

Maijanpish ñuca nishcata uyashpa ñucata cachac Taitatapish cricca, huiñai causaita charinmi. Paica huañushcamanta causaiman chimbashca cashcamantami, llaqui pachamanca mana cachashca canga. Chaica chashnatacmi can.

SAN JUAN 6:35

Shina nicpi, Jesusca cashnami nirca: —Ñucami huiñai causaita cuc chai tandaca cani. Maijanpish ñucapacman shamucca manatac yarcachingachu. Shinallatac maijanpish ñucata cricca manatac yacunachingachu.

SAN JUAN 6:37

Ñuca Taita ñucaman cushcacunallami ñucapacmanca shamun. Chai shina shamuccunataca manatac cutichishpa cachashachu.

SAN JUAN 6:40

Ñuca Taitaca paipac Churita maijanpish ricushpa crishpaca, huiñai causaita charichunmi munan. Chaicunataca ñucami tucuri punzhapi causachisha— nirca.

SAN JUAN 6:44

Ñucata cachac Taita ñucapacman mana pushamucpica, pi mana shamunmanchu. Chai shamuccunataca tucuri punzhapi causachishami.

SAN JUAN 6:65

Shina cashcamantami Jesusca: —‘Ñuca Taita mana pushamucpica, pi mana ñucapacmanca shamungachu’ nishpaca, ñami yachachircani— nirca.

HECHOS 13:39

Moisés mandashcacunata pactachishpaca, Taita Dioshuanca mana alli tucui pudishcanguichicchu, ashtahuanpish Jesusta cricpimi, Taita Diosca paihuan alli tucuchun pitapish chasquin.

HECHOS 14:27

Antioquía puebloman chayashpaca, chaipi causac tucui criccunatami tandachircacuna. Chashna tandachishpami, Taita Dios paicunahuan cacpi ima allicunata ruhuashcatapish, shinallatac mana israelcunacaman*f** quishpirichun Taita Dios saquishcatapish parlarcacuna.

HECHOS 15:11

Ashtahuanpish Apunchic Jesús c'uyashcallamantami, ñucanchicpish paicuna shinallatac quishpichishca canchic— nirca.

HECHOS 16:14

Chai huarmicunapurapica, Tiatira pueblomanta Lidia huarmimi ñucanchic yachachishcataca uyacurca. Chai huarmica morado sumac liensota c'atucmi carca, shinallatac Taita Diosta yuyaricmi carca. Chai huarmimanmi Apunchic Jesusca Pablo tucui imalla nishcata uyashpa cazuchun, alli yuyaita curca.

HECHOS 16:31

Chashna tapucpimi paicunaca: —Apunchic Jesucristota cri. Paita crishpami canpish, cambac tucui familiacunapish quishpiringuichic— nircacuna.

ROMANOS 10:14

¿Ima shinatac Jesusta manarac cric cashpaca, paitaca mañangacunayari? Paimanta pipish mana huillacpica, ¿ima shinatac cringacunayari? Shinallatac pi mana huillacpica, ¿ima shinatac uyangacunayari?

ROMANOS 10:17

Shinashpaca huillashcata uyashcamantami crincuna. Chai uyashcaca Cristomanta huillashcami.

ROMANOS 4:16

Abraham crishcamantami, paipac huahua huahuacunamanca Taita Dios cusha nishca pai c'uyashcallamanta cushca cachun, chashnaca nishca. Dios cushami nishcaca mana mandashcacunata cazuccunallamanchu, ashtahuanpish Abraham shina tucui criccunamanpish canmi. Chashna cacpimi, Abrahamca tucui ñucanchicpac taita shina tucushca.

ROMANOS 4:5

Shina cacpipish juchacunata perdonashpa, paihuan alli tucuchun chasquiclla Taita Diosta cricpica, paiman ima allita mana ruhuashca cacpipish, crishcallamantami paihuan alli tucuchun chasquin.

ROMANOS 9:16

Shina cacpica gentecunalla munashpa, imata ruhuashcamantaca Diosca mana llaquinchu, ashtahuanpish pai c'uyashcallamantami llaquin.

GÁLATAS 3:14

Taita Abrahamman Taita Dios allicunata cusha nishcata Jesucristomanta mana israelcunapish chasquichun, shinallatac Dios cusha nishca Espirituta ñucanchic crishcamanta chasquichunmi, chashnaca tucurca.

GÁLATAS 3:22

Ashtahuanpish Dios quillcachishcapi nishca shinaca, maijanpish Jesucristota crishcallamanta Dios cusha nishcata japichunmi, juchaca tucui gentecunata huatashca shina charicun.

EFESIOS 1:19

Shinallatac imatapish allita ruhuaclla cashpami, ñucanchic criccunapi allita ruhuacushcata yachachun Diosman mañacuni. Cai imatapish ruhuaclla cashcallahuantacmi, Taita Diosca pipish mana ruhuaipaclla cashcata ruhuashpa,

EFESIOS 2:10

Taita Diosmi ñucanchictaca ruhuashca. Chashna ruhuashpaca, Jesucristohuan shuc shinalla tucushcamanta allicunata ruhuachunmi mushucta ruhuashca. Chai allicunata ñucanchic ruhuachunmi, ñaupamanta pacha allichishca.

EFESIOS 2:5

Chashna c'uyashpami, ñucanchic juchata ruhuashcamanta huañushca shina cacpi, Cristohuan pacta ñucanchictapish causachirca. Taita Dios c'uyashcallamantami, cancunaca quishpirishca canguichic.

FILIPENSES 1:29

Taita Dios cancunata acllashpaca, mana Cristota crichunllachu acllashca, ashtahuanpish paimanta llaquita apachunpish acllarca.

COLOSENSES 2:12

Cancuna ña bautizarishca cashcamantaca, Apunchic Jesucristohuan enterrashca shinami canguichic. Shinallatac Cristota causachic imatapish ruhuaclla Taita Diosta crishcamantaca, huañushcacunapuramanta Cristohuan pacta causachishca shinapishmi canguichic.

2 TESALONICENSES 1:9

Paicunaca huiñaicamanmi llaquichishpa, chingachishca cangacuna. Shinallatac imatapish ruhuaclla Apunchic Jesuspac sumaimana ñaupamantapish, caruman shitashcami cangacuna.

HEBREOS 6:4

Maijanpish Taita Dios yuyaita achicyachicpi, mishquilliric shina Dios cushcacunata yachashpa, Diospac Espiritutapish chasquishpa,

1 PEDRO 1:5

Cancuna Taita Diosta crishcamantami, cancunaman allichishca quishpirinata japingacaman, pai imatapish ruhuaclla cashcahuan cancunataca huacaichishpa, paipac maquipi charicun. Chai quishpirinataca ña tucuri punzhacunapimi ricuchinga.