EFESIOS 1:3 - Nuevo Testamento en Quichua Cañar 1996

³ Cristohuan shuc shinalla tucushcamantami, ñucanchicmanca paipac Espirituta cushpa, jahua pachapi tiyac tucui laya allicunata Taita Diosca curca. ¡Chaimantami ñucanchic Apunchic Jesucristopac Taita Diostaca alli nicunalla canchic!

Dios Rimashcata Quillcashcami

³ Cristohuan shuclla tucushcamantami, ñucanchicmanca paipac Espirituta cushpa, jahua pachapi tiyac tucuilaya allicunata Diosca curca. ¡Chaimantami ñucanchic Apunchic Jesucristopac Diostaca alli nicunalla canchic!

EFESIOS 1:3 Iomraidhean Croise

SAN LUCAS 2:28

Simeonca chai huahuata marcashpaca, Diosta pagui nishpami cashna nirca:

SAN JUAN 14:20

Chai punzhami ñuca Taitahuan shuclla cashcata, shinallatac cancunaca ñucahuan, ñucaca cancunahuan shuclla cashcata yachanguichic.

SAN JUAN 17:21

Taitalla, ima shinami ñucaca canhuan, canca ñucahuan shuc shinalla canchic, shinallatac paicunapish ñucanchichuan shuc shinalla cachunmi mañani. Cai pachapi causaccuna ñucata can cachashca cashcata crichunmi, chashnaca mañani.

SAN JUAN 20:17

Shina nicpi Jesusca: —Ñucaca manarac ñuca Taitapacman huichiyanichu. Chaimanta ama ashtahuan tuparichu. Shina cacpipish ri, ñuca yachacuccunamanca: ‘Ñucaca ñucapacpish, cancunapacpish Taitapacman, shinallatac ñucapacpish, cancunapacpish Diospacmanmi huichiyagrini’ ninmi, nishpa huillagri— nirca.

ROMANOS 12:5

Chai shinallatac ñucanchicca taucacuna cashpapish, Cristohuan shuc shinalla tucushcamantaca caishuc chaishuc shuc cuerpo shinallami canchic.

ROMANOS 15:6

Tucui mashna shuc yuyailla tucushpa, ñucanchic Apunchic Jesucristopac Taita Diosta alli nichunmi, chashnaca munani.

1 CORINTIOS 1:30

Ashtahuanpish Taita Diosllatacmi cancunataca Apunchic Jesucristohuan shuc shinalla cachun ruhuarca. Cristomantami Diosmanta yachashpa, paihuan alli tucushpa, Taita Diospaclla causashpa quishpiringuichic.

1 CORINTIOS 12:12

Cuerpoca shuclla cashpapish, ch'ican ch'ican partecunatami charin. Chashna cashpapish shuc cuerpollami can. Chashnallatacmi Cristopac cuerpomanta nishpapish shuclla can.

2 CORINTIOS 1:3

¡Ñucanchic Apunchic Jesucristopac Taita Diosca alli nishca cachun! Paimi llaquilla cacpipish, llaquishpa cushichicunlla.

2 CORINTIOS 11:31

Huiñaita “allimari cangui” nina, Apunchic Jesuspac Taita Diosllami, ñuca cashcatatac nicuctaca yachan.

2 CORINTIOS 5:17

Chaimanta maijanpish Cristohuan shuc shinalla tucushpaca, mushuc runami tucun. Ñaupa causaita saquishpami, mushuc causaita causan.

2 CORINTIOS 5:21

Apunchic Jesucristo mana juchayuc cacpipish, Taita Diosca ñucanchic juchacunamantami llaquita apachun curca. Shina cacpica, Jesusmantami Taita Dioshuan alli tucunchic.

GÁLATAS 3:9

Abraham crishcamantami Taita Diosca allicunata curca. Chaimantami maijanpish cricmanca Abrahamman cushca shinallatac allicunata cunga.

EFESIOS 1:10

Taita Diosca cai cusha nishcataca pactana punzha chayacpimi pactachirca. Jahua pachapi, cai pachapi tiyac imacunatapish Cristo mandachunmi, tandachishpa chashnaca ruhuarca.

EFESIOS 1:17

Diospac Espíritu yuyaita cushpa ricuchicpi cancuna Diosta alli ricsichunmi, ñucanchic Apunchic Jesucristopac sumaimana Taita Diosman mañacuni.

EFESIOS 1:20

Cristota causachishpa, jahua pachapi paipac alli maquiman tiyachishpa ricuchirca.

EFESIOS 2:6

Ñucanchictapish Taita Diosca Jesucristohuan causachishpami, jahua pachapi paihuan pacta tiyachirca.

EFESIOS 3:10

Cunanca jahua pachapi mandaccunapish, poderta chariccunapish tandanacushca criccuna ima shina cashcata ricushpa, Taita Dios imatapish yachac cashcata yachachunmi, chashnaca ruhuarca.

EFESIOS 6:12

Ñucanchicca aichayuc, tulluyuc cac runacunahuanca mana macanacunchicchu, ashtahuanpish jahua huairapi mandashpa puric millai espiritucunahuanmi macanacucunchic. Chaicunami cai amsa pachapica mandashpa, imapish mana allita ruhuachicun.

FILIPENSES 2:11

Taita Diosta “sumacmari cangui” nishpa, Jesucristotapish “tucuita Mandacmi cangui” nichunmi, chashnaca ruhuarca.

HEBREOS 8:5

Diosman mañana carpa huasita Moisés ruhuagricucpimi, Taita Dios rimashpaca: “Riqui, urcupi ima shina ruhuana cashcata canman ricuchishca shina, chai huasita ruhuangui” nirca. Shina cashcamantami cai pachapi cac curacuna imallata Diosman ruhuashpaca, jahua pachapi imalla tiyashcata ricuchic llandu shinalla ruhuacuncuna.

HEBREOS 9:23

Taita Diosman cushpa, tucui cai ruhuanaca jahua pachapi cacman ricchacunata chuyayachingapacllami. Ashtahuanpish jahua pachapi tiyaccunamantacarin, animalcunata huañuchishca yahuartapish yallimi cuna can.

1 PEDRO 1:3

¡Ñucanchic Apunchic Jesucristopac Taita Diostaca “allimari cangui” nishunchic! Ñucanchic huiñaita causagrina yuyailla cachunmi, paipac sumaimana c'uyaimanta Jesucristota causachishpa, ñucanchictaca cutin huacharishca shinata ruhuarca.