APOCALIPSIS 9:1 - Nuevo Testamento en Quichua Cañar 1996

¹ Pichca niqui ángel tocacpica, jahua pachamanta urmashca luceroman ucu pacha jutcuta pascana llaveta cuctami ricurcani.

Dios Rimashcata Quillcashcami

¹ Pichcaniqui ángel tocacpica jahua pachamanta cai pachaman shuc lucero urmactami ricurcani. Chai luceromanca jatun jutcuta pascana llavetami curca.

APOCALIPSIS 9:1 Iomraidhean Croise

SAN LUCAS 10:18

Chashna nicpi Jesusca: —Ari, Satanastaca*f** relampa shina jahuamanta urmacta ricurcanimi.

SAN LUCAS 8:31

Chai supaicunaca: —Ama ñucanchicta ucu pacha jutcuman cachaichu— nishpami mañarcacuna.

ROMANOS 10:7

Shinallatac Moisesca: “ ‘¿Pitac ucu pachamanca yaicungayari?’ nishpaca, ama nichu” ninmi. Chashna nishpaca, Cristota huichaiman llucshimuchun nic shinami nicungui.

APOCALIPSIS 1:18

Ñucaca huañushpapish causacunimi. Cunanca huiñaipacmi causacuni. Ñucami huañuipacpish, ucu pachapacpish llavecunata charicuni.

APOCALIPSIS 1:20

Ñuca alli maquipi canchis lucerocunata charicushcaca, shinallatac canchis candelerocunata can ricushcaca caitami nisha nin: Canchis lucerocunaca, canchis pueblocunapi cac tandanacushca criccunapac angelcunami. Shinallatac canchis candelerocunaca, canchis pueblopi cac tandanacushca criccunami.

APOCALIPSIS 11:7

Ña paicuna tucui huillashca q'uipaca, manchaipac animalmi ucu pacha jutcumanta llucshishpa paicunahuan macanacunga. Chashna macanacushpaca, paicunata atishpami huañuchinga.

APOCALIPSIS 17:8

Can ricushca manchana animalca ñaupamanmi tiyarca, cunanca ña mana tiyanchu. Shina cashpapish huiñaita jatun llaquipi chingaringapacllami, ucu pacha jutcumantaca llucshinga. Taita Dios cai pachata ruhuashca punzhamanta pacha, huiñaita causangapac quillcachina libropi mana quillcachishca cai pachapi causac gentecunaca chai utcaman tiyashca, cunanca mana tiyac, cutin shamuna cashca manchana animalta ricushpaca, yallitami manchangacuna.

APOCALIPSIS 20:1

Chai q'uipaca jahua pachamanta shuc ángel urai shamucuctami ricurcani. Paica ucu pacha jutcuta llavina llavetami jatun cadenandic paipac maquipi charicurca.

APOCALIPSIS 20:10

Chai llullashpa crichic diablotaca azufrehuan rupacuc nina cuchamanmi shitashca carca. Chaipica llullashpa huillactapish, manchana animaltapish shitashcami carca. Chaipica tutapish, punzhapish huiñaitami llaquichishca canga.

APOCALIPSIS 6:13

Ima shinami huaira sinchita cuyuchicpi yuramanta higocuna urman shinami, jahua pachamanta cai allpa pachaman lucerocunaca urmarca.

APOCALIPSIS 8:10

Quimsa niqui ángel tocacpica, shuc jatun lucero jagan nishpa rupacuc shina jahua pachamanta urmashpaca jatun yacucunapish, tucyacuc yacucunapish quimsapi chaupishcamanta shuc partemanmi urmarca.

APOCALIPSIS 8:12

Chuscu niqui ángel tocacpica, quillapish, intipish, shinallatac lucerocunapish quimsapi chaupishcamanta shuc partemi amsayarca. Shina amsayacpimi quimsapi chaupishcamanta shuc partemi punzhapish, tutapish mana achicyarca.

APOCALIPSIS 8:2

Chai q'uipaca canchis angelcuna Taita Diospac ñaupapi shayacuctami ricurcani. Paicunaca canchis cornetatami chasquirca.

APOCALIPSIS 9:2

Ucu pacha jutcuta pascacpica, jatun hornomanta cushni llucshic shinami achca cushni llucshishpa intitapish, huairatapish amsayachirca.