APOCALIPSIS 8:5 - Nuevo Testamento en Quichua Cañar 1996

⁵ Chaimanta ángel incienso churanata japishpaca, altarpi tiyac nina brazasta jundachishpami cai pachaman shitarca. Chashna shitacpica, urcucuna tulun nishcapish, rimashcacunapish uyarircami. Relampa achic nishcapish ricurircami, shinallatac allpapish chucchurcami.

Dios Rimashcata Quillcashcami

⁵ Chai quipa incienso churanata ángel japishpaca, altarpi tiyac nina brazasta jundachishpami cai pachaman shitarca. Chashna shitacpica, urcucuna tulun nishca, rimashcacuna, relampacuna achic nishca, shinallatac allpa chucchuimi tiyarca.

APOCALIPSIS 8:5 Iomraidhean Croise

SAN MATEO 24:7

Shuc llactapi causaccunaca, caishuc llactapi causaccunahuanmi macanacungacuna. Llactacunata mandandaccunapurapish macanacuchingacunami. Shinallatac maijan llactacunapica allpa chucchuipish, yarcaipish tiyangami.

SAN LUCAS 12:49

Ñucaca cai pachapi ninata japichingapacmi shamurcani. Ñapish rupacunmanlla ninimi.

HECHOS 16:26

Chashna mañashpa cantacucpimi, allpa chucchui cungailla munai chucchuchicpi, tucui cárcel pungucuna pascarirca. Huatashca cadenacunapish tucui prezucunamanta cacharirirca.

HECHOS 4:31

Chashna mañashca q'uipaca, paicuna tandanacushca tiyacuc huasica chucchurcami. Diospac Espíritu tucui chaipi caccunapac shungupi junda cacpimi, paicunaca mana manchashpa, Diosmanta huillarcacuna.

APOCALIPSIS 11:13

Chai pachallatac yallita allpa chucchucpimi, chai pueblopi cac huasicunamantaca chungamanta shuc urmarca. Chashna urmacpica, canchis huaranga gentecunami huañurca. Mana huañushca gentecunaca manchaillahuantacmi jahua pacha Taita Diostaca “allimari cangui” nircacuna.

APOCALIPSIS 11:19

Shina cacpica jahua pachapi tiyac Diosman mañana huasimi pascarirca. Chaipica Dioshuan ari ninacushcata huacaichina cajonmi ricurirca. Chashna ricuricpica urcucuna tulun nishcapish, rimashcacunapish uyarircami. Relampa achic nishcapish ricurircami. Allpapish chucchurcami, shinallatac ima mundo rundupish urmarcami.

APOCALIPSIS 4:5

Chai jatun mandac mandashpa tiyarinamantaca relampacunapish, rimashcacunapish, tulun nishcacunapish llucshicurcami. Shinallatac chai tiyarinapac ñaupapica canchis michami japiricurca. Chaicunaca Diospac canchis Espiritumi.

APOCALIPSIS 6:12

Sucta niqui unanchishcata Pactalla Oveja pascacpica, allpa ima mundo chucchucpi, intipish yana churanata churarishca shina tucucpi, quillapish pucayashpa yahuar shina tucurca.

APOCALIPSIS 8:3

Chai q'uipaca shuc angelmi curimanta ruhuashca inciensota churanahuan shamurca. Chashna shamushpaca, altar chaquipimi shayarirca. Chaica achca inciensota chasquishpami, mandashpa tiyarinapac ñaupapi cac curimanta ruhuashca altarpi Diosman curca. Chashna ruhuashpaca, Taita Diospaclla caccuna Diosman mañashcandic tandachishca ricurichunmi, chashnaca curca.