APOCALIPSIS 8:12 - Nuevo Testamento en Quichua Cañar 1996

¹² Chuscu niqui ángel tocacpica, quillapish, intipish, shinallatac lucerocunapish quimsapi chaupishcamanta shuc partemi amsayarca. Shina amsayacpimi quimsapi chaupishcamanta shuc partemi punzhapish, tutapish mana achicyarca.

Dios Rimashcata Quillcashcami

¹² Chuscuniqui ángel tocacpica, quillapish, intipish, lucerocunapish quimsapi chaupishcamanta shuc partemi amsayarca. Chaimantami quimsapi chaupishcamanta shuc parte punzhapish, tutapish mana achicyarca.

APOCALIPSIS 8:12 Iomraidhean Croise

SAN MATEO 24:29

Chai ima mundo llaqui punzhacuna tiyashca q'uipaca, intipish amsayangami, quillapish mana achicyachingachu. Lucerocunapish jahuamanta urmangami. Shinallatac jahua cielopi imalla tiyac jatuncunapish chucchungami.

SAN MATEO 27:45

Chaupi punzhamanta quimsa horas chishi tucungacamanmi, tucui cai pachaca amsayarca.

MARCOS 13:24

Chai ima mundo llaqui punzhacuna tiyashca q'uipaca, intipish amsayangami, quillapish mana achicyachingachu.

MARCOS 15:33

Chaupi punzhamanta quimsa horas chishi tucungacamanmi, tucui cai pachaca amsayarca.

SAN LUCAS 21:25

Chai q'uipaca intipipish, quillapipish, shinallatac lucerocunapipish jaicapi mana ricushcacunami ricuringa. Cutin cai pacha llactacunapi causaccunaca mama cucha yacucuna caiman chaiman cuyurishpa huajiacta ricushpaca, mancharinacushpami yuyaita chingachingacuna.

HECHOS 2:20

Ñuca acllashca sumac jatun punzha manarac chayamucpimi, intica amsayanga, quillapish yahuar shina puca tucunga.

2 CORINTIOS 4:4

Ashtahuanpish paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca*f** amsayachishpa charicun.

APOCALIPSIS 12:4

Chupahuanca quimsapi chaupishcamanta shuc parte lucerocunatami jahua cielomanta cai pachaman aisashpa shitarca. Chai dragonca huarmi ña sajuarinca huahuata micungapacmi, chai huarmipac ñaupapi shayarirca.

APOCALIPSIS 16:10

Pichca niqui angelca manchana animal mandashpa tiyarinapimi pai charicushca copataca t'allirca. Shina t'allicpica, pai mandanaca amsa purayashcami tucurca. Shina tucucpica, nanaihuanmi gentecunaca c'alluta canirircacuna.

APOCALIPSIS 6:12

Sucta niqui unanchishcata Pactalla Oveja pascacpica, allpa ima mundo chucchucpi, intipish yana churanata churarishca shina tucucpi, quillapish pucayashpa yahuar shina tucurca.

APOCALIPSIS 9:15

Chaimanta chuscu angelcunata cacharishpaca, cai pachapi causac gentecunata quimsapi chaupishcamanta shuc partetami huañuchichun cacharca. Chai angelcunaca chai pacha, chai punzha, chai quilla, chai huata huañuchichun nishcatacmi carca.

APOCALIPSIS 9:18

Paicunapac shimimanta llucshishca ninahuan, cushnihuan, azufrehuan, chai quimsa jatun llaquicunahuanmi, cai pachapi causac gentecunata quimsapi chaupishcamanta shuc partetami huañuchirca.