APOCALIPSIS 7:16 - Nuevo Testamento en Quichua Cañar 1996

¹⁶ Chaipica yarcaihuanpish yacunaihuanpish ña mana llaquita apangacunachu. Intipish, shuctac ima rupachiccunapish mana rupachingachu.

Dios Rimashcata Quillcashcami

¹⁶ Yarcaihuanpish yacunayaihuanpish ña mana llaquita apangacunachu. Intipish, shuctac ima rupachiccunapish mana rupachingachu.

APOCALIPSIS 7:16 Iomraidhean Croise

SAN MATEO 13:21

Chashna cashpapish mana ucuta sapiyashca shina cashpami, llaquicuna japicpi, mana cashpaca alli huillaita uyashpa c'aticushcamanta gentecuna p'iñacpica saquincunalla.

SAN MATEO 13:6

Chashna cacpipish chai yuraca mana ucuman sapita charishcamantami, inti llucshishpa rupachicpica chaquircalla.

SAN MATEO 5:6

Yarcaihuan yacunayaihuan cac shina, allita ruhuashpa causanata munaccuna, ¡cushicuichic! Taita Diosmi chai munashcata pactachichunca, mana nicta carac shina cunga.

MARCOS 4:17

Shina chasquishpapish, uchilla sapita charic yura shina cashcamantami, ashacamanlla crincuna. Paicunata llaquicuna japicpi, mana cashpaca alli huillaita crishcamanta gentecuna p'iñacpica, crinamanta saquirincunallami.

MARCOS 4:6

Chashna cacpipish chai yuraca mana ucuman sapita charishcamantami, inti llucshishpa rupachicpica chaquircalla.

SAN LUCAS 1:53

Yarcaihuan caccunamanca, allicunatami achcata carashca. Chayuccunataca, chushac maquitami cutichishpa cachashca.

SAN LUCAS 6:21

¡Cunan yarcaihuan caccunaca cushicuichic! Taita Dios cancunamanca mana nicta carangami. ¡Cunan cancuna huacaccunaca cushicuichic! Taita Dios cushichicpica, asinguichicmi.

SAN JUAN 4:14

Ashtahuanpish ñuca cusha nishca yacuta maijanpish ubiacca, jaicapi mana yacunachingachu. Ñuca cusha nishca yacuca paipica huiñai causaita cuc, tucyacuc yacu shinami tiyanga— nirca.

SANTIAGO 1:11

Sisaca inti llucshishpa, sinchita rupacyachishpa, q'uihuata chaquichicpica urmanllami. Chaipimi pai sumac cashcaca chingarin. Chai shinallatacmi chayucpish, paipac randina, c'atuna cashcata saquishpa chingaringalla.

APOCALIPSIS 21:4

Paica ñahuicunamantapish tucui huiquita p'ichangami. Huañuipish, llaquilla canapish, huacaicunapish, nanaicunapish ña mana tiyangachu. Ñaupaman ima tiyashcapish cunanca ña mana tiyangachu— nirca.