APOCALIPSIS 6:11 - Nuevo Testamento en Quichua Cañar 1996

¹¹ Chashna nicpi paicunaman yuraclla churanata cushpaca: —Cancuna shinallatac Jesucristopacta ruhuaccuna cashcamanta mashnacuna huañuchina cashca pactangacaman, ashata samaricuichiclla— nictami uyarcani.

Dios Rimashcata Quillcashcami

¹¹ Chashna nicpimi paicunaman yuranlla churanata cushpaca: «Cancuna shinallatac Jesucristopacta ruhuaccuna cashcamanta mashnacuna huañuna cashca pactangacaman, ashata samaricuichiclla» nictami uyarcani.

APOCALIPSIS 6:11 Iomraidhean Croise

SAN MATEO 10:21

Huauquica quiquin huauquillatatac, taitaca quiquin huahuacunallatatac huañuchichunmi japichinga. Shinallatac huahuacunapish taita mamata p'iñashpami, huañuchichun japichingacuna.

SAN LUCAS 15:22

Chashna nicpipish, taitaca paipac serviccunata c'ayashpaca: ‘Tucuita yalli alli churanacunata utca apamushpa churachichic. Maqui dedopipish sortejata, shinallatac chaquipica ushutata churachichic.

SAN JUAN 16:2

Cancunataca tandanacuna huasicunamanta llucchishpa cachangacunami. Shinallatac cancunata huañuchishpaca, Taita Diosmanmi alli ruhuanchic nina punzhaca chayamungami.

HECHOS 20:24

Chashna llaquichishpa huañuchina cacpipish, ñucaca mana llaquirinichu, ashtahuancarin Taita Dios mai c'uyac cashcata Apunchic Jesús huillachun nishcataca, huañuna punzhacaman cushicushpa pactachinatacmi cani.

2 TESALONICENSES 1:7

Shinallatac cancuna llaquita apacuccunatapish, ñucanchicta samachic shinallatac samachingami. Chashnaca, Apunchic Jesús paipac imatapish ruhuaclla angelcunahuan jahua pachamanta shamushpami samachinga.

2 TIMOTEO 4:7

Ñucaca Jesusta crinata mana saquishpami, callpaipi mishac shina chai chayana cashcaman ña chayashcani.

HEBREOS 11:40

Paicuna alli cacpipish, Taita Diosca ñucanchicta yuyarishpami, paicunapish ñucanchichuan pacta ama juchanchishca cachun, ashtahuan allita ruhuashca.

HEBREOS 12:23

Jahua pacha libropi quillcashca, Diospac punta huahuacuna tandanacushcaman, tucuita taripashpa ricuchic Diospacman, shinallatac cashcata ruhuaccunata Dios allita ruhuashca almacunapacmanmi chayarcanguichic.

HEBREOS 4:10

Dioshuan samaringapac maijanpish yaicuccunaca, Taita Dios pai imata ruhuashcamanta samarishca shinami, paicuna imata ruhuashcamantapish samaringacuna.

APOCALIPSIS 10:6

Shina churashpaca: —Jahua pachatapish, cai pachatapish, mama cuchatapish, shinallatac tucui chaipi ima tiyaccunatapish ruhuacpac, huiñaita causacpac shutipimi cashna nini: Cunanca shuyana punzhacunaca ña mana tiyangachu.

APOCALIPSIS 13:15

Taita Diosca q'uipa animaltaca punta animalman ricchata ruhuashca animalman causaita cuchun, rimachichun, shinallatac paita mana “allimari cangui” niccunata huañuchichunmi saquirca.

APOCALIPSIS 14:13

Chaimantaca jahua pachamanta shuc rimashca uyarishpaca: —Caita quillcai: Caimanta q'uipaman Apunchic Jesushuan shuc shinalla tucushpa huañuccunamanca, ¡mai cushicuimi canga!— nishcatami uyarcani. Diospac Espiritupish: —Ari, chashnami can. Paicuna ima ruhuacushcamantaca samaringacunami. Paicuna ima ruhuashcapish paicunahuanmi canga— ninmi.

APOCALIPSIS 17:6

Chai huarmitaca Taita Diospaclla caccunapac, shinallatac Jesusmanta huillaccunapac huañuchishca yahuarhuan machashca cashcatami ricurcani. Chaita ricushpaca, yallitami mancharishpa saquirircani.

APOCALIPSIS 7:14

Shina tapucpica: —Amito, canllatac yachanguimi— nircanimi. Shina nicpi paica cashnami nirca: —Chaicunaca jatun llaquimanta mishaccunami, shinallatac Pactalla Ovejapac yahuarhuan paicunapac churanata tacsharishcamanta yuraclla tucushcacunami.

APOCALIPSIS 7:9

Chai q'uipaca tucui llactacunamantapish, tucui aillucunamantapish, tucui laya rimaita rimaccunamantapish, shinallatac tucui laya gentecunamantapish pi mana yupaipac gentecunami mandashpa tiyarinapac ñaupapi, shinallatac Pactalla Ovejapac*f** ñaupapi shayacuctami ricurcani. Paicunaca yuraclla churanata churarishca, maquipica ramoscunatami charicurcacuna.