APOCALIPSIS 21:14 - Nuevo Testamento en Quichua Cañar 1996

¹⁴ Chai pueblota jarcac callari pircapica, chunga ishcai rumicunami carca. Chai rumicunapica, Pactalla Ovejapac chunga ishcai acllashca huillaccunapac caishucpac chaishucpac shutitami quillcashca carca.

Dios Rimashcata Quillcashcami

¹⁴ Chai pueblota jarcac callari pircaca, chunga ishcai rumicuna jahuapimi carca. Chai rumicunapica, Pactalla Ovejapac chunga ishcai acllashca huillaccunapac shuticunami quillcashca carca.

APOCALIPSIS 21:14 Iomraidhean Croise

SAN MATEO 16:18

Ñucapish cantaca Pedromi*f** cangui ninimi. Cai rumi jahuapi huasichic shinami, tandanacushca criccunataca mirachisha. Chashna miraricpica, huañuipish mana ati pudingachu.

HECHOS 1:26

Chashna mañashpa suerteta ruhuacpica, Matiasmanmi urmarca. Chaimantami Matiasca Jesús acllashca chunga shuc huillaccunahuan tandanacurca.

GÁLATAS 2:9

Chaimantami criccuna alli nishca Pedropish, Jacobopish, Juanpish Taita Dios ñucata c'uyashpa, mana israelcunaman alli huillaita huillachun cachashcata yachac chayarcacuna. Ñucapish, Bernabepish paicuna shina alli huillaita huillac cashcata ricuchingapacmi maquita curcacuna. Shina maquita cushpami, ñucanchicca mana israelcunaman, paicunaca israelcunaman huillagrinaca allimi nircacuna.

EFESIOS 2:20

Jesucristomi huasita ruhuangapac callaripi churashca rumi shinaca can. Diosmanta ñaupa huillaccunapish, Jesús acllashca huillaccunapish chai rumi jahuallapitacmi huasita ruhuangapac callaric shinaca. Cutin cancunaca chai huasi jahuapi huasichishca shinami canguichic.

EFESIOS 3:5

Ñaupamanca chai mana yachashcataca pimanpish mana ricuchishcami carca. Ashtahuanpish cunanca paipac Espiritumantami Taita Diosca paipaclla cac acllashca huillaccunamanpish, paimanta huillaccunamanpish ricuchishca.

EFESIOS 4:11

Chai shinami paillatac shuccunataca pai acllashca huillaccuna cachun, shuccunataca Dios ima nishcata huillaccuna cachun, shuccunataca quishpirinamanta alli huillaita huillaccuna cachun, shuccunataca criccunata pushaccuna cachun, cutin shuccunataca yachachiccuna cachun acllashpa, Diosmanta ruhuac canata curca.

HEBREOS 11:10

Ashtahuanpish Abrahamca maita mana chingaripac puebloman yaicusha nishpa shuyarca. Chai pueblotaca Diosllatacmi alli yuyarishpa shayachirca.

SAN JUDAS 1:17

Shina cacpipish c'uyashca criccuna, ñucanchic Apunchic Jesús acllashca huillaccuna ñaupaman ima nishcacunataca, alli yuyarichic.

APOCALIPSIS 18:20

¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Taita Diosca chai pueblotaca chashna llaquichishca.

APOCALIPSIS 21:13

Quimsa punguca inti llucshic ladoman, cutin quimsa punguca inti yaicuc ladoman, cutin quimsa punguca ura ladoman, cutin quimsa punguca jahua ladomanmi carca.