APOCALIPSIS 2:23 - Nuevo Testamento en Quichua Cañar 1996

²³ Shinallatac paipac huahuacunatapish huañuchishami. Chashna ruhuacpimi tucui tandanacushca criccunaca paicunapac yuyaitapish, shungutapish ñuca yachac cashcataca yachac chayangacuna. Cancuna imata ruhuacushcata c'atishpami, japina cashcataca cusha.

Dios Rimashcata Quillcashcami

²³ Paipac huahuacunatapish huañuchishami. Chashna ruhuacpimi tucui tandanacushca criccunaca paicunapac yuyaitapish, shungutapish ñuca yachac cashcata yachac chayangacuna. Tucuimanmi imata ruhuacushca, shinallatac japina cashcata cusha.

APOCALIPSIS 2:23 Iomraidhean Croise

SAN MATEO 16:27

Ashtahuanpish Runa Tucungapac shamushca*f** ñucaca, ñuca Taitapac sumaimana achiclla cashcahuan, shinallatac paipac angelcunahuan cutimushpaca, tucuimanmi imata ruhuashca shinallatac ricushpa cusha.

SAN LUCAS 16:15

Shina asicpimi, Jesusca: “Cancunami gentecunapac ñaupapica, allicuna layalla ricuringuichic. Chashna cacpipish, Taita Diosca cancunapac shungu imata yuyacushcataca yachanmi. Cai pachapi gentecunalla alli nishcacunaca, Taita Diospac ñaupapica millana shinami can.

SAN JUAN 21:17

Ña quimsa cutinhuan Jesús tapushpaca: —Juanpac churi Simón, ¿ñucataca c'uyanguitacchu?— nirca. Ña chaihuanca quimsa cutin tapushcamantami, Pedroca llaquilla tucushpaca: —Apunchic Jesús, canllatacmi tucuita yachangui. Shina cashpaca, canllatac ñuca canta c'uyac cashcataca yachanguimi— nirca. Shina nicpimi Jesusca: —Shinashpaca, ñuca ovejacunata cuidangui.

SAN JUAN 4:16

Shina nicpi Jesusca: —Ri, cambac cusata c'ayamugri— nirca.

HECHOS 1:24

Chaimantaca: “Mandac Taita Dioslla, canmi tucui gentecunapac shunguta ricsingui. Cunanca cai ishcaicunamantaca, maijantapish can acllashcata ñucanchicman ricuchiyari.

ROMANOS 14:12

Shina cashcamantaca ñucanchic quiquinllatacmi imata ruhuashcacunataca Taita Diosman ricuchigrina canchic.

ROMANOS 8:27

Shinallatac shungu yuyashcata yachac Taita Diosca, paipac Espíritu imata mañacushcataca yachanmi. Diospac Espirituca Dios munashca shinami Diospaclla caccunamantaca mañacun.

2 CORINTIOS 5:10

Imalla ruhuashcata ñucanchic ricuchingapacca, tucuita taripac Cristopac ñaupapimi tucui mashna ricurigrina canchic. Chaipica cai aicha causaipi allita ruhuashcamanta, mana allita ruhuashcamantami japina cashcata japigrishun.

GÁLATAS 6:5

Diospac ñaupapica quiquin ima shina causashca shinallatacmi ricuringa.

HEBREOS 4:13

Taita Dios tucui ruhuashcacunaca paipac ñaupamantaca mana miticuipacmi. Tucui imapish paipac ñaupapica mana pacashcachu. Paimanmi ñucanchicca tucui imatapish huillana canchic.

1 PEDRO 1:17

Cancunaca pimanpish mana tucushpa, imata ruhuashcata ricushpa taripac Diosta “Taita” nishpaca, tucui causaipimi cai pachapi causashcacamanca, paita manchashpa, cumurishpa causana canguichic.

APOCALIPSIS 2:11

Maijanpish rinrita chariccunaca, Diospac Espíritu tandanacushca criccunaman ima nicushcataca uyachun. Millaita mishaccunaca q'uipa huañuipica ima llaquita mana apangachu.

APOCALIPSIS 2:7

Maijanpish rinrita chariccunaca, Diospac Espíritu tandanacushca criccunaman ima nicushcataca uyachun. Maijanpish millaita mishaccunamanca Diospac llactapi cac causaita cuc yuramantami carasha.

APOCALIPSIS 20:12

Chaipica huañushcacunatami jatuncunatapish, uchillacunatapish mandashpa tiyarinapac ñaupapi shayacucta ricurcani. Shinallatac librocunapish pascashcami carca. Huiñaita causangapac quillcachina libropi quillcashcatapish pascashcatami ricurcani. Chai librocunapica chai huañushcacuna imata ruhuashcatami quillcashca carca. Chai librocuna nishca shinami taripashca carca.

APOCALIPSIS 20:13

Chai punzhapica huañushcacunataca mama cuchamantapish, ucu pachamantapish, huañuimantapish paicuna imata ruhuashca shinallatac taripachunmi llucshirca.

APOCALIPSIS 22:12

Shinallatac Jesusca: —¡Riquichic, ñucaca ñallami shamusha! Imata ruhuashca shina japina cashcata tucuiman cungapacmi apashpa shamusha.

APOCALIPSIS 6:8

Chaimantaca shuc quillu caballotami ricurcani. Chai caballopac jahuapi tiyacucpac shutica Huañui nishcami carca. Chai caballopi tiyacucpac huashapica, Ucu Pacha nishcapish carcami. Paicunaca cai pachapi causaccunamanta chuscumanta shucta chaupishpa macanacuicunapi, ung:uicunahuan, ima mana p'ucucpi yarcaihuan, shinallatac cai pachapi cac animalcuna canishcahuan huañuchic canatami chasquirca.