APOCALIPSIS 2:17 - Nuevo Testamento en Quichua Cañar 1996

¹⁷ Maijanpish rinrita chariccunaca, Diospac Espíritu tandanacushca criccunaman ima nicushcataca uyachun. Maijanpish millaita mishaccunamanca pacashca tiyacuc maná shuti tandatami carasha. Shinallatac yuraclla rumitami cusha. Chaipica mushuc shutita quillcashcami canga. Chaitaca pipish mana ricsingachu, ashtahuanpish chaita chasquicllami ricsinga.

Dios Rimashcata Quillcashcami

¹⁷ Maijanpish ringrita charicca, Diospac Espíritu tandanacushca criccunaman ima nicushcata uyachun. Maijanpish millaita mishacmanca pacashca tiyacuc maná shuti tandatami carasha. Shinallatac mushuc shutita quillcashca yuranlla rumitami cusha. Chaitaca pipish mana ricsingachu, ashtahuanpish chaita chasquicllami ricsinga” ninmi.

APOCALIPSIS 2:17 Iomraidhean Croise

SAN MATEO 13:11

Chashna tapucpimi Jesusca: —Taita Diosca pai mandacucmantaca, pimanpish mana yachachishcatami cancunamanca yachachishca, ashtahuanpish shuccunamanca mana chashna yachachishcachu.

MARCOS 7:16

Rinrita chariccunaca, cai ñuca huillashcata alli uyaichic— nirca.

SAN JUAN 4:32

Shina nicpi Jesusca: —Ñucaca cancuna mana ricsishca micunatami charini— nirca.

1 CORINTIOS 2:14

Diospac Espiritumanta yachanata mana munacca, pai cushcacunataca mana chasquisha ninchu. Chaicunaca paimanca pucllashca shinami. Shinallatac imata nisha nicushcatapish mana entendinchu. Chaitaca Diospac Espíritu yuyachicllapimi, yachac chayancuna.

COLOSENSES 3:3

Cancunaca Cristota crishcamantami, paihuan huañushca shina canguichic. Cancuna causagrinataca, Cristohuanmi Taita Diosca pacashpa charicun.

APOCALIPSIS 14:3

Chaicunaca mushuc cantotami mandashpa tiyarinapac ñaupapi, chuscu animalman ricchapac ñaupapi cantacurcacuna. Chai cantotaca pipish mana yachac chayarcachu, ashtahuanpish chai pasac chuscu chunga chuscu huaranga cai pachamanta quishpirishcacunallami yachac chayarcacuna.

APOCALIPSIS 19:16

Paipac churanapipish, changapipish “Amocunapac Amo, Jatun Mandaccunapac Jatun Mandac” nishca quillca apashcami carca.

APOCALIPSIS 2:11

Maijanpish rinrita chariccunaca, Diospac Espíritu tandanacushca criccunaman ima nicushcataca uyachun. Millaita mishaccunaca q'uipa huañuipica ima llaquita mana apangachu.

APOCALIPSIS 2:7

Maijanpish rinrita chariccunaca, Diospac Espíritu tandanacushca criccunaman ima nicushcataca uyachun. Maijanpish millaita mishaccunamanca Diospac llactapi cac causaita cuc yuramantami carasha.

APOCALIPSIS 3:22

Maijanpish rinrita chariccunaca, Diospac Espíritu tandanacushca criccunaman ima nicushcataca uyachun” nirca.

APOCALIPSIS 3:6

Maijanpish rinrita chariccunaca, Diospac Espíritu tandanacushca criccunaman ima nicushcataca uyachun.