APOCALIPSIS 2:16 - Nuevo Testamento en Quichua Cañar 1996

¹⁶ Shina cashcamanta Taita Diosman llaquirishpa cutirichic. Chaita cancuna mana ruhuacpica, utca cancunapacman shamushpami, ñuca shimimanta llucshicuc espadahuan chaicunahuanca macanacusha.

Dios Rimashcata Quillcashcami

¹⁶ Shina cashcamanta Diosman llaquirishpa cutiri. Chaita can mana ruhuacpica, utca cambacman shamushpami, ñuca shimimanta llucshicuc espadahuan chaicunahuanca macanacusha.

APOCALIPSIS 2:16 Iomraidhean Croise

EFESIOS 6:17

Umata jarcachun cascota umapi churarishca shina, quishpirishca cashcataca yuyaichic. Shinallatac Diospac Espíritu cushca Dios rimashca shimitaca espadata shinata charichic.

2 TESALONICENSES 2:8

chai millaita ruhuac runami ricuringa. Paitami Apunchic Jesusca cutin shamushpa, paipac shimihuan p'ucushpa huañuchinga, shinallatac paipac sumac achiclla cashcahuanmi chingachinga.

APOCALIPSIS 1:16

Paipac alli maquipica canchis lucerocunatami charicurca. Paipac shimimantaca ishcai filoyuc puntasapa espadami llucshicurca. Shinallatac paipac ñahuica inti tucuita achicyachicuc shinami carca.

APOCALIPSIS 16:9

Chashna ruhuacpica, tucui gentecunami ruparcacuna. Shina cacpipish Taita Diosman cutirishpa, paita alli ninataca mana munarcacunachu, ashtahuanpish chai llaquicunatapish anchuchiclla Diostaca c'amishpami rimarcacuna.

APOCALIPSIS 19:15

Cai pachapi causaccunata llaquichingapacmi, paipac shimimantaca puntasapa espada llucshicurca. Fierro varahuanmi paica mandanga. Tucui imatapish ruhuac Taita Diosca munai p'iñarishcamantami, uvasta chaquihuan sarushpa llapishpa, vinota ubiachic shina llaquichinga.

APOCALIPSIS 19:21

Shuccunataca caballopi montashca tiyacucpac shimimanta llucshicuc espadahuanmi huañuchishca carca. Paicunapac aichacunataca jahuata volashpa puric tucui laya alasyuc animalcunami sacsacta micurcacuna.

APOCALIPSIS 2:12

Shinallatac Pérgamo pueblopi cac tandanacushca criccunata ricuc angelmanpish cashna nishpa quillcai: Ishcai filoyuc puntasapa espadata charicucca cashnami nini:

APOCALIPSIS 2:5

Chaimanta cancuna maimanta mana allita ruhuanata callarircanguichic, chaita yuyarishpa Diosman llaquirishpa cutirichic. Callaripi ima shina cashca shinallatac caichic. Cancuna llaquirishpa Diosman mana cutiricpica, cancunapacman utca shamushpami, cancunapac candelerota maipi tiyacushcamanta anchuchisha.

APOCALIPSIS 22:20

Caicunata huillac Jesuspish: —¡Ari, utcami shamugrini!— ninmi. Chashna cachun. ¡Apunchic Jesús, utca shamuilla!

APOCALIPSIS 22:7

Shinallatac Jesusca: —¡Ñallami shamusha! Maijanpish cai libropi quillcashca, Dios huillashcata ricushpa cazucmanca, ¡mai cushicuimi canga!— nirca.

APOCALIPSIS 3:19

Ñucaca tucui c'uyashcacunatami rimanipish, llaquichinipish. Chaimanta cancuna juchayuc cashcamanta llaquirishpa Diosman cutirishpa, shuc shungulla caichic.