APOCALIPSIS 2:13 - Nuevo Testamento en Quichua Cañar 1996

¹³ Cancuna Satanás*f** maipi mandacucpi causacushcataca yachanimi. Shina cashpapish ñucata c'atinataca mana saquishcanguichicchu. Satanás maipi mandacucpi ñucamanta allita huillac Antipasta huañuchicpipish, ñucata crinataca mana saquishcanguichicchu.

Dios Rimashcata Quillcashcami

¹³ Satanás maipi mandacucpi can causacushcata, shinallatac can imata ruhuashcatapish yachanimi. Satanás maipi mandacucpi ñucamanta allita huillac Antipasta huañuchicpipish, ñucata crinataca mana saquishcanguichu.

APOCALIPSIS 2:13 Iomraidhean Croise

SAN MATEO 10:23

Maijan pueblopi cancunata llaquichicpica, caishuc puebloman ringuichic. Cancuna Israel*f** llactapi manarac tucuiman huillashpa puricpimi, Runa Tucungapac shamushca*f** ñucaca cutimusha. Chaica chashnatacmi canga.

SAN MATEO 24:9

Chai punzhacunapimi cancunata llaquichishpa huañuchichun japichingacuna. Ñucata c'aticushcamantaca, tucuimi cancunataca p'iñangacuna.

SAN MATEO 4:10

Shina nicpi Jesusca: —¡Anchuri caimanta Satanás!*f** Dios quillcachishcapica: ‘Canta Mandac Taita Diosllata “allimari cangui” ningui, paillata servingui’ ninmi— nirca.

SAN LUCAS 21:17

Ñucata c'aticushcamantami, cancunataca tucui gentecuna p'iñashpa mana ricunachingacuna.

HECHOS 22:20

Canmanta huillac Estebanta yahuarsapata ruhuashpa huañuchicucpipish, huañuchiccunapac churanacunata cuidashpa: “Allitami ruhuacunguichic” nishpami shayacurcani’ nircanimi.

HECHOS 9:14

Cunanpish canman mañaccunata huatashpa apangapacmari, curacunata mandac curacunaman quillcata mañashpa shamushca— nirca.

1 TESALONICENSES 5:21

Alli cashcata, mana alli cashcataca alli yuyarichic. Alli cashcataca yuyarirashca, huacaichishpa causaichic.

1 TIMOTEO 5:8

Maijanpish quiquin aillucunapurata, ashtahuancarin quiquin huasi ucupi caccunata mana llaquicca, crishcata saquishpa, mana cric gentecunata yallimi tucun.

2 TIMOTEO 1:13

Canca ñuca ima shina alli yachachishca shinallatac, Jesushuan shuc shinalla cashcamantaca paita crishpa, paita c'uyashpa causachun ninimi.

2 TIMOTEO 2:12

Llaquicunata apashpaca, paihuanmi mandashun. Pingashpa ‘mana paipacchu cani’ nicpica, paipish ‘mana ñucapacchu cangui’ ningami.

HEBREOS 10:23

Taita Diosca Pai pactachingapac ari nishca shinallatacmi pactachinga. Chaimantami ñucanchic crishpa shuyacushcataca, mana caita chaita yuyashpa shuyashunchiclla. Chai shuyacushcamantami shuccunaman huillacunchic.

HEBREOS 3:6

Ashtahuanpish Diospac Churi cashpami, Jesucristoca Diospac huasipica imatapish allita ruhuacun. Mana caita chaita yuyashpa, cushicushpa shuyacushpaca, ñucanchicmi chai huasica canchic.

SANTIAGO 2:7

¿Manachu paicunallatac cancuna alli nina sumaimana Apunchic Jesuspac shutitapish mana allichu nishpa rimancuna?

APOCALIPSIS 1:5

Shinallatac cai pachapi tiyac jatun mandaccunata Mandac, huañushcacunapuramanta punta causaric Jesucristo cancunaman sumac causaita cuchunmi munani. Paica Diosmanta allita huillacmi. Jesucristoca c'uyac cashpami paipac yahuarta jichashpa, juchapi huatashca shina causacucpi ñucanchictaca cacharichirca.

APOCALIPSIS 11:3

Chai punzhacunapica huaranga ishcai pasac sucta chunga punzhacunacaman ñucamanta huillachunmi, yana churanata churarishca ishcai huillaccunata cachasha— nirca.

APOCALIPSIS 12:11

Paicunaca Pactalla Oveja*f** huañushpa yahuarta jichashcamantapish, alli huillaita huillashcamantapish chai llaquichictaca mishashcami. Shinallatac huañuna cacpipish, mana manchashpami c'atircacuna.

APOCALIPSIS 13:2

Chai ñuca ricushca manchana animalca tigreman ricchami carca. Chaquica osopac chaqui shinami carca. Shimipish leonpac shimi shinami carca. Dragonmi pai shina mandashpa tiyarinatapish, imata ruhuaclla canatapish, shinallatac mandanatapish chai manchana animalman curca.

APOCALIPSIS 14:12

Caipimi Diospaclla caccunaca Dios mandashcacunata cazushpa, mana shaicushpa Jesusta alli c'aticcuna cashcataca ricuchingacuna.

APOCALIPSIS 17:14

Chaicunaca Pactalla Ovejahuanmi*f** macanacunga. Shina cacpipish, amocunapac Amo, jatun mandaccunapac Jatun Mandac cashcamantami Pactalla Ovejaca Dios c'ayashpa acllashca, paita allita c'aticcunahuan tucushpa, paicunata mishanga— nirca.

APOCALIPSIS 17:6

Chai huarmitaca Taita Diospaclla caccunapac, shinallatac Jesusmanta huillaccunapac huañuchishca yahuarhuan machashca cashcatami ricurcani. Chaita ricushpaca, yallitami mancharishpa saquirircani.

APOCALIPSIS 2:2

Ñucaca cancuna imata ruhuacushcataca tucuimi yachani. Cancuna mana shaicushpa imata ruhuashcatapish, mana p'iñarishpa c'atirashcatapish, millaicunata mana ricunachishcatapish, shinallatac ‘Jesusmanta huillaccunami canchic’ nishpa llullashpa puriccunata taripashcatapish yachanimi.

APOCALIPSIS 3:11

Cancunaman ñuca cusha nishcata ama pi quichuchun, ñucata c'atiranguichic. Ñucaca ñallami shamusha.

APOCALIPSIS 3:3

Callaripi ima shina yachacushcataca yuyarishpa, Diosman cutirishpa c'atiraichic. Cancuna mana yuyarishpa Diosman mana cutiricpica, cancuna mana yuyashca horasmi shuhua shamuc shina cancunapacman shamusha.