APOCALIPSIS 18:3 - Nuevo Testamento en Quichua Cañar 1996

³ Tucui llactacunapi causaccunami vinota ubiashpa machac shina, chai pueblota c'atishpa huacllirishcacuna. Cai pachapi tiyac jatun mandaccunapish paihuanmi huacllirishcacuna. Shinallatac chai pueblo yallita chayucyanata munashcamantami, tucui llactacunamanta c'atushpa randishpa causaccunaca yallita chayucyashcacuna— nircami.

Dios Rimashcata Quillcashcami

³ Tucui llactacunapi causaccunami vinota ubiashpa machac shina, chai pueblota catishpa huacllirishcacuna. Cai pachapi tiyac jatun mandaccunapish paihuanmi huainayarcacuna. Shinallatac chai pueblo yallita chayucyanata munashcamantami, tucui llactacunamanta catushpa randishpa causaccunaca yallita chayucyashcacuna» nirca.

APOCALIPSIS 18:3 Iomraidhean Croise

SAN LUCAS 7:25

Mana cashpaca, ¿imatatac ricugrircanguichic? ¿Shuc alli churanata churashca runatachu ricugrircanguichic? Chashna alli churanata churashcacunaca, chayuccunahuanmi cushicushpa, jatun mandaccunapac huasicunapi causan.

1 TIMOTEO 5:11

Manarac sucta chunga huatata charic viudacunataca, tandanacushca cric viudacunapac quillcanapica ama quillcanguichu. Paicunaca mana alli yuyaicuna shamucpi Cristopacta ruhuanata saquishpa, cutin cazarasha ningacunami.

APOCALIPSIS 14:8

Chaipac c'atic angelca: —¡Babilonia jatun puebloca ñamari tucui tucurin! Paica vinota ubiachic shinami, pai huacllirishpa tucui llactacunapi causaccunata huacllirinapi urmachishca— nirca.

APOCALIPSIS 17:2

Chai huarmihuanmi tucui cai pachapi tiyac jatun mandaccunaca mana allita ruhuashpa huacllirircacuna— nirca.

APOCALIPSIS 18:19

Shina nishpaca, mai llaquirishpa yallita huacashpami, ñutu allpata umapi churashpaca: —¡Aij, aij, jatun pueblolla! Can charishcacunamantami mama cucha yacupi barcota chariccunaca chayuc tucushcacuna. Shina cashpapish shuc ñahui quimllaillapimi tucui tucurishca— nishpami caparingacuna.

APOCALIPSIS 18:23

Shinallatac achicyachic luzpish jaicapi mana tiyangachu. Cazarashpa cushicuipish mana tiyangachu. C'atushpa randishpa causaccunapish maimi chayucyashcacuna. Canca brujiashpami tucui llactacunapi causaccunatapish llullashpa umashcangui— nirca

APOCALIPSIS 18:7

Pai jatun tucushpa munashcata ruhuashpa, cushicushpa causashcamantaca, ¡chai shinallatac llaquichichic! Paica paipac shungupica: ‘Jatun mandac huarmi shinami tiyacuni. Cusa illacpish mana canichu, shinallatac llaquillapish mana canichu’ nishpami niricun.

APOCALIPSIS 18:9

Paihuan huacllirishpa, munashcata ruhuashpa cushicuc cai pachapi tiyac jatun mandaccunaca chai pueblo rupashpa cushni llucshicucta ricushpaca, chai pueblomanta llaquirishpami yallita huacangacuna.