APOCALIPSIS 13:5 - Nuevo Testamento en Quichua Cañar 1996

⁵ Chai manchana animalca Dios shina tucushpa “allimari cani” nishpa Diosta rimachunpish, shinallatac chuscu chunga ishcai quillata mandachunpish, Taita Diosca saquircami.

Dios Rimashcata Quillcashcami

⁵ Chai manchana animalmanca Diosta piñashpa rimanata, shinallatac chuscu chunga ishcai quillata mandanatapish, curcami.

APOCALIPSIS 13:5 Iomraidhean Croise

2 TESALONICENSES 2:3

Ima shinapish pandachichunca, amatac saquinguichicchu. Chai punzha manarac chayamucpimi, Taita Diosta p'iñaccunaca achcacuna ricuringa, shinallatac huiñai huiñaita llaquiman cachana millaita ruhuac runapish ricuringami.

2 TESALONICENSES 2:4

Chai millaita ruhuac runami Taita Diostapish, chashnallatac imatapish Diosta shina alli ninacunatapish p'iñanga. Chaipac jahuapica chai runallatacmi Diosman mañana huasipipish “ñucami Dios cani” nishpa tiyaringa.

2 TESALONICENSES 2:8

chai millaita ruhuac runami ricuringa. Paitami Apunchic Jesusca cutin shamushpa, paipac shimihuan p'ucushpa huañuchinga, shinallatac paipac sumac achiclla cashcahuanmi chingachinga.

APOCALIPSIS 11:7

Ña paicuna tucui huillashca q'uipaca, manchaipac animalmi ucu pacha jutcumanta llucshishpa paicunahuan macanacunga. Chashna macanacushpaca, paicunata atishpami huañuchinga.

APOCALIPSIS 12:14

Ashtahuanpish chai huarmimanca culebramanta caruyashpa, shitashca pambapi pai causagrichunmi, condorpac ishcai alasta volashpa richun curcacuna. Chaipi quimsa huata chaupita micushpa causachunpish curcacunami.

APOCALIPSIS 12:6

Shinallatac chai huarmica shitashca pambamanmi miticushpa rirca. Chaipimi Taita Diosca huaranga ishcai pasac sucta chunga punzhacaman caracpi, micushpa causachun ch'icanyachishcami carca.

APOCALIPSIS 13:7

Shinallatac Diospaclla caccunahuan macanacuchunpish, mishachunpish saquircami. Tucui aillucunata, tucui laya rimaita rimaccunata, tucui laya gentecunata, shinallatac tucui cai pacha llactacunata mandachunpish saquircami.