APOCALIPSIS 12:9 - Nuevo Testamento en Quichua Cañar 1996

⁹ Chaimantami jatun dragontaca jahua pachamanta llucchishpa shitarcacuna. Chai dragonmi ñaupa rucu culebraca can. Paillatacmi diablo nishcapish, Satanás*f** nishcapish can. Paica tucui cai pachapi causaccunata llullashpa, mana allita ruhuachicmi. Chaimantami paipac angelcunandic cai pachaman llucchishpa shitarcacuna.

Dios Rimashcata Quillcashcami

⁹ Chaimantami jatun dragontaca jahua pachamanta llucchishpa shitarcacuna. Chai dragonmi ñaupa rucu culebra, shinallatac diablo nishcapish, Satanás nishcapish can. Paica tucui cai pachapi causaccunata llullashpa, mana allita ruhuachicmi. Chaimantami paipac angelcunandi cai pachaman llucchishpa shitarcacuna.

APOCALIPSIS 12:9 Iomraidhean Croise

SAN MATEO 13:39

Shinallatac chagrayucta p'iñashpa, trigo chagrapi mana alli q'uihuata jichac shinaca, diablomi. Trigota p'itishpa tandachina nishpaca, cai pacha tucurinatami nisha nin. Trigota p'itishpa tandachiccunaca, angelcunami.

SAN MATEO 24:24

Chai punzhacunapica ‘ñucami Cristo cani’ nishpa huillaccunapish, ‘Diosmantami huillacunchic’ niccunapish tiyangami. Chaicunaca pi mana ruhuaipaccunatapish, pi mana ricushcacunatapish ruhuashpa ricuchingami. Chashna ruhuashpaca, Taita Dios acllashcacunatapish ima shinapish pandachinatami yuyangacuna.

SAN MATEO 25:41

Chai q'uipami ñucaca lluqui ladoman caccunataca: ‘Caimanta anchurichic, Taita Dios mana allichu canguichic nishcacuna. Diabloman, shinallatac paipacta ruhuac angelcunaman allichishca, mana huañuc ninamanmi shitashca cana canguichic.

SAN MATEO 4:1

Chai q'uipaca, Diospac Espiritumi Jesustaca diablo pandachisha nichun, shitashca pambaman pusharca.

SAN MATEO 4:10

Shina nicpi Jesusca: —¡Anchuri caimanta Satanás!*f** Dios quillcachishcapica: ‘Canta Mandac Taita Diosllata “allimari cangui” ningui, paillata servingui’ ninmi— nirca.

SAN MATEO 4:5

Chaimantaca diabloca, Diospaclla cac Jerusalén puebloman pushashpami, Diosman mañana huasi jahuapi churashpa,

SAN MATEO 4:8

Cutinllatacmi diabloca Jesusta jatun urcuman pushashpa, tucui llactacunapi ima tiyashca sumaccunata ricuchishpaca:

SAN LUCAS 10:18

Chashna nicpi Jesusca: —Ari, Satanastaca*f** relampa shina jahuamanta urmacta ricurcanimi.

SAN LUCAS 13:16

Cai huarmicarin, ñaupa taita Abrahampac huahua huahuapuramantami. Paitaca Satanasmi*f** chunga pusac huatata ung:uihuan huatashpa charicushca. Paitaca samana punzha cacpipish, ¿manachu ung:uimanta cacharichina cani?— nirca.

SAN LUCAS 22:3

Chashna cacpimi, Judas Iscariote runapac shungupi Satanasca*f** yaicurca. Chai runaca Jesuspac chunga ishcai yachacuccunapuramanta shucmi carca.

SAN LUCAS 22:31

Apunchic Jesusca caitapish nircami: —Simón, Simón. Cancunataca trigota shushuc shina, alli cacta, mana alli cacta ricungapacmi, Satanasca*f** mañashca.

SAN LUCAS 8:12

Ñanpi urmashca muyu shinaca, uyaccunami. Paicuna uyashpa, ama crishpa quishpirichunmi, Satanás*f** shamushpa cungachin.

SAN JUAN 12:31

Cunanmi cai pachapi causaccunata taripashca cagrin. Shinallatac cunanllatacmi cai pachata mandactapish llucchishpa shitashca cagrin.

SAN JUAN 14:30

Cai pachata mandac shamucushcamantaca, cancunahuanca mana ashtahuan parlacushallachu. Shina cacpipish ñucahuanca paica imata mana ricunata charinchu.

SAN JUAN 16:11

Shinallatac cai pachata mandacta Taita Dios ña juchanchishca cashcamantami, ima shina taripana cashcataca ricuchinga.

SAN JUAN 8:44

Cancunapac taitaca diablomi. Cancunaca pai shinami canguichic. Pai shina cashpami, pai munashcata ruhuashun ninguichic. Callarimanta pachami diabloca huañuchic cashca. Paica imapish cashcata ruhuana munaitaca jaicapi mana charishcachu. Shina cashpami, paica cai pachapipish llullacunlla. Paica llullanata callarichic cashcamantami, llullapac taitaca can. Pai llullashpaca, pai ima shina cashca shinallatacmi llullan.

HECHOS 26:18

Canmi paicuna amsapi shina causacuccunataca, ñahuita pascac shina alli yuyaita cungui. Chashna ruhuacpimi, Satanás*f** mandacushcamanta anchurishpa, Taita Dios mandashca causangacuna. Ñucata cricpimi, Taita Dios paicunapac juchacunata perdonanga. Shinallatac Taita Dios paipaclla cachun acllashcacunaman cusha nishcatapish chasquingacunami’ nircami.

HECHOS 5:3

Chaimantami Pedroca Ananiasta: —Ananías, ¿ima nishpatac Satanasta*f** cambac shungupi yaicuchun saquircangui? Chaimantami canca Diospac Espirituman llullashpa, allpa c'atushca cullquitaca mana tucui apamushcangui.

ROMANOS 16:18

Chashna ruhuaccunaca paicunapac munaicunallata ruhuashpami, Apunchic Jesuspactaca mana ruhuancuna. Paicunaca mishquilla, shinallatac uyanalla rimaicunata rimashpami, manarac alli yachac gentecunataca pandachincuna.

ROMANOS 16:20

Chashnami sumac cushicui causaita cuc Taita Diosca Satanastaca*f** cancunapac chaqui sarunapi ñalla churanga. Ñucanchic Apunchic Jesusca cancunata mai c'uyashpa allicunata cushca cachun.

2 CORINTIOS 11:14

Caicunata ricushpaca, mana mancharinachu. Satanasllatacmi*f** achic nicuc ángel shina tucunlla.

2 CORINTIOS 11:3

Shina cashpapish ima shinami culebra paipac yachac tucushca cashcahuan Eva huarmita umashpa crichirca, chashnallatac cancunamantapish Cristota tucui shunguhuan c'atina yuyaicunata anchuchishpa, chingachinatami manchani.

2 CORINTIOS 12:7

Chai muscuipi shina ricushcamanta ñuca mana yalli jatun tucuchunca, ñuca cuerpopi shuc casha tucsic shinami Diosca nanaita churarca. Chai shinami ama yalli jatun tucuchunca, Satanaspish*f** chai nanaillahuantac llaquichicunlla.

2 CORINTIOS 2:11

Chai shina ruhuacpimi, Satanasca*f** mana ñucanchictaca pandachinga. Pai ima shinapish pandachisha nicushcataca allimi yachanchic.

2 CORINTIOS 4:4

Ashtahuanpish paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca*f** amsayachishpa charicun.

EFESIOS 4:14

Shina cashpami ñucanchicca huahuacuna imatapish jahualla cric shina, chai pandachishpa puric, yachac tucushca gentecuna yachachishcata c'atishpa, huaira apashca shinaca ña mana cashun.

2 TESALONICENSES 2:3

Ima shinapish pandachichunca, amatac saquinguichicchu. Chai punzha manarac chayamucpimi, Taita Diosta p'iñaccunaca achcacuna ricuringa, shinallatac huiñai huiñaita llaquiman cachana millaita ruhuac runapish ricuringami.

1 TIMOTEO 2:14

Shinallatac mana Adanchu diablo pandachishcaca carca, ashtahuanpish Evami diablo pandachicpi, Dios mandashcata mana cazushpa juchapi urmarca.

2 TIMOTEO 3:13

Ashtahuanpish millaita ruhuaccunapish, shinallatac shuccunata pandachiccunapish punzhantami ashtahuan ashtahuan mana allipi c'atingacuna. Chashna cashpami ashtahuan pandachishpa, paicunapish pandaringacuna.

HEBREOS 2:14

Ima shinami shuc taita mamapac huahuacunaca shuc aichalla, shuc yahuarlla shina can, chai shinallatacmi Jesuspish ñucanchic shina aichayuc, yahuaryuc carca. Shina cashpami huañuiman apac diablotaca pai huañushpa chingachirca.

1 PEDRO 5:8

Cancunata mana ricunachic diabloca león yarcaihuan micusha nishpa puricuc shinami, mashcashpa puricun. Shina cashcamanta riccharishca shina, alli yuyaihuan causaichic.

1 JUAN 5:19

Ñucanchicca Taita Diospac huahuacuna cashcatami yachanchic, shinallatac cai pachapaclla causaccunataca diablo mandacushcatapish yachanchicmi.

SAN JUDAS 1:9

Angelcunata jatun mandac Miguel angelpish, diablohuan Moisespac huañushca cuerpota quichunacushpa p'iñanacushpapish, diablotaca mana millaita rimarcachu. Chaipac randica “Taita Diosllatac llaquichichun” nircami.

APOCALIPSIS 12:12

¡Jahua pachapi causaccunaca cushicuichic! Ashtahuanpish allpa pachapi, shinallatac mama cucha yacupi causaccunaca, ¡aij, imachari tucunguichic! Ashalla punzhacuna tiyana cashcata yachashpami, diabloca yallita p'iñarishpa jahua pachamanta cancunapacman shamushca— nictami uyarcani.

APOCALIPSIS 12:3

Chai q'uipaca cutinllatacmi jahua cielopica shuc jatun mancharina ricurirca. Shuc jatun puca dragón nishca manchana animalmi canchis umayuc, chunga gachuyuc ricurirca. Umacunapica coronacuna apashcami carca.

APOCALIPSIS 12:7

Chai q'uipaca shuc macanacuimi jahua pachapi tiyarca. Chaipica mandac ángel Miguelmi paipac angelcunata tandachishpa dragonhuan macanacurca. Shinallatac dragonpish paipac angelcunata tandachishpami macanacurca.

APOCALIPSIS 12:8

Shina cashpapish paicunaca mana misharcachu. Shina mana mishashcamantami jahua pachapica ña mana ashtahuan causanata charircacuna.

APOCALIPSIS 13:14

Punta shamuc animalpac ñaupapi chai manchana animal chashna ruhuashpa ricuchichunpish, cai pachapi tucui causaccunata llullashpa crichichunpish Diosca saquircami. Shina saquicpica: “Chai punta animalca espadahuan huañunallatac chugrichishca cashpapish, causashpa c'atinmi” nishpami, chai animalman ricchata ruhuachunpish mandarca.

APOCALIPSIS 16:14

Chaicunaca pi mana ruhuaipacta ruhuashpa ricuchic, supaipac millai espiritumi carca. Chaicunaca tucui cai pachapi tiyac jatun mandaccunapacman rishpami, tucui imatapish ruhuac Diospac jatun macanacuna punzhapi macanacungapac tandachigricurca.

APOCALIPSIS 18:2

Chai ángel sinchita caparishpaca: —¡Babilonia jatun puebloca tucui urmashcami! Cunanca supaicuna, millai espiritucuna, shinallatac p'iñana millanayai volashpa puric animalcuna causana pueblomi tucushca.

APOCALIPSIS 18:23

Shinallatac achicyachic luzpish jaicapi mana tiyangachu. Cazarashpa cushicuipish mana tiyangachu. C'atushpa randishpa causaccunapish maimi chayucyashcacuna. Canca brujiashpami tucui llactacunapi causaccunatapish llullashpa umashcangui— nirca

APOCALIPSIS 19:20

Chai manchana animaltapish, llullashpa huillactapish prezu japircacunami. Chai llullashpa huillacca chai manchana animalpac ñaupapimi pi mana ruhuaipaccunata ruhuashpa ricuchic carca. Cai ruhuashcacunahuanmi chai llullashpa huillacca manchana animalpac shutita frentepi chariccunatapish, shinallatac chai animalman ricchata alli niccunatapish umashca carca. Chai ishcaicunataca causactami azufrehuan rupacuc nina cuchapi shitashca carca.

APOCALIPSIS 2:13

Cancuna Satanás*f** maipi mandacucpi causacushcataca yachanimi. Shina cashpapish ñucata c'atinataca mana saquishcanguichicchu. Satanás maipi mandacucpi ñucamanta allita huillac Antipasta huañuchicpipish, ñucata crinataca mana saquishcanguichicchu.

APOCALIPSIS 2:24

Tiatira pueblopi causac criccunamanta maijancunaca pai yachachishcata mana c'aticunguichicchu. Shinallatac cancunaca Satanaspac*f** jatunta yachanami nishcatapish mana yachacunata munashcanguichicchu. Chaimanta cancunataca ima ashtahuan ruhuanataca mana mandanichu.

APOCALIPSIS 2:9

Cancuna ima shina llaquicunata apacushcatapish, cancuna huaccha cashcatapish yachanimi. Shina cashpapish cancunaca chayuccunami canguichic. ‘Israelcunami*f** canchic’ niccuna cancunata mana alli nishpa, rimac cashcatapish yachanimi. Chaicunaca mana israeltacchu, ashtahuanpish Satanaspacta*f** ruhuangapac tandanacuccunami.

APOCALIPSIS 20:10

Chai llullashpa crichic diablotaca azufrehuan rupacuc nina cuchamanmi shitashca carca. Chaipica llullashpa huillactapish, manchana animaltapish shitashcami carca. Chaipica tutapish, punzhapish huiñaitami llaquichishca canga.

APOCALIPSIS 20:8

Paimi gentecunaman llullashpa crichingapac, tucui cai pachapi tiyac llactacunata puringa. Shinami Gog nishca, Magog nishca soldadocunatapish macanacungapac tandachinga. Chai soldadocunaca mama cuchapi tiyac t'iyu shinami canga.

APOCALIPSIS 3:9

Ñucaca Satanaspac*f** tandanacuimantami maijan manapish israelcuna*f** cashpa, ‘israelcunami canchic’ nishpa llullaccunataca cancunapac ñaupapi cungurichisha. Chashna ruhuacpimi ñuca cancunata c'uyashcataca yachangacuna.

APOCALIPSIS 9:1

Pichca niqui ángel tocacpica, jahua pachamanta urmashca luceroman ucu pacha jutcuta pascana llaveta cuctami ricurcani.

APOCALIPSIS 9:20

Shina llaquichicucpipish caishuc gentecunaca mana huañurcachu. Shina mana huañushpapish paicuna mana allita ruhuacushcataca mana saquircacunachu. Chashna cashpami supaicunatapish, curimanta, cullquimanta, rumimanta, broncemanta, caspimanta ruhuashcalla dioscunatapish adorashpa c'atirca. Chaicunaca uyanatapish mana uyanchu, ricunatapish mana ricunchu, shinallatac purinatapish mana purinchu.