APOCALIPSIS 11:16 - Nuevo Testamento en Quichua Cañar 1996

¹⁶ Shina caparicpimi Diospac ñaupapi cac, paicunapac tiyarinapi tiyacuc ishcai chunga chuscu yuyaccuna pambacaman cumurishpa, Taita Diosta alli nircacuna.

Dios Rimashcata Quillcashcami

¹⁶ Shina caparicpimi Diospac ñaupapi cac, paicunapac tiyarinapi tiyacuc ishcai chunga chuscu yuyaccuna pambacaman cumurishpa, Diosta alli nircacuna.

APOCALIPSIS 11:16 Iomraidhean Croise

SAN MATEO 19:28

Chaimantami Jesusca cashna nirca: —Cai pachata Taita Dios mushucta ruhuacucpimi, Runa Tucungapac shamushca*f** ñucaca, sumaimana achicllapi mandai callarisha. Chaipica cancunapish ñucata c'aticcuna cashcamantaca, chunga ishcai mandaccuna mandashpa tiyarinacunapi tiyarishpami, chunga ishcai Israel*f** aillucunata mandanguichic. Chaica chashnatacmi canga.

APOCALIPSIS 19:4

Shina nicpimi chai ishcai chunga chuscu yuyaccunapish, chuscu animalman ricchacunapish cungurishpa, mandashpa tiyarinapi cac Diostaca alli nircacuna. Paicunaca: “¡Chashna cachun!” nishpami, Mandac Diostaca “allimari cangui” nircacuna.

APOCALIPSIS 4:10

Chashna nicucpimi chai ishcai chunga chuscu yuyaccunaca coronacunata pambapi churashpa, huiñai huiñaita causacuc chai mandashpa tiyarinapi tiyacucpac ñaupapi cungurishpaca:

APOCALIPSIS 4:4

Shinallatac chai jatun mandac mandashpa tiyarina muyundicpica, ishcai chunga chuscu mandashpa tiyarinapi ishcai chunga chuscu yuyaccuna tiyacuctami ricurcani. Paicunaca yuraclla churanata churashca, umapipish curi coronata churashcami carca.

APOCALIPSIS 5:14

Chai chuscu animalman ricchacunaca: “¡Chashna cachun!” nircacunami. Shinallatac chai ishcai chunga chuscu yuyaccunaca cungurishpami alli nircacuna.

APOCALIPSIS 7:11

Tucui angelcunaca mandashpa tiyarinapac, yuyaccunapac, shinallatac chuscu animalman ricchacunapac muyundictami shayacurcacuna. Paicunaca mandashpa tiyarinapac ñaupapi Taita Diosta alli ningapac pambacaman cumurishpaca: